Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ମହିଳାଙ୍କୁ ହତ୍ୟା କଲା ୮ଦିନ ଉପବାସ ରଖିଥିବା ସ୍ବାମୀ : ଠାକୁର ଘରୁ ମିଳିଲା ମୃତଦେହ,ନରବଳି ଆଶଙ୍କା

25/10/2020 at 3:22 PM

ଅମ୍ବିକାପୁର ୨୫/୧୦: ନବରାତ୍ରିରେ ୮ଦିନ ଉପବାସ ରଖିବା ପରେ ରାତିରେ ତା ପତ୍ନୀର ଶବ ଠାକୁର ଘରୁ ମିଳିଥିଲା। ପୋଲିସ୍ ଏହାର ଯାଞ୍ଚ କରିବାରୁ ଘଟଣାସ୍ଥଳକୁ ଦେଖି ଲାଗିଥିଲା ଯେ ସ୍ବାମୀ ହିଁ ମହିଳାଙ୍କୁ ନରବଳି ଦେଇଥିବ। ଅଭିଯୁକ୍ତ ଝଡ଼ାଫୁଙ୍କା କାମ କରେ। ଏହି ଅଭାବନୀୟ ଘଟଣା ଘଟିଛି ଛତିଶଗଡ଼ର ଅମ୍ବିକାପୁର ଜିଲ୍ଲାର।

ସହରରୁ ଲାଗିଥିବା ଗାଁରେ ଶୁକ୍ରବାର-ଶନିବାର ରାତିରେ ବ୍ୟକ୍ତିଜଣକ ଶାବଳରେ ପତ୍ନୀକୁ ହତ୍ୟା କରିଥିଲା। ଅଭିଯୁକ୍ତ ମୃତ ମହିଳାଙ୍କ ଶରୀରରେ ୧୨ରୁ ଅଧିକ ଥର ଆକ୍ରମଣ କରି ହତ୍ୟା କରିଥିଲା। ପୋଲିସ୍ ଅଭିଯୁକ୍ତକୁ ହେପାଜତକୁ ନେଇଛି। ଘଟଣାସ୍ଥଳକୁ ଦେଖିବା ପରେ ଆଶଙ୍କା କରାଯାଉଛି ଯେ ଅଭିଯୁକ୍ତ ନରବଳି ଦେଇଥିବ। ଅଭିଯୁକ୍ତ ନିଜ ବୟାନ ବାରମ୍ବାର ବଦଳୁଥିଲା। ସେ କହିଥିଲା ଯେ ସେ ପତ୍ନୀର ଚରିତ୍ରକୁ ସନ୍ଦେହ କରୁଥିଲା। ପୋଲିସ୍ ସବୁ ଆଙ୍ଗଲରୁ ମାମଲାର ତଦନ୍ତ କରୁଛି।

ଗତ ରାତିରେ ଅଭିଯୁକ୍ତର ଘରେ କିଛି ଅତିଥି ଆସିଥିଲେ। ରାତିରେ ଖିଆପିଆ ସରିବା ପରେ ସମସ୍ତେ ଶୋଇବାକୁ ଚାଲିଯାଇଥିଲେ। ସକାଳେ ଯେତେବେଳେ ଅଭିଯୁକ୍ତର ବୋହୂ ଉଠିଥିଲେ ସେତେବେଳେ ତାଙ୍କୁ ଅଭିଯୁକ୍ତ କହିଥିଲା ତାଙ୍କ ଶାଶୁଙ୍କ ଶବ ଠାକୁର ଘରେ ପଡ଼ିଛି।

ଏହାର ସୂଚନା ମିଳିବା ମାତ୍ରେ ସେ ତାଙ୍କ ସ୍ବାମୀଙ୍କୁ ଉଠାଇଥିଲେ ଏବଂ ଗାଁଲୋକେ ପୋଲିସକୁ ସୂଚନା ଦେଇଥିଲେ। ପୋଲିସ ଅଭିଯୁକ୍ତକୁ ହେପାଜତକୁ ନେଇ ପଚରାଉଚୁରା ଆରମ୍ଭ କରି ଦେଇଥିଲା। ସେ ଗାଁ ଲୋକ ଏବଂ ପୋଲିସ୍ ସାମନାରେ ନିଜ ଦୋଷ ସ୍ବୀକାର କରିଛି।

   Related Posts