Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା AIIMSର ୩୮୪ ଡାକ୍ତର ଏବଂ ନର୍ସିଂ ଷ୍ଟାଫ୍‌ କୋଭିଡ୍‌ ପଜିଟିଭ୍‌ ଚିହ୍ନଟ
  • ||
  • ବିଧାୟକ ନରସିଂହ ମିଶ୍ରଙ୍କୁ କରୋନା, ଟ୍ୱିଟ୍‌ କରି ଦେଲେ ସୂଚନା
  • ||
  • କରୋନାକୁ ମାତ୍‌ ଦେଲେ ୨୦୦୯ ଆକ୍ରାନ୍ତ
  • ||
  • ସୁଧୁରୁନି କରୋନା ସ୍ଥିତି, ଆଜି ଭୁବନେଶ୍ଵରରୁ ଚିହ୍ନଟ ହେଲେ ୪୭୬ ପଜିଟିଭ୍
  • ||
  • ବ୍ରହ୍ମପୁର : ଗଞ୍ଜାମ ଜିଲ୍ଲାର ସବୁ ଧର୍ମାନୁଷ୍ଠାନରେ କଟକଣା, କେବଳ ପୂଜକ ହିଁ କରିପାରିବେ ପୂଜାର୍ଚ୍ଚନା
  • ||
  • ସମ୍ବଲପୁର : ସମ୍ବଲପୁର ବିଶ୍ବବିଦ୍ୟାଳୟରେ ଠିକା କର୍ମଚାରୀଙ୍କ ଆତ୍ମହତ୍ୟା ଘଟଣା, କ୍ଷତିପୂରଣ ଦାବିରେ ମୃତଦେହ ରଖି ଧାରଣା
  • ||
  • ବଲାଙ୍ଗୀର : କରୋନା ସଂକ୍ରମଣ ରୋକିବାରେ ପୋଲିସ-ଜନତାଙ୍କ ସହଭାଗିତା ରହୁ : ଡିଜି ଅଭୟ
  • ||
  • ମାଲକାନଗିରି : ନାରାୟଣପୁରରେ ପୁଣି ମାଓ ହିଂସା, ଲ୍ୟାଣ୍ଡମାଇନ ବିସ୍ଫୋରଣରେ ଜଣେ ଯବାନ ଗୁରୁତର
  • ||
  • ପୁରୀ : ଗଠନ ହେଲା ୭ଜଣିଆ ସେବାୟତ କମିଟି, କିଏ ଟିକା ନେଇଛି, କିଏ ନେବ, କାହାର ସ୍ବାସ୍ଥ୍ୟ କିପରି ଅଛି ହେବ ତଦାରଖ
  • ||
  • କେନ୍ଦୁଝର : ବାଇକ୍ ଆରୋହୀଙ୍କ ଉପରେ ମାଡିଗଲା ହାଇୱା, ଘଟଣାସ୍ଥଳରେ ମୃତ୍ୟୁ
  • ||

ସଂସଦ ବାହାରେ ପ୍ଲାକାର୍ଡ଼ ଧରି ପ୍ରଧାନମନ୍ତ୍ରୀଙ୍କୁ ଅପେକ୍ଷା କରିଛି ୮ ବର୍ଷର ଶିଶୁ

24/06/2019 at 8:41 AM

ନୂଆଦିଲ୍ଲୀ ୨୪/୬ : ଜଳବାୟୁ ପରିବର୍ତ୍ତନ ଓ ଗ୍ଲୋବାଲ ୱାର୍ମିଙ୍ଗ ଏବେ ସାରା ଦୁନିଆ ପାଇଁ ଏକ ଚେତାବନୀ ସୃଷ୍ଟି କରିଛି । ଏହି ସମସ୍ୟା ଲଗାତାର ବଢ଼ିବାରେ ଲାଗିଛି । ଏହି ସମସ୍ୟା ସହ ଲଢ଼ିବାକୁ, ଏହାର ସମାଧାନ ବାଟ ବାହାର କରିବାକୁ ଅନେକ ଦେଶ ନାନା ପଦକ୍ଷେପ ମଧ୍ୟ ନେଉଛନ୍ତି । ଭାରତ ମଧ୍ୟ ଏହି ସମସ୍ୟାକୁ ନେଇ ଗମ୍ଭୀର ଭାବେ ଚିନ୍ତା କରୁଛି । ଏହି ମାମଲାରେ ସଂସଦ ବାହାରେ ଏକ ରୋମାଞ୍ଚକ ଘଟଣା ଦେଖିବାକୁ ମିଳିଛି । ଜଣେ ୮ ବର୍ଷର ଶିଶୁ ଜଳବାୟୁ ପରିବର୍ତ୍ତନ ସମସ୍ୟାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅପେକ୍ଷା କରିଛି ।

ଜଣେ ୮ ବର୍ଷର ଶିଶୁ ଜଳବାୟୁ ପରିବର୍ତ୍ତନ ସମସ୍ୟାକୁ ନେଇ ସଂସଦ ବାହାରେ ଏକ ପ୍ଲାକାର୍ଡ଼ ଧରି ପ୍ରଧାନମନ୍ତ୍ରୀ ଏବଂ ସାଂସଦଙ୍କୁ ଅପିଲ କରି ଛିଡା ହୋଇରହିଥିବା ଦେଖିବାକୁ ମିଳିଛି । ଶିଶୁ ହାତରେ ଥିବା ପ୍ଲାକାର୍ଡ଼ରେ ଲେଖା ହୋଇଛି, ” ପ୍ରିୟ ଶ୍ରୀମାନ ପ୍ରଧାନମନ୍ତ୍ରୀ ଓ ସାଂସଦ, ଜଳବାୟୁ ପରିବର୍ତ୍ତନ ଏବଂ ଗ୍ଲୋବାଲ ୱାର୍ମିଙ୍ଗ ଆଇନ ପାସ କରି ଭବିଷ୍ୟତ ରକ୍ଷା କରନ୍ତୁ ।”

ଏହି ୮ ବର୍ଷର ଶିଶୁ ହେଲେ ଲାଇସିପ୍ରିୟା କାଙ୍ଗଜୁମ । ଏହି ବୟସରେ ଶିଶୁଟି ଜଳବାୟୁ ପରିବର୍ତ୍ତନ ନେଇ ବହୁତ ଚିନ୍ତିତ । ସେ ଚାହୁଁଛନ୍ତି ପ୍ରଧାନମନ୍ତ୍ରୀ ତାଙ୍କ କଥା ଶୁଣନ୍ତୁ ଏବଂ ଗମ୍ଭୀର ଭାବେ ଚିନ୍ତା କରି ଏହି ଆଇନ ପାସ କରନ୍ତୁ । ଏହି ଅପିଲ ସହ ଲାଇସିପ୍ରିୟା ପ୍ଲାକାର୍ଡ଼ ଧରି ସଂସଦ ବାହାରେ ପହଂଚିଥିଲେ ।

ଏକ ଇଣ୍ଟରଭିୟୁରେ ଲାଇସିପ୍ରିୟା କହିଛନ୍ତି ଯେ, “ମୁଁ ପ୍ରଧାନମନ୍ତ୍ରୀ ଏବଂ ସମସ୍ତ ସାଂସଦଙ୍କୁ ଅପିଲ କରୁଛି ଯେ ଜଳବାୟୁ ପରିବର୍ତ୍ତନ ଓ ଗ୍ଲୋବାଲ ୱାର୍ମିଙ୍ଗ ମାମଲାରେ ଦୃଢ ପଦକ୍ଷେପ ନିଅନ୍ତୁ ଏବଂ ଭବିଷ୍ୟତକୁ ସୁରକ୍ଷିତ କରନ୍ତୁ । ସମୁଦ୍ର ସ୍ଥର ଧୀରେ ଧୀରେ ବଢ଼ିବାରେ ଲାଗିଛି ଏବଂ ପୃଥିବୀ ଲଗାତାର ଗରମ ହେଇଚାଲିଛି ।”

ଲାଇସିପ୍ରିୟା ସଂସଦ ବାହାରେ ପ୍ଲାକାର୍ଡ଼ ଧରି ଅପିଲ କରିଥିବା ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଲୋକେ ଏହି ୮ ବର୍ଷର ନିରୀହ ଶିଶୁକୁ ଅନେକ ପ୍ରଶଂସା କରୁଛନ୍ତି । ଲାଇସିପ୍ରିୟାଙ୍କ ଅପିଲକୁ ଜନତା ସହମତି ଜଣାଇଛନ୍ତି । 

   Related Posts