Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏମସିଡି ଉପ ନିର୍ବାଚନ : ଚୌକା ମାରିଲା ଆପ୍, କଂଗ୍ରେସର ଗୋଟିଏରେ ବଡ ବିଜୟ, କିନ୍ତୁ ଖାତା ଖୋଲି ପାରିଲାନି ବିଜେପି
  • ||
  • ମଦ୍ରାସାରେ ପଢାଯିବ ଗୀତା, ଯୋଗ ଓ ରାମାୟଣ : ପାଠ୍ୟକ୍ରମରେ ସାମିଲ କଲା ଏନଆଇଓଏସ
  • ||
  • ଗଜପତି : ଜେଇଙ୍କ ଘରେ ଭିଜିଲାନ୍ସ ଚଢାଉ, ୨ କୋଟିରୁ ଅଧିକ ଟଙ୍କାର ସମ୍ପତ୍ତି ଠାବ
  • ||
  • ସମ୍ବଲପୁର : ଯୁଜୁମୁରା ରେଞ୍ଜରେ ବାରମ୍ବାର ହାତୀ ମୃତ୍ୟୁ ଘଟଣା : ନିଲମ୍ବିତ ହେଲେ ସଦର ରେଞ୍ଜର
  • ||
  • ସମ୍ବଲପୁର : ଦୁଇ ବାଇକ୍ ଉପରେ ଚଢିଗଲା ଟ୍ରକ୍, ୩ ମୃତ, ଜଣେ ଗୁରୁତର
  • ||
  • ସୋର : ୮ଲକ୍ଷ ଟଙ୍କା ପାଇଁ କିଡ୍‌ନାପ୍ ! ବନ୍ଧୁକ ମୁନରେ ହତ୍ୟା ଧମକର ଭିଡିଓ ଭାଇରାଲ୍
  • ||
  • ସୋନପୁର : ଭିଜିଲାନ୍ସ ଜାଲରେ ଶିକ୍ଷକ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

କଟକରୁ କଲିକତା ଲମ୍ବିଛି ସୁନା ସ୍ମଗଲିଂର ଚେର ; ବାଦାମବାଡିରୁ ୮୧ଲକ୍ଷ ୫୦ହଜାର ଟଙ୍କା ଜବତ, ଦୁଇ ଅଟକ

30/06/2019 at 3:58 PM

କଟକ ୩୦।୬: କଟକ ବାଦାମବାଡି ଛକରୁ ୮୧ ଲକ୍ଷ ୫୦ ହଜାର ଟଙ୍କା ଜବତ କରିଛି ବାଦାମବାଡି ଥାନା ପୋଲିସ । ଗତକାଲି ବିଳମ୍ବିତ ରାତିରେ ପୋଲିସ ଟିମ୍ ପାଟ୍ରୋଲିଂ କରିବା ସମୟରେ ସନ୍ଦେହରେ ଦୁଇ ଜଣ ଯୁବକଙ୍କୁ ଥାନାରେ ଅଟକ ରଖି ବ୍ୟାଗ୍ ଯାଞ୍ଚ କରିବା ସମୟରେ ବ୍ୟାଗରେ ଲକ୍ଷାଧିକ ଟଙ୍କା ଥିବା ଜାଣିବାକୁ ପାଇଥିଲେ । ତେବେ ଏହି ଘଟଣା ସଂପର୍କରେ ପୋଲିସ ଆୟକର ବିଭାଗକୁ ଜଣାଇବା ପରେ ଆୟକର ବିଭାଗର ଟିମ୍ ଏହି ଘଟଣାର ଖୋଳ ତାଡ ଆରମ୍ଭ କରିଛି ।

ଚୋରା ସୁନା କରାବାର ଚେର କଟକରୁ ଲମ୍ବିଛି କୋଲକତା ଯାଏଁ । ଆଉ ଏଥିପାଇଁ ରାତି ଅଧରେ ବସରେ ଯାଉଛି ଲକ୍ଷ ଲକ୍ଷ ଟଙ୍କା । ଦୁଇ ଜଣ ଯୁବକ ପୋଲିସ ହାତରେ ଧରା ପଡିବା ପରେ ଏହି ଘଟଣା ଆସିଛି ପଦାକୁ । ଗତ କାଲି ବିଳମ୍ବିତ ରାତିରେ ଦୁଇ ଜଣ ଯୁବକ ଦୁଇଟି ବ୍ୟାଗ୍ କାନ୍ଧରେ ପକାଇ ଯାଉଥିବା ବେଳେ ପାଟ୍ରୋଲିଂ କରୁଥିବା ବାଦାମବାଡି ପୋଲିସ ଟିମର ନଜରକୁ ଆସିଥିଲେ ।

ତେବେ ପୋଲିସ ସନ୍ଦେହରୁ ଦୁଇ ଯୁବକଙ୍କୁ ଥାନାକୁ ଆଣି ପଚରା ଉଚରା କରିବା ସହ ବ୍ୟାଗ୍ ଯାଞ୍ଚ କରିବାରୁ ସେଥିରୁ ମିଳିଥିଲା ୮୧ ଲକ୍ଷ ୫୦ ହଜାର ଟଙ୍କା । ଏତେ ପରିମାଣର ଟଙ୍କା ଦେଖି ପୋଲିସ ମଧ୍ୟ ହଡବଡେଇ ଯାଇଥିଲା । ତେବେ ଯାଞ୍ଚ ପରେ ଜଣା ପଡିଥିଲା ଟଙ୍କା ନେଇ ଯାଉଥିବା ଦୁଇ ଅଭିଯୁକ୍ତ କୋଲକାତାର ଅନୁପ ମାଜି ଓ ମନୋରଞ୍ଜନ ମାଜି । ସେ କଟକର ଦରଘା ବଜାର ଅଞ୍ଚଳରେ ରହି ସୁନା କାରବାର ଚଳାଉଛନ୍ତି । ତେବେ ଏହି ଟଙ୍କା କଳା ଧନ କି ନାହିଁ ଯାଞ୍ଚ କରିବା ପାଇଁ ବାଦାମବାଡି ପୋଲିସ ଆୟକର ବିଭାଗକୁ ଜଣାଇବା ପରେ ଆୟକର ବିଭାଗ ଟିମ୍ ପହଞ୍ଚି ତଦନ୍ତ ଆରମ୍ଭ କରିଥିବା କହିଛନ୍ତି ଡିସିପି ।

କଟକ ସହରର ନୟାସଡକ, ବାଲୁବଜାର ଭଳି ସ୍ଥାନରେ ପ୍ରତ୍ୟକ ଦିନ କୋଲକତାରୁ ସୁନା ଆସି କୋଟି କୋଟି ଟଙ୍କାର କାରବାର ହେଉଛି । କେତବେଳେ ଆୟକର ଟିକସ ଫାଙ୍କି ତ ଆଉ କେତେବେଳେ ସୁନା ସ୍ମଗଲିଂ ମଧ୍ୟ ହେଉଛି । ତେବେ ଏହି ଦୁଇ ଯୁବକ ଯେଉଁଭଳି ଭାବେ ସାଧାରଣ ଭାବେ ଲକ୍ଷାଧିକ  ଟଙ୍କା ନେଇ ଯାଉଥିଲେ ଏଥିରୁ ସ୍ପଷ୍ଟ ହୋଇଛି ଏହା ପଛରେ କୌଣସି ଉଦ୍ଦେଶ୍ୟ ରହିଛି । ତେଣୁ ପୋଲିସ ଆୟକର ବିଭାଗକୁ ହସ୍ତାନ୍ତର କରିଥିଲେ ସୁଦ୍ଧା ପୋଲିସ ମଧ୍ୟ ଗୁପ୍ତରେ ଅନୁସନ୍ଧାନ ଜାରି ରଖିଥିବା ଜଣା ପଡିଛି ।

   Related Posts