Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଘର ଭିତରେ ଖଟ ତଳେ ଶୋଇଥିଲା କୁମ୍ଭୀର ; ଦେଖି ଛାନିଆ ହୋଇଗଲେ ଚାଷୀ

28/03/2019 at 1:17 PM

ଆନନ୍ଦ ୨୮/୩ : ଗୁଜରାଟ ଆନନ୍ଦ ଜିଲ୍ଲାର ମଲାତଜ ଗାଁରେ ଜଣେ ଚାଷୀଙ୍କ ଘର ଭିତରୁ ଏକ ବଡ କୁମ୍ଭୀର ଉଦ୍ଧାର ହୋଇଛି | ଚାଷୀ ଜଣକ ରାତିରେ ନିଜ ଖଟ ତଳେ କିଛି ଗୋଟାଏ ଚମକୁଥିବା ଦେଖିଥିଲେ | ଚାଷୀଙ୍କ ଖଟ ତଳେ ୨ଟି ଆଖି ଚମକୁଥିଲା | ତାଙ୍କ ଖଟ ତଳେ ଏକ ୮ ଫୁଟ ଲମ୍ବର କୁମ୍ଭୀର ଥିଲା | ଏହା ଦେଖି ଚାଷୀ ଭୟରେ ଝାଳନାଳ ହୋଇଯାଇଥିଲେ |


ଚାଷୀ ବାବୁଭାଇ ପରମାରଙ୍କ ଘରେ ଏହି କୁମ୍ବୀର ବିଳମ୍ବିତ ରାତିରେ ପଶିଯାଇଥିଲା | ସେତେବେଳେ ସେ ନିଘୋଡ଼ ନିଦ୍ରାରେ ଶୋଇପଡ଼ିଥିଲେ | କୁମ୍ଭୀର ମଲାତଜ ଗାଁରୁ ୫୦୦ ମିଟର ଦୂରରେ ଥବା ଏକ ପୋଖରୀ ଆସିଥିବ ବୋଲି ଗ୍ରାମବାସୀ ସନ୍ଦେହ କରିଥିଲେ | କୁମ୍ଭୀରକୁ ଧରି ପୁଣି ସେହି ପୋଖରୀରେ ଛାଡି ଦିଆଯାଇଥିଲା |


ବାବୁଭାଇ ପରମର କହିଛନ୍ତି ଯେ, ସବୁଦିନ ଭଳି ସେଦିନ ମଧ୍ୟ ସବୁ ପଶୁଙ୍କୁ ଗୁହାଳରେ ବାନ୍ଧି ସେ ଘରକୁ ଫେରିଥିଲେ | ଘରକୁ ଆସି ସେ ଖାଇକି ଶୋଇପଡ଼ିଥିଲେ | ବିଳମ୍ବିତ ରାତିରେ ଅଚାନକ କୁକୁରମାନେ ଭୁକିବା ଆରମ୍ଭ କରିଥିଲେ | ଏତେ ଗୁଡ଼ାଏ କୁକୁର ଭକୁଥିବା ଶୁଣି ବାବୁଭାଇ କିଛି ଅଘଟଣ ଘଟିବା ନେଇ ଆଶଙ୍କା କରିଥିଲେ | ତାଙ୍କ ନିଦ ଭାଙ୍ଗି ଯାଇଥିଲା | ସେ ଯେମିତି ଆଖି ଖୋଲିଲେ ଖଟ ତଳେ ଚମକୁଥିବା ୨ଟି ଆଖି ଦେଖିଥିଲେ | ଏହା ଦେଖି ସେ ଭୟରେ ଥରହର ହୋଇଯାଇଥିଲେ |


ଭୟରେ ଥରହର ହୋଇ ସେ କୌଣସି ପ୍ରକାରେ ଘରର ଲାଇଟ ଜଳାଇଥିଲେ | ସେ ଦେଖିଲେ ୮ ଫୁଟ ଲମ୍ବର ଏକ କୁମ୍ଭୀର ତାଙ୍କ ଖଟ ତଳେ ଅଛି | ସେ ଘରର କବାଟ ଖୋଲି ବାହାରକୁ ଯାଇ ଗାଁଲୋକଙ୍କୁ ଡାକିଥିଲେ | ଗାଁଲୋକେ ବନ ବିଭାଗକୁ ଖବର ଦେଇଥିଲେ | ବନ ବିଭାଗ ଅଧିକାରୀ ଏବଂ ଦୟା ଫାଉଣ୍ଡେସନର ସଦସ୍ୟ ଖବରପାଇଁ ଘଟଣାସ୍ଥଳରେ ପହଂଚିଥିଲେ | ବନ ବିଭାଗ କର୍ମଚାରୀ କୁମ୍ଭୀରକୁ ଧରିବା ପାଇଁ ଜାଲ ବିଛାଇଥିଲେ କିନ୍ତୁ କୁମ୍ଭୀର ଖଟ ତଳୁ ଟିକିଏ ହେଲେ ହଲାଇଲା ନଥିଲା |


ଦୟା ଫାଉଣ୍ଡେସନର ନୀତେଶ ଚୌହାନ କହିଛନ୍ତି ଯେ, କୁମ୍ଭୀର ନିଜ ଜାଗାରୁ ଟିକିଏ ହେଲେ ହଲଚଲ ହେଉନଥିଲା | ଭଲ ଭାବେ ନିରୀକ୍ଷଣ କରିବାରୁ ଜଣାପଡିଥିଲା ଯେ, କୁମ୍ଭୀର ଗର୍ଭବତୀ ଥିଲା ଏବଂ ତାର ଅଣ୍ଡାଦାନ ସମୟ ହୋଇଯାଇଥିଲା | ସେଥିପାଇଁ ବନ ବିଭାଗ କର୍ମଚାରୀ ସାବଧାନତାର ସହ ଜାଲରେ ପକାଇ ପୁନର୍ବାର ସେହି ପୋଖରୀରେ ଛାଡି ଦେଇଥିଲେ |


ସୂଚନାଯୋଗ୍ୟ ଯେ, ଗୁଜରାଟର ମଲାତଜ ଗାଁ କୁମ୍ଭରେ ପାଇଁ ପ୍ରସିଦ୍ଧ | ଏଠାକାର ପୋଖରୀରେ ୨୦୦ରୁ ଅଧିକ କୁମ୍ଭୀର ରୁହନ୍ତି | ସେଠାକାର ଗ୍ରାମବାସୀ କୁମ୍ଭୀରକୁ ପୂଜା କରନ୍ତି |

   Related Posts