Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||

ଭୁବନେଶ୍ବର ଆରଟିଓ ୱାନ କାର୍ଯ୍ୟାଳୟ ସମ୍ମୁଖରୁ ଭଙ୍ଗା ହେଲା ୭୦ ରୁ ଅଧିକ ଦଲାଲଙ୍କ ଚାଳିଆ

30/09/2019 at 6:08 PM

ଭୁବନେଶ୍ବର ୩୦|୯: ଭୁବନେଶ୍ବର ଆରଟିଓ ୱାନ କାର୍ଯ୍ୟାଳୟ ସମ୍ମୁଖରୁ ଭଙ୍ଗା ହେଲା ଦଲାଲଙ୍କ ଚାଳିଆ । ପ୍ରାୟ ୭୦ ରୁ ଅଧିକ ଚାଳିଆ ଘରକୁ ଭାଙ୍ଗି ମାଟିରେ ମିଶାଇଛି ବିଡିଏ, ବିଏମସି ଓ ଜିଏ ବିଭାଗ । ଏଠାରେ ରାସ୍ତା ଉପରେ ଥିବା ଏକ ହନୁମାନ ମନ୍ଦିରକୁ ମଧ୍ୟ ଭାଙ୍ଗିଦିଆଯାଇଛି ।ଆରଟିଓକୁ ଦଲାଲ ମୁକ୍ତ ଅଭିଯାନ ସ୍ବରୂପ ଏଗୁଡିକ ସବୁ ଭାଙ୍ଗି ଦିଆଯାଇଛି ।

ମାଟିରେ ମିଶିଲା ଦଲାଲଙ୍କ ଚାଳିଆ ଘର । ଭୁବନେଶ୍ବର ଆରଟିଓ  ୱାନ କାର୍ଯାଳୟ ଆଗରେ ଗଡିଲା ବୁଲଡୋଜର । ଦଲାଲ ମାନଙ୍କ ଦ୍ବାରା ନିର୍ମିତ ଛୋଟ ଛୋଟ ଚାଳିଆକୁ ଭାଙ୍ଗି ଦିଆଯାଇଛି । ବିଡିଏ, ବିଏମସି ଓ ଜିଏ ବିଭାଗର ମିଳିତ ଉଦ୍ୟମରେ ୭୦ରୁ ଅଧିକ ଚାଳିଆ ଘରୁ ଜବର ଦଖଲକୁ ଉଚ୍ଛେଦ କରି ଦିଆଯାଇଛି ।

 ଦୀର୍ଘଦିନ ଧରି ଏହି ରାସ୍ତାରେ ଦଲାଲଙ୍କ ଏହି ଚାଳିଆ ଯୋଗୁଁ ଗହଳି ହେଉଥିଲା । ଏଥିପାଇଁ ବାଣୀବିହାର ଠାରୁ ଆଚାର୍ଯ୍ୟ ବିହାର ପର୍ଯ୍ୟନ୍ତ ରାସ୍ତା ପାର ହେବାକୁ ଲାଗୁଥିଲା ଘଣ୍ଟା ଘଣ୍ଟା ସମୟ । ବାରମ୍ବାର ଅଭିଯୋଗ ସତ୍ବେ ମଧ୍ୟ କେହି ଶୁଣୁନଥିଲେ । ରାଜ୍ୟ ସରକାରଙ୍କ ଆରଟିଓରୁ ଦଲାଲ ଉଛେଦ ନୀତି ପ୍ରଣୟନ ପରେ ଏଠାରେ ଦୀର୍ଘ ଦିନ ହେବ ଆଡ୍ଡା ଜମାଇଥିବା ଦଲାଲଙ୍କ ଚାଳିଆ ଘରକୁ ଉଚ୍ଛେଦ କରାଯାଇଛି ।

ଆରଟିଓ ଅଫିସକୁ ଆସୁଥିବା ଲୋକମାନେ ଏହି ଦଲାଙ୍କ ହାବୁଡରେ ପଡିଲେ ଲର୍ଣ୍ଣିଂ ଲାଇସେନ୍ସ , ଡିଏଲ ଓ ଗାଡିର କାଗଜପତ୍ର କରିବାପାଇଁ ଦେବାକୁ ପଡୁଥିଲା ୫ଶହ ଟଙ୍କାରୁ ୧୦ ହଜାର ପର୍ଯ୍ୟନ୍ତ । ହେଲେ ଏବେ ଦଲାଲ ଉଚ୍ଛେଦ ପରେ ଏଠାରେ ଏକ ସୁସ୍ଥ ବାତାବରଣ ସୃଷ୍ଟି ପାଇଁ ରାଜ୍ୟ  ସରକାର ଉଦ୍ୟମ ଜାରି ରଖିଛନ୍ତି ।

ଏଠାରେ ଥିବା ଏକ ହନୁମାନ ମନ୍ଦିରକୁ ମଧ୍ୟ ବିଡିଏ ବିଏମସି ପକ୍ଷରୁ ଉଛେଦ କରାଯାଇଛି । ଉଛେଦ ସମୟରେ ଆରଟିଓ କାର୍ଯ୍ୟାଳୟ ପରିସରରୁ ୬ଜଣ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ ରଖିଛି କମିସନରେଟ ପୋଲିସ । ଏମାନଙ୍କର ପରିଚୟ ମିଳିବା ପରେ ଯଦିକେହି ଏମାନଙ୍କ ମଧ୍ୟରୁ ଦଲାଲ ହୋଇଥିବ ସେମାନଙ୍କୁ ଗିରଫ କରି କୋର୍ଟ ଚାଲାଣ କରାଯିବ ବୋଲି କହିଛନ୍ତି ଭୁବନେଶ୍ବର ଡିସିପି । ସରକାରଙ୍କ ଏହି ପଦକ୍ଷେପକୁ ସ୍ବାଗତ କରିଛନ୍ତି ଆରଟିଓ ଅଫିସ ଆସୁଥିବା ଲୋକେ ।

ଲୋକଙ୍କ ଅବଗତ ପାଇଁ ଆରଟିଓ କାର୍ଯ୍ୟାଳୟରେ ଦୁଇଟି ରେଟ ଚାର୍ଟ ବୋର୍ଡ ଲଗାଯାଇଛି । ପରିବହନ କମିସନରଙ୍କ ନିର୍ଦ୍ଦେଶ ପରେ ସୋମବାର ସମସ୍ତ ଆରଟିଓ କର୍ମଚାରୀ ବେକରେ ପରିଚୟପତ୍ର ପକାଇଥିବା ଦେଖିବାକୁ ମିଳିଛି ।

ଆରଟିଓ ୱ୍ବାନରେ ଜବର ଦଖଲ ଉଚ୍ଛେଦ ବେଳେ କାଁଭାଁ ଉତ୍ତେଜନାକୁ ଛାଡିଦେଲେ ଉଛେଦ କାର୍ଯ୍ୟ ସୁରୁଖୁରୁରେ ଚାଲିଥିଲା । କମିସନରେଟ ପୋଲିସ ପକ୍ଷରୁ ଦୁଇ ପ୍ଲାଟୁନ ପୋଲିସ ମୁତୟନ କରାଯାଇଥିଲା ।  

   Related Posts