Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଦଳା : ଖାକି ଉପରେ ଖାକିର ଜୁଲମ୍, ବିଚ୍ ରାସ୍ତାରେ ଏସଆଇଙ୍କୁ ଆକ୍ରମଣ କଲେ ଜେଲ୍ ଓ୍ୱାର୍ଡର
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୪୩୨ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୩୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଗାଜା ଉପରେ ଇସ୍ରାଏଲର ପୁଣି ରକେଟ୍ ଆକ୍ରମଣ, ଭାଙ୍ଗିଲା ଅସ୍ତ୍ରବିରତି ରାଜିନାମା
  • ||
  • ମର୍ମନ୍ତୁଦ ଦୁର୍ଘଟଣା : ଟ୍ରଲରକୁ ପଛପଟୁ ପିଟିଲା ପିକ୍‌ଅପ୍‌ ଭ୍ୟାନ୍‌, ୨ ମୃତ
  • ||

ଆରମ୍ଭ ହେଲା ୭୧ତମ ରାଜ୍ୟ ପୋଲିସ କ୍ରୀଡା ମହାକୁମ୍ଭ ; ଭାଗ ନେଇଛନ୍ତି ୯୯୯ ଜଣ ପ୍ରତିଯୋଗୀ

16/01/2019 at 4:58 PM

କଟକ ୧୫|୧: ଆରମ୍ଭ ହେଲା ୭୧ତମ ରାଜ୍ୟ ପୋଲିସ କ୍ରୀଡା ମହାକୁମ୍ଭ । ୫୩ ଟି ଦଳରେ ୯୯୯ ଜଣ ପ୍ରତିଯୋଗୀ ଭାଗ ନେଇଛନ୍ତି । କ୍ରୀଡା ମାଧ୍ୟମରେ ପୋଲିସ ନିଜକୁ ଫିଟ୍ ରଖିପାରିବେ ବୋଲି ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ କ୍ରାଇମବ୍ରାଞ୍ଚ ଡିଜି ସନ୍ତୋଷ ଉପାଧ୍ୟାୟ କହିଛନ୍ତି ।

ଉଦଘାଟନ ହୋଇଛି ୭୧ ତମ ରାଜ୍ୟ ପୋଲିସ କ୍ରୀଡା ପ୍ରତିଯୋଗିତା । କଟକ ପୋଲିସ ମୁଖ୍ୟାଳୟ ପଡିଆରେ ଉଦଘାଟନ କରିଛନ୍ତି କ୍ରାଇମବ୍ରାଞ୍ଚ ଡିଜି ସନ୍ତୋଷ ଉପାଧ୍ୟାୟ । ରାଜ୍ୟର ବିଭିନ୍ନ ଜିଲ୍ଲାରୁ ୫୩ ଟି ଦଳରେ ଭାଗ ନେଇଛନ୍ତି ୮୦୦ ପୁରୁଷ ଓ ୧୯୯ ଜଣ ମହିଳା ପ୍ରତିଯୋଗୀ  । ପୋଲିସ ବିଭାଗରେ କ୍ରୀଡାକୁ ଅଧିକ ପ୍ରୋତ୍ସାହନ ଦେବା ସହ ଜାତୀୟ ସ୍ତରୀୟ କ୍ରୀଡାରେ ପୋଲିସ ବିଭାଗକୁ ଅଧିକ ସଫଳ କାରଇବା ଦିଗରେ ଏହା ବେଶ ସହାୟକ ହେବ ବୋଲି କହିଛନ୍ତି କ୍ରାଇମବ୍ରାଞ୍ଚ ନିର୍ଦ୍ଦେଶକ ସନ୍ତୋଷ ଉପାଧ୍ୟାୟ । ତେବେ ପୋଲିସ କ୍ରୀଡା ପାଇଁ ସିନ୍ଥେଟିକ ଟ୍ରାକ ନେଇ ରାଜ୍ୟ ସରକାରଙ୍କ ସହ ଆଲୋଚନା କରାଯିବ ବୋଲି କହିଛନ୍ତି କ୍ରାଇମବ୍ରାଞ୍ଚ ଡିଜି ।

ଏହି ବାର୍ଷିକ କ୍ରୀଡାରେ ହାଇ ଜମ୍ପ, ଲଙ୍ଗ ଜମ୍ପ, ଟ୍ରିପଲ ଜମ୍ପ, ହଡଲ୍ସ ସହ ଦୌଡ ମଧ୍ୟ ସ୍ଥାନ ପାଇଛି । ଏହି କ୍ରୀଡାକୁ ନେଇ ପ୍ରତିଯୋଗୀ ବେଶ ଉତ୍ସାହିତ ଥିବା ବେଳେ ଭଲ ପ୍ରଦର୍ଶନ କରି ମେଡାଲ ହାସଲ କରିବାକୁ ଲକ୍ଷ୍ୟ ରଖିଛନ୍ତି ।

ଆସନ୍ତା ୧୯ରେ ପୋଲିସ କ୍ରୀଡା ପ୍ରତିଯୋଗିତା ଉଦଯାପିତ ହେବ । ଉଦଯାପନୀ ଦିନ ସଫଳ ପ୍ରତିଯୋଗୀଙ୍କୁ ପୁରଷ୍କୃତ କରାଯିବ ।

   Related Posts