Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||
  • ଷ୍ଟୋକ୍ସଙ୍କ ଧୂଆଁଧାର ଶତକ ଓ ସଞ୍ଜୁଙ୍କ ଦମଦାର ଫିଫ୍ଟି: ୮ ଓ୍ବିକେଟ୍‌ରେ ମୁମ୍ବାଇ ଇଣ୍ଡିଆନ୍ସକୁ ହରାଇଲା ରାଜସ୍ଥାନ ରୟାଲ୍ସ
  • ||

ସପ୍ତମ ବେତନ କମିଶନ : ଏହି ବିଭାଗର କର୍ମଚାରୀଙ୍କୁ କେନ୍ଦ୍ର ସରକାରଙ୍କ ବଡ ଉପହାର, ଜାଣନ୍ତୁ କଣ

19/12/2018 at 12:41 PM

ଭୁବନେଶ୍ୱର ୧୯/୧୨ : ସପ୍ତମ ବେତନ କମିଶନ ଘୋଷଣା ପରେ କେନ୍ଦ୍ର ସରକାରଙ୍କ କର୍ମଚାରୀ ଦରମା ବୃଦ୍ଧି ପାଇଁ ଦାବି କରୁଛନ୍ତି | ସର୍ବନିମ୍ନ ଦରମା ବୃଦ୍ଧି ପାଇଁ କର୍ମଚାରୀ ଦାବି କରିଛନ୍ତି | ପୁରୁଣା ବର୍ଷ ଶେଷ ହେବା ପୂର୍ବରୁ ବିଏସଏନଏଲର କର୍ମଚାରୀ ତାଙ୍କର ୬ଟି ଦାବି ପୂରଣ କରିବା ପାଇଁ କେନ୍ଦ୍ର ସରକାରଙ୍କ ପାଖରେ ନିବେଦନ କରିଛନ୍ତି | ଅଲ୍‌ ୟୁନିୟନ୍‌ ଆଣ୍ଡ୍‌ ଆସୋସିଏସନ୍‌ ଅଫ ବିଏସ୍‌ଏନ୍‌ଏଲ୍‌ ଘୋଷଣା କରିଛି ଯେ, ଦୂର ସଂଚାର ବିଭାଗ ଓ ଦୂର ସଂଚାର ରାଜ୍ୟମନ୍ତ୍ରୀ ମନୋଜ ସିହ୍ନାଙ୍କ ସହ ଆଲୋଚନା କରାଯାଇ ୬ଟି ନିଷ୍ପତ୍ତି ନିଆଯାଇଛି |

ଏହି ମୁଦ୍ଦାର ସମାଧାନ ପାଇଁ ଡିଓଟି ଅର୍ଥ ମନ୍ତ୍ରାଳୟକୁ ଏକ ସକାରାତ୍ମକ ଚିଠି ଲେଖିଛନ୍ତି | ତେବେ ଅର୍ଥ ମନ୍ତ୍ରାଳୟରୁ ଏ ଯାଏଁ କୌଣସି ଜବାବ ଆସିନାହିଁ | ଅର୍ଥ ମନ୍ତ୍ରାଳୟରୁ ଏକ ଅନୁକୂଳ ଜବାବର ଆଶା କରାଯାଉଛି | ଜବାବ ଆସିବା ପରେ ସମସ୍ୟାର ସମାଧାନ କରାଯିବ | 

ଅବସରପ୍ରାପ୍ତ, ପେନସନଧାରୀଙ୍କ ପେନସନ ହଟାଇବା ପାଇଁ ଡିଓଟି ନିଜର ମଞ୍ଜୁରୀ ପ୍ରଦାନ କରିଛି | ଚାକିରୀ କରୁଥିବା ବିଏସଏନଏଲ କର୍ମଚାରୀଙ୍କ ବେତନ ସଂଶୋଧନରୁ ଏହା ଅଲଗା ହୋଇଯିବ | ତଥାପି କୌଣସି ଶେଷ ନିଷ୍ପତ୍ତି ନିଆଯାଇନାହିଁ | ଗତ ଡିସେମ୍ବର ୩ ତାରିଖରେ ଏକ ବୈଠକ ବସିଥିଲା | ବୈଠକରେ ମନୋଜ ସିହ୍ନା ଏବଂ ଡିଓଟି ଅଧିକାରୀ ଏକ ସଂକେତ ଦେଇଥିଲେ ଯେ, ସେମାନେ ତୃତୀୟ ଦରମା ସଂଶୋଧନକୁ ସୁଧାରିବା ପାଇଁ ପ୍ରସ୍ତୁତ ଥିଲେ କିନ୍ତୁ ୧୫ ପ୍ରତିଶତ ଫିଟମେଣ୍ଟ ଦିଆଯାଉନାହିଁ | ବିଏସଏନଏଲ ସିଏମଡି ୨୦୧୯ ମାର୍ଚ୍ଚ ପର୍ଯ୍ୟନ୍ତ ୩ ପ୍ରତିଶତ ବୃଦ୍ଧି ଓ ଏବଂ ଆସନ୍ତା ଅର୍ଥିକ ବର୍ଷରେ ମଧ୍ୟ ବୃଦ୍ଧି ପାଇଁ ନିଜର ସହମତି ଦେଇଛନ୍ତି | ନୂଆ ବ୍ୟବସ୍ଥା ଅନୁସାରେ ଏୟୁବି ମଝି ମଝିରେ ଡିଓଟି ଅଧିକାରୀଙ୍କ ସହ ଆଲୋଚନା କରିବ ଏବଂ ବିଭିନ୍ନ ପ୍ରସଂଗର ସମାଧାନ  କରିବା ପାଇଁ ସମୀକ୍ଷା ବୈଠକ କରିବା | ଡିଓଟି ବିଏସଏନଏଲକୁ ଫୋର ଜି ସ୍ପେକ୍ଟରମ ଆବଣ୍ଟନ କରିବା ପାଇଁ କ୍ୟାବିନେଟ ଇସ୍ତାହାର ପ୍ରସ୍ତୁତ କରିଛି ଏବଂ ଏହା ଉପରେ  ଆନ୍ତଃ ମନ୍ତ୍ରାଳୟ ପରାମର୍ଶ ଲୋଡାଯାଇଛି ।    

   Related Posts