ଭାଗଲପୁର ୩/୪- ଜଣେ ୭ବର୍ଷ ବୟସର ବାଳକକୁ କରିନେଲେ ଅପହରଣ ଦୁବୃର୍ତ୍ତ । କିଡ଼ିନ, ଲିଭର ଓ ଆଖି କାଢ଼ିନେଇ କରିଥିଲେ ହତ୍ୟା ।
ବିହାର ଭାଗଲପୁର ବକାଗାଁରେ ମୂଳବାସିନ୍ଦା ଶିବକୁମାର । ବାପା-ମାଆଙ୍କ ସହ ୨ବର୍ଷ ହେଲା ଭାଗଲପୁର ଏମଜି ରୋଡ଼ରେ ରହୁଥିଲେ । ସ୍କୁଲରୁ ଆସିବା ପରେ ଅଚାନକ ନିଖୋଜ ହୋଇଯାଇଥିଲେ ଶିବକୁମାର । ଯେତେ ଖୋଜାଖୋଜି କରିଥିଲେ ବି ପରିବାର ଲୋକ ପାଇ ନଥିଲେ ।
ତା ପର ଦିନ ଏମଜି ରୋଡ଼ରେ ଥିବା ଏକ ମାର୍ବଲ ଦୋକାନ ପଛରୁ ଶିବକୁମାରଙ୍କ ଶବ ପଡ଼ିଥିବା ଦେଖିବାକୁ ମିଳିଥିଲା । କେହିଜଣେ କିଡ଼ିନ, ଲିଭର ଓ ଆଖି ତାଡ଼ିନେବା ସହ ହତ୍ୟା କରିଥିବା ଦେଖିବାକୁ ମିଳିଥିଲା ।
ଥାନାରେ ଶିବକୁମାରଙ୍କ ବାପା ଏତାଲା ଦେବାପରେ ପୋଲିସ ଏହି ଘଟଣାର କରୁଛି ତଦନ୍ତ । ଏହା ପଛରେ ପିଲାଚୋରି ରାକେଟ କାମ କରୁଥିବା ପୋଲିସର ସନ୍ଦେହକୁ ଆସିଛି । ଖୁବ ଶ୍ରୀଘ୍ର ଏହି ଘଟଣାର ତଦନ୍ତ ହୋଇ ସତ ସାମନାକୁ ଆସିବ ବୋଲି କହିଛନ୍ତି ଥାନାଧିକାରୀ ।