Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚଳିତ ମାସରେ ୪ଟି ମୁଖ୍ୟଗ୍ରହ କରିବେ ରାଶି ପରିବର୍ତ୍ତନ, ଶନି ମାର୍ଗୀ ହୋଇ ଧନୁ ରାଶିରେ କରିବେ ଅବସ୍ଥାନ, ଏହି ୭ଟି ରାଶିର ବ୍ୟକ୍ତିଙ୍କ ଚମକିବ ଭାଗ୍ୟ…

ନୂଆମାସ ସେପ୍ଟେମ୍ବର ମାସ ଆରମ୍ଭ ହୋଇସାରିଛି । ଏହି ମାସରେ ରବି, ମଙ୍ଗଳ, ବୁଧ ଏବଂ ଶୁକ୍ର ସେମାନଙ୍କ ଘର ବା ରାଶି ପରିବର୍ତ୍ତନ କରୁଛନ୍ତି । ସେହିଭଳି ଶନି ମହାଗ୍ରହ ମାର୍ଗୀ ହୋଇ ଧନୁରାଶିକୁ ଚଳନ କରିବେ । ଫଳରେ ବହୁ ଲୋକଙ୍କ ଜୀବନରେ ପରିବର୍ତ୍ତନ ଘଟିବ । ସୂଚନା ଯୋଗ୍ୟ ଯେ, ଏହି ସବୁ ଗ୍ରହଙ୍କ ରାଶି ପରିବର୍ତ୍ତନ ଫଳରେ ବିଭିନ୍ନ ରାଶିର ବ୍ୟକ୍ତିଙ୍କ ପାଇଁ ଭିନ୍ନ ଭିନ୍ନ ଫଳ ପ୍ରାପ୍ତି ହୋଇଥାଏ ।  ଆସନ୍ତୁ ନଜର ପକାଇବା ଏହି ମାସରେ କେଉଁ ଗ୍ରହ କେଉଁ ରାଶିକୁ ଚଳନ କରିବେ ଏବଂ କେଉଁ ରାଶି ପାଇଁ ଭଲ ସମୟ ଆସୁଛି ।

ରବି- ପ୍ରାୟ ମାସକ ପରେ ରବି ମହାଗ୍ରହ ରାଶ ପରିବର୍ତ୍ତନ କରିବେ । ସେପ୍ଟେମ୍ବର ୧୭ ତାରିଖରେ ସିଂହ ରାଶିରୁ ସେ କନ୍ୟା ରାଶିରେ ପ୍ରବେଶ କରିବେ । ଜ୍ୟୋତିଷ ଶାସ୍ତ୍ରରେ ରବିଙ୍କୁ ଭାଗ୍ୟାଧିପତି ବୋଲି କୁହାଯିବା ସହ ସେ ସିଧା ଚାଲିଥାନ୍ତି ବୋଲି କୁହାଯାଏ । ସିଂହ ଓ ମେଶ ରାଶିରେ ରବିଙ୍କ ସ୍ଥିତି ଉଚ୍ଚ । ତେବେ କନ୍ୟା ରାଶିରେ ମଧ୍ୟ ରବିଙ୍କର ସ୍ଥିତି ଭଲ । ବୁଧ ହେଉଛନ୍ତି କନ୍ୟାରାଶିର ଅଧିପତି ।

ଚନ୍ଦ୍ର-ଚନ୍ଦ୍ର  ପ୍ରତ୍ୟେକ ଅଢେଇ ଦିନରେ ରାଶି ପରିବର୍ତ୍ତନ କରିଥାନ୍ତି । ସୂଚନାଯୋଗ୍ୟ ଯେ, ଚନ୍ଦ୍ର ହେଉଛନ୍ତି ଏକମାତ୍ର ଗ୍ରହ , ଯିଏକି ଶୀଘ୍ର ଗ୍ରହରାଶି ପରିବର୍ତ୍ତନ କରିଥାନ୍ତି । ଚନ୍ଦ୍ରଙ୍କ ଚଳନକୁ ଦୃଷ୍ଟିରେ ରଖି ଦୈନିକ ରାଶିଫଳ ମଧ୍ୟ ନିର୍ଣ୍ଣୟ ହୋଇଥାଏ ।

ମଙ୍ଗଳ- ଚଳିତମାସ ୨୫ ତାରିଖରେ ମଙ୍ଗଳ ମଧ୍ୟ କନ୍ୟା ରାଶିରେ ପ୍ରବେଶ କରିବେ । ଏବେ ମଙ୍ଗଳ ସିଂହରାଶିରେ ରବି ଓ ବୁଧଙ୍କ ସହ ଅବସ୍ଥାନ କରୁଛନ୍ତି । ରବିଙ୍କ ଭଳି ମଙ୍ଗଳ ମେଷ, ସିଂହ ଏବଂ ବିଚ୍ଛା ରାଶିରେ ଉଚ୍ଚ ବୋଲି ବିବେଚନା କରାଯାଇଥାଏ । ମଙ୍ଗଳଙ୍କୁ ଜାତକରେ ତେଜର ପ୍ରତୀକ ବୋଲି ବିବେଚନା କରାଯାଏ । ମଙ୍ଗଳ ଜାତବ୍ୟକ୍ତିଙ୍କୁ ତେଜସ୍ବୀ କରିଥାଏ । ମଙ୍ଗଳଙ୍କ ରାଶି ପରିବର୍ତ୍ତନ ବିଭିନ୍ନ ରାଶିର ବ୍ୟକ୍ତିଙ୍କ ପାଇଁ ଭିନ୍ନ ଭିନ୍ନ ଫଳ ପ୍ରଦାନ କରିବେ ।

ବୁଧ- ଜାତକରେ ବୁଧଙ୍କ ସ୍ଥିତି ଭଲଥିଲେ ଜାତ ବ୍ୟକ୍ତି ବିଦ୍ବାନ ହେବା ସହ ତର୍କ କରିବାରେ ଦକ୍ଷତା ହାସଲ କରିଥାନ୍ତି । ସେପ୍ଟେମ୍ବର ୧୧ତାରିଖରେ ବୁଧ କନ୍ୟା ରାଶିରେ ପ୍ରବେଶ କରିବେ । କନ୍ୟା ରାଶି ହେଉଛି ବୁଧଙ୍କ ସ୍ବକ୍ଷେତ୍ର । ତେବେ ଚଳିତ ମାସ ୨୯ତାରିଖ ପର୍ଯ୍ୟନ୍ତ କନ୍ୟା ରାଶିରେ ଅବସ୍ଥାନ କରିବାପରେ ବୁଧ ତୁଳା ରାଶିକୁ ଚଳନ କରିବେ ।

ବୃହସ୍ପତି- ଜ୍ୟୋତିଷ ଶାସ୍ତ୍ରରେ ବୃହସ୍ପତିଙ୍କୁ ବିଶେଷ ଗୁରୁତ୍ବ ପ୍ରଦାନ କରାଯାଇଥାଏ । ବୃସ୍ପତିଙ୍କୁ ଦେବ ଗୁରୁ ବୋଲି ମଧ୍ୟ କୁହାଯାଏ । ଏହି ମାସରେ ବିଛା ରାଶିରେ ବୃସ୍ପତି ମାର୍ଗୀ ହୋଇ ରହିବେ ।

ଶୁକ୍ର- ଏହି ମହାଗ୍ରହଙ୍କ ଶୁଭ ଅବସ୍ଥିତି ବ୍ୟକ୍ତିଙ୍କୁ ସୁଖ ସମୃଦ୍ଧି ପ୍ରଦାନ କରିଥାଏ ।ସେପ୍ଟେମ୍ବର ୧୦ ତାରିଖରେ ଶୁକ୍ର କନ୍ୟା ରାଶିରେ ପ୍ରବେଶ କରିବେ । ୨୫ ତାରିଖରେ ଏହି ରାଶିରେ  ହିଁ ଶୁକ୍ରଙ୍କ ଉଦୟ ହେବ ।

ଶନି- ୧୮ତାରିଖରେ ଧନୁ ରାଶିରେ ଶନି ବକ୍ରୀରୁ ମାର୍ଗୀ ହୋଇଯିବେ । ସମସ୍ତଙ୍କ ଉପରେ ଏହାର ସକରାତ୍ମକ ପ୍ରଭାବ ଦେଖିବାକୁ ମିଳିବ ।ସୂଚନାଯୋଗ୍ୟ ଯେ, ଶନି ଅଢେଇ ବର୍ଷରେ ରାଶି ପରିବର୍ତ୍ତନ କରିଥାନ୍ତି ।

ଏହିସବୁ ରାଶି ଗ୍ରହଚଳନ କାରଣରୁ ଏହି ମାସରେ ୭ଟି ରାଶି ଅତ୍ୟନ୍ତ ବାଗ୍ୟଶାଳୀ ସାବ୍ୟସ୍ତ ହେବେ । ଏହି ରାଶିଗୁଡିକ ହେଲା-ବୃଷ, ମିଥୁନ, ସିଂହ, କନ୍ୟା, ଧନୁ, ମକର ଏବଂ କୁମ୍ଭ ।

2632 Views

   ସମ୍ବନ୍ଧିତ ଖବର