ଭୁବନେଶ୍ୱର, ୦୨|୦୮: ଭୁବନେଶ୍ବର ଘାଟିକିଆ ଗ୍ରାମ୍ୟ ମନ୍ଦିର ଉଦ୍ୟାନରେ ୭୧ ତମ ବନ ମହୋତ୍ସବ ପାଳିତ ହୋଇଯାଇଛି । ରାଜ୍ୟ ସରକାରଙ୍କ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଅଶୋକ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।ଏତତ୍ ବ୍ୟତୀତ ଏହି କାର୍ଯ୍ୟକ୍ରମରେ ବିଜେଡିର ବରିଷ୍ଠ ନେତା ଅରୂପ ପଟ୍ଟନାୟକ ମଧ୍ୟ ଉପସ୍ଥିତ ଥିଲେ ।
ଏହି ଅବସରରେ ବୃକ୍ଷରୋପଣ କରାଯାଇଥିଲା । ମନ୍ତ୍ରୀ ଅଶୋକ ପଣ୍ଡା ନିଜେ ବୃକ୍ଷରୋପଣ କରିଥିଲେ । ସେହିପରି ଘାଟିକିଆ କମ୍ୟୁନିଟି ସେଣ୍ଟରରେ ରକ୍ତଦାନ ଶିବିର ମଧ୍ୟ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ୨୩ ନମ୍ବର ଓ୍ବାର୍ଡର ପୂର୍ବତନ କର୍ପୋରେଟର ଦିଲ୍ଲିପ ମାଝୀଙ୍କ ସହ ବହୁ ସମାଜସେବୀ ଯୋଗ ଦେଇଥିଲେ ।
