Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

କୋଷ୍ଠକାଠିନ୍ୟ ରୋଗୀଙ୍କ ପାଇଁ ବରଦାନ ହୋଇଥାଏ ପିଜୁଳି: ଜାଣନ୍ତୁ ଏହାର ୮ଟି ଫାଇଦା

3/10/2020 at 7:49 PM

ଭୁବନେଶ୍ୱର ୦୩/୧୦ : ଫଳମାନଙ୍କ ମଧ୍ୟରେ ପିଜୁଳି ଏମିତି ଏକ ଫଳ ଯାହା ପ୍ରାୟ ବହୁତ ଲୋକଙ୍କୁ ବହୁତ ପସନ୍ଦ। ପିଜୁଳି ଗଛ ପ୍ରାୟ ବହୁତ ଲୋକଙ୍କ ବାଡ଼ିରେ ଥାଏ। ବିଜୁଳିର ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ଗୁଣ ରହିଛି। ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ହିତକାରକ। ନିୟମିତ ପିଜୁଳି ସେବନ କଲେ ଶରୀରର ପ୍ରତିରୋଧକ କ୍ଷମତା ବୃଦ୍ଧି ପାଇଥାଏ। ଫଳରେ ସହଜରେ କୌଣସି ସଂକ୍ରମଣ ରୋଗ ହୋଇନଥାଏ। ଏହା ପାଚନ ତନ୍ତ୍ରକୁ ମଜବୁତ କରି ପେଟ ସମ୍ବନ୍ଧୀୟ ସମସ୍ୟା ଦୂର କରିଥାଏ। ପିଜୁଳିର ଆହୁରି ଅନେକ ଗୁଣ ରହିଛି। ଜାଣନ୍ତୁ କଣ କଣ:

୧. ଥଣ୍ଡା-କାଶ – ସବୁବେଳେ ଥଣ୍ଡା କାଶ ହେଉଥିବା ଲୋକଙ୍କୁ ଡାଏଟରେ ପିଜୁଳି ସାମିଲ କରିବା ଉଚିତ। ପିଜୁଳି ପ୍ରତିରୋଧକ କ୍ଷମତା ବୃଦ୍ଧି କରିଥାଏ। ଫଳରେ ଥଣ୍ଡା-କାଶ ହେବାର ସମ୍ଭାବନା ହ୍ରାସ ପାଏ।

୨. ଓଜନ ନିୟନ୍ତ୍ରଣ – ପିଜୁଳି ସେବନ କରିବା ଦ୍ୱାରା ଶରୀରରେ କୋଲେଷ୍ଟ୍ରୋଲ ମାତ୍ରା କମ ହୋଇଥାଏ। ଯାହାଫଳରେ ଏହା ଓଜନ କମାଇବାରେ ସାହାଯ୍ୟ କରିଥାଏ।

୩. ପାଟିର ଅଲସର ଦୂର କରେ – ଅଧିକାଂଶ ସମୟରେ ଲୋକଙ୍କ ପାଟିରେ ଅଲସର ହୋଇଥାଏ କିମ୍ବା ଛାଲା ପଡ଼ିଯାଏ। ପେଟ ଗରମ ହେଲେ ଏହିଭଳି ହୁଏ ବୋଲି କୁହାଯାଏ। ଏହିଭଳି ସ୍ଥିତିରେ ପିଜୁଳିର କଞ୍ଚା ପତ୍ର ଚୋବେଇ ଖାଇଲେ ଲାଭ ମିଳିଥାଏ।

୪. କୋଷ୍ଠକାଠିନ୍ୟ – କୋଷ୍ଠକାଠିନ୍ୟ ସମସ୍ୟା ଭୋଗୁଥିବା ଲୋକେ ନିୟମିତ ପିଜୁଳି ସେବନ କରିବା ଉଚିତ। ପିଜୁଳି ମଞ୍ଜି ପେଟକୁ ଭଲ ଭାବେ ସଫା କରିଥାଏ। ଫଳରେ କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ମିଳିଥାଏ।

୫. ଆଖି ପାଇଁ ହିତକର – ପିଜୁଳିରେ ଭରପୁର ମାତ୍ରାରେ ଭିଟାମିନ-ଏ ରହିଛି। ନିୟମିତ ପିଜୁଳି ସେବନ କଲେ ଆଖି ସମ୍ବନ୍ଧୀୟ ସମସ୍ୟା ଦୂର ହୋଇଥାଏ।

୬. ମଧୁମେହ ନିୟନ୍ତ୍ରଣ କରେ – ମଧୁମେହ ରୋଗୀଙ୍କ ପାଇଁ ପିଜୁଳି ରାମବାଣ ସଦୃଶ। ମଧୁମେହ ରୋଗୀଙ୍କ ପାଇଁ ପିଜୁଳି ଅତ୍ୟନ୍ତ ହିତକାରକ। ଏହା ସୁଗାର ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ।

୭. କ୍ୟାନସର – ନିୟମିତ ପିଜୁଳି ସେବନ କଲେ ଏହା ଶରୀରରେ କ୍ୟାନସର କୋଷ ତିଆରି କରିବାରେ ରୋକିଥାଏ। ଫଳରେ କ୍ୟାନସର ହେବାର ସମ୍ଭାବନା ବହୁ ମାତ୍ରାରେ କମିଯାଇଥାଏ।

୮. ତ୍ୱଚା – ପିଜୁଳିରେ ବହୁ ମାତ୍ରାରେ ପୋଟାସିୟମ ରହିଛି। ସେଥିପାଇଁ ପିଜୁଳି ସେବନ କଲେ ମୁଖ ବ୍ରଣ, କଳା ଦାଗ ଦୂର ହୋଇ ତ୍ୱଚା ସମ୍ବନ୍ଧୀୟ ଅନ୍ୟ ସମସ୍ୟାରୁ ମୁକ୍ତି ମିଳିଥାଏ। ତ୍ୱଚା ସୁନ୍ଦର ଓ ସଫା ମଧ୍ୟ ହୋଇଥାଏ।

   Related Posts