Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ନିର୍ବାହୀ ଯନ୍ତ୍ରୀଙ୍କ ଅପହରଣ ମାମଲାରେ ୮ ଗିରଫ: କୋଭିଡ୍ ପରୀକ୍ଷା ପରେ ଅଭିଯୁକ୍ତଙ୍କୁ କୋର୍ଟ ଚାଲାଣ କଲା ପୋଲିସ୍‌

10/10/2020 at 8:27 PM

ଝାରସୁଗୁଡା୧୦/୧୦: ତଳିଆ କର୍ମଚାରୀଙ୍କୁ ହଇରାଣ କରିବା ପଡିଲା ମହଙ୍ଗା। ଝାରସୁଗୁଡା ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗର ନିର୍ବାହୀ ଯନ୍ତ୍ରୀ ମନୋରଞ୍ଜନ ପଟ୍ଟନାୟକଙ୍କ ଅପହରଣର ୩ ଦିନ ଭିତରେ ଘଟଣାର ପର୍ଦ୍ଦାଫାସ କଲା ପୋଲିସ। ମିଳିଥିବା ସୂଚନା ଅନୁସାରେ ଗତ ୬ ତାରିଖ ବିଳମ୍ବିତ ରାତିରେ ଘରେ ଶୋଇବା ସମୟରେ ୮ ଜଣ ବ୍ୟକ୍ତି ଝାରସୁଗୁଡା ଗ୍ରାମ୍ୟ ଉନ୍ନୟନ ବିଭାଗର ନିର୍ବାହୀଯନ୍ତ୍ରୀ ମନୋରଞ୍ଜନ ପଟ୍ଟନାୟକଙ୍କୁ ଭୁଜାଲି ଓ ବନ୍ଧୁକ ଦେଖାଇ ଅପହରଣ କରି କଳାହାଣ୍ଡି ଜିଲ୍ଲାର କେସିଙ୍ଗା ନିକଟରେ ଛାଡି ପଳାଇଥିଲେ।

ଏହି ଅପହରଣ ମାମଲାରେ ୮ ଜଣଙ୍କୁ ଗିରଫ କରିଛି ପୋଲିସ୍। ଅପହରଣକାରୀଙ୍କୁ କଳାହାଣ୍ଡି  ଏବଂ ବଲାଙ୍ଗୀର ଜିଲ୍ଲାରୁ ଗିରଫ କରିଛି ପୋଲିସ। ଅପହରଣ ପଛରେ ନିର୍ବାହୀଯନ୍ତ୍ରୀଙ୍କ ଅଫିସର କର୍ମଚାରୀଙ୍କ ହାତ ଥିବା କହିଛନ୍ତି ଝାରସୁଗୁଡ଼ା ଏସପି ରାହୁଲ ପିଆର । ସେମାନଙ୍କ ନିକଟରୁ ଗୋଟିଏ ବନ୍ଧୁକ, ଖଣ୍ଡା, ଭୁଜାଲି, ୯ଟି ମୋବାଇଲ ଓ ବୋଲେରୋ ସହ ଗୋଟିଏ ସୁନାଚେନ୍ ଜବତ କରାଯାଇଛି। ଗିରଫ ୮ ଜଣଙ୍କ କୋଭିଡ ପରୀକ୍ଷା ପରେ ସେମାନଙ୍କୁ କୋର୍ଟ ଚାଲାଣ କରିଛି ପୋଲିସ।

ବାପାଙ୍କ ଦରମା ବନ୍ଦ ସହ କାମରେ ଅବହେଳା ଯୋଗୁଁ କାର୍ଯ୍ୟାନୁଷ୍ଠାନ ସୁପାରିଶ ପରେ ନିର୍ବାହୀ ଯନ୍ତ୍ରୀଙ୍କ ଅଫିସର ପିଅନ ରବି ତାଣ୍ଡିଙ୍କ ଦୁଇପୁଅ ଶିବ ଓ ତୋଫାନ ବଲାଙ୍ଗୀର ଜିଲ୍ଲା ଟିଟିଲାଗଡ ଓ ମୁରିବାହାଲ ଅଞ୍ଚଳର କିଛି ଯୁବକଙ୍କୁ ଡକାଇ ଏଭଳି କାଣ୍ଡ ଭିଆଇ ବଦଲା ନେବାକୁ ଚେଷ୍ଟା କରିଥିଲେ। କିନ୍ତୁ ବାପାଙ୍କ ପାଇଁ ଅଣ୍ଟାଭିଡି ଦୁଇ ପୁଅ ସମେତ ଅନ୍ୟ ୬ ଜଣଙ୍କୁ ଜେଲ ଯିବାକୁ ପଡିଲା।

   Related Posts