Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||
  • ରାଜ୍ୟକୁ ପ୍ରଶଂସା କଲା RBI: ଟ୍ବିଟ୍ କରି ଜଣାଇଲେ ମୁଖ୍ୟମନ୍ତ୍ରୀ
  • ||

ପ୍ରଥମଦିନ ହିଁ ବିମାନବନ୍ଦରରୁ ୮୨ ବିମାନ ରଦ୍ଦ : ହଇରାଣ ହରକତ ହେଲେ ଯାତ୍ରୀ

25/05/2020 at 1:14 PM

ନୂଆଦିଲ୍ଲୀ ୨୫/୦୫ : କରୋନା ସଂକ୍ରମଣ ଓ ଲକଦଉନ ଯୋଗୁଁ ଦେଶରେ ଦୁଇ ମାସ ହେଲା ବିମାନ ସେବା ବନ୍ଦ ରହିଛି | ମେ ୨୫ ତାରିଖ, ସୋମବାର ଠାରୁ ଘରୋଇ ବିମାନ ସେବା ଆରମ୍ଭ ହୋଇଛି | କିନ୍ତୁ ଦିଲ୍ଲୀ, ମୁମ୍ବାଇ ଏବଂ ଅନ୍ୟ ବିମାନବନ୍ଦରରୁ ୮୨ ବିମାନ କ୍ୟାନସଲ କରାଯାଇଛି | ଫଳରେ ଯାତ୍ରୀ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି | ଯାତ୍ରୀ ଅଭିଯୋଗ କରିଛନ୍ତି ବିମାନ ଉଡାଣ ରଦ୍ଦ କରିଦିଆଯାଇଛି କିନ୍ତୁ ଏୟାରଲାଇନ୍ସ ତରଫରୁ ସେମାନଙ୍କୁ କୌଣସି ସୂଚନା ଦିଆଯାଇନାହିଁ |

ନ୍ୟୁଜ ଏଜେନ୍ସି ANI ଅନୁଯାୟୀ, ଦିଲ୍ଲୀରୁ ପୋର୍ଟ ବ୍ଲେୟାର, କୋଲକାତା, ହାଇଦ୍ରାବାଦ, ମୁମ୍ବାଇ, ଇନ୍ଦୋରକୁ ଯିବାକୁ ଥିବା ସକାଳ ବିମାନ କ୍ୟାନସଲ ହୋଇଯାଇଛି | ମୁମ୍ବାଇରେ ମଧ୍ୟ ଏହିଭଳି ପରିସ୍ଥିତି ସୃଷ୍ଟି ହୋଇଛି | ଗୁଆହାଟୀ ବିମାନ ମଧ୍ୟ କ୍ୟାନସଲ କରାଯାଇଛି | ଫଳରେ ଯାତ୍ରୀ ହଇରାଣ ହୋଇଛନ୍ତି | ବିମାନ କ୍ୟାନସଲ ହେବା ଫଳରେ ଯାତ୍ରୀ ରାଗି ଯାଇଛନ୍ତି | ଯାତ୍ରୀ ଅଭିଯୋଗ କରିଛନ୍ତି ଯେ ଶେଷ ମୁହୂର୍ତ୍ତ ଯାଏଁ ବିମାନ କ୍ୟାନସଲ ହୋଇଥିବା ନେଇ ତାଙ୍କୁ ସୂଚନା ଦିଆଯାଇନଥିଲା |

ନାଗର ଉଡ୍ଡୟନ ମନ୍ତ୍ରାଳୟ ଯାତ୍ରୀ ଓ ଏୟାରଲାଇନ୍ସ ପାଇଁ ଗାଇଡଲାଇନ୍ସ ଜାରି କରିଥିଲେ | ଯାହାଫଳରେ ଯାତ୍ରୀ ସୁରକ୍ଷିତ ଯାତ୍ରା କରିପାରିବେ | କିନ୍ତୁ ମହାରାଷ୍ଟ୍ର, ପଶ୍ଚିମବଙ୍ଗ, ଆନ୍ଧ୍ର ପ୍ରଦେଶ, ତାମିଲନାଡୁ କେନ୍ଦ୍ର ସରକାରଙ୍କ ଘରୋଇ ବିମାନ ସେବା ଆରମ୍ଭ କରିବା ନିଷ୍ପତ୍ତିକୁ ଆପତ୍ତି କରିଛନ୍ତି | କର୍ଣ୍ଣାଟକ କେରଳ, ତାମିଲନାଡୁ, ବିହାର, ପଞ୍ଜାବ, ଆସାମ, ଆନ୍ଧ୍ର ପ୍ରଦେଶ, ଗୋଆ ଓ ଜାମ୍ମୁ କାଶ୍ମୀର ସେମାନଙ୍କ ବିମାନବନ୍ଦରରେ ଯାତ୍ରୀଙ୍କ ପାଇଁ ଅଲଗା ଅଲଗା ଆଇସୋଲେସନ ନିୟମ ଲାଗୁ କରିଛନ୍ତି | କିଛି ରାଜ୍ୟ ଯାତ୍ରୀଙ୍କୁ କ୍ଵାରେଣ୍ଟାଇନରେ ରହିବ ଅନିବାର୍ଯ୍ୟ କରିଥିବାବେଳେ ଆଉ କିଛି ରାଜ୍ୟ ଯାତ୍ରୀଙ୍କୁ ହୋମ କ୍ଵାରେଣ୍ଟାଇନ ଏବଂ କ୍ଵାରେଣ୍ଟାଇନ କେନ୍ଦ୍ରରେ ରଖିବାକୁ କହିଛନ୍ତି |


ନାଗର ଉଡ୍ଡୟନ ମନ୍ତ୍ରୀ ହରଦୀପ ସିଂହ ପୁରୀଙ୍କ ଅନୁଯାୟୀ, ପଶ୍ଚିମବଙ୍ଗରେ ମେ ୨୮ ତାରିଖରୁ ବିମାନ ସେବା ଆରମ୍ଭ ହେବ | ଆନ୍ଧ୍ର ପ୍ରଦେଶରେ ୨୫ ତାରିଖ ପରିବର୍ତ୍ତେ ୨୬ ତାରିଖରୁ ବିମାନ ଉଡାଣ ଆରମ୍ଭ ହେବ |

   Related Posts