ପାଟଣାଗଡ,୦୧/୦୭: ବଲାଙ୍ଗୀର ଜିଲ୍ଲା ବେଲପଡା ପୋଲିସ ଦ୍ଵାରା ୮ ପେଟି କଫ୍ ସିରପ୍ ଜବତ । ଏହାସହ ୨ ଜଣ ଅଟକ ।
ସୂଚନା ଅନୁସାରେ, ବୁଧବାର ସନ୍ଧ୍ୟାରେ କପାଣି ଛକ ନିକଟରେ ପାଟ୍ରୋଲିଂ କରୁଥିଲା ପୋଲିସ । ଏତିକି ବେଳେ ଦ୍ରୁତ ଗତିରେ ପାଟଣାଗଡ ପଟୁ ଆସୁଥିବା ଏକ ଧଳା ରଙ୍ଗର ଗାଡିକୁ ପୋଲିସ ଅଟକାଇବାକୁ ଚେଷ୍ଟା କରିଥିଲା। କିନ୍ତୁ ଗାଡିଟି ସେଠାରୁ ଖସି ଯିବାକୁ ଚେଷ୍ଟା କରିଥିଲା ।
କିଛି ବାଟ ଗଲା ପରେ କଫ୍ ସିରପ ପେଟିକୁ ଏକ ନାଳକୁ ଫିଙ୍ଗୁଥିବା ବେଳେ ପୋଲିସ ଗାଡି ଡ୍ରାଇଭର ଓ କଫସିରପ ମାଫିଆକୁ କାବୁ କରିଥିଲା । କଫସିରପ୍ ମାଫିଆ ଅର୍ଜୁନ ବେହେରା ଓ ଗାଡି ଡ୍ରାଇଭର କାର୍ତ୍ତିକ ହଂସକୁ ଅଟକ ରଖି ପଚରାଉଚୁରା କରୁଛି ପୋଲିସ ।
