Sunday, August 25, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୭ ବର୍ଷର ଶିଶୁକୁ ଅପହରଣ ପରେ ହତ୍ୟା ! ଜଣଙ୍କୁ ଅଟକ ରଖି ପୋଲିସର ପଚରାଉଚରା

ବ୍ରହ୍ମପୁର ୧୬|୧: ଅପହରଣ ପରେ ହତ୍ୟା ଅଭିଯୋଗ । ବ୍ରହ୍ମପୁର ଗୋଷାଣୀନୂଆଗାଁ ଥାନା ସଦାନନ୍ଦ  ବିହାର ସପ୍ତମ ଲେନରେ ଜଣେ ପ୍ରଥମ ଶ୍ରେଣୀ ଛାତ୍ରଙ୍କୁ ଅପହରଣ ପରେ ହତ୍ୟା ଅଭିଯୋଗ ହୋଇଛି । ହତ୍ୟା ଅଭିଯୋଗରେ ଜଣକୁ ପଚରାଉଚରା କରୁଛି ପୋଲିସ । ହତ୍ୟାର ପଛରେ କାରଣ କଣ ରହିଛି ସେନେଇ ପୋଲିସ ଖୋଳତାଡ କରୁଛି ।  ବ୍ରହ୍ମପୁର ଏସପି ପିନାକ ମିଶ୍ରଙ୍କ ନିର୍ଦ୍ଦେଶରେ  ଦୁଇ ଜଣ ଏଏସପି ଶାନ୍ତନୁ ଦାସ, ପ୍ରଭାତ ରାଉତରାୟ ଏବଂ ଗୋଷାଣୀନୂଆଗାଁ ଥାନା ଆଇଆଇସି କୁଳମଣୀ ସେଠୀଙ୍କୁ ନେଇ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ତଦନ୍ତ କରାଯାଉଥିବା ଜଣାଯାଇଛି । 

ଅଭିଯୋଗ ଅନୁଯାୟୀ ଗତ ଜାନୁୟାରୀ ୧୨ରେ ସଦାନନ୍ଦ ବିହାର ସପ୍ତମ ଲେନ୍ ଭଡାଘରେ ରହୁଥିବା  ନିରୂପମା ଆଚାର୍ଯ୍ୟଙ୍କର ୭ବର୍ଷର ପୁଅ ଅଂଶୁମାନଙ୍କୁ  ସମ୍ପର୍କୀୟ ମାମୁ ଦେବାଶିଷ ପଣ୍ଡା ସ୍କୁଲ ଛାଡିବା ଲାଗି ନେଇଥିଲେ । ହେଲେ ବିଳମ୍ବିତ ସମୟ ଯାଏଁ ଅଂଶୁମାନ କିମ୍ବା ତାଙ୍କୁ ଛାଡିବାକୁ ଯାଇଥିବା ଦେବାଶିଷଙ୍କ କୌଣସି ସନ୍ଧାନ ନ ମିଳିବାରୁ ଗୋଷାଣୀନୂଆଗାଁ ଥାନାକୁ ଯାଇ ନିରୂପମା ଏତଲା ଦେଇଥିଲେ । ପୋଲିସ ଏକ ଅପହରଣ ମାମଲା ରୁଜୁ କରି ତଦନ୍ତ ଚଳାଇଥିଲା ।

ସୋମବାର ଛତ୍ରପୁର ନିକଟରୁ ଅଂଶୁମାନଙ୍କ ବିଦ୍ୟାଳୟ ପରିଚୟ ପତ୍ର ଏବଂ ହଳଦିଆପଦର ବ୍ରିଜ୍ ନିକଟରୁ ଏକ ସ୍କୁଟି ଏବଂ  ରକ୍ତ ଭିଜା ସାର୍ଟକୁ ପୋଲିସ ଜବତ କରିଛି । ରକ୍ତଭିଜା ସାର୍ଟକୁ ଦେଖି ଅଂଶୁମାନଙ୍କୁ ହତ୍ୟା କରାଯାଇଥିବା ପୋଲିସ ଅନୁମାନ କରି ତଦନ୍ତର ବିଭିନ୍ନ ଦିଗକୁ ବଢାଇଥିଲା । ସ୍ୱତନ୍ତ୍ର ଟିମ୍ ମାଧ୍ୟମରେ ଅଭିଯୁକ୍ତଙ୍କୁ ପୋଲିସ କାବୁ କରିଦେଇଥିବା ବେଳେ ମାରାଥନ୍ ଜେରା ଚାଲିଥିବା ପୋଲିସ ପକ୍ଷରୁ ଜଣାଯାଇଛି । ଯୁବକ ଜଣକ ହତ୍ୟା ସ୍ଥଳ ଏବଂ ହତ୍ୟା ପରେ ଶବକୁ କେଉଁଠି ଲୁଚାଇ ରଖିଛନ୍ତି ତାହା ଜଣାଇବା ପରେ ହତ୍ୟାରେ ବ୍ୟବହୃତ ଅସ୍ତ୍ର ଜବତ କରାଯିବ ବୋଲି ପୋଲିସ କହିଛି ।

382 Views

   ସମ୍ବନ୍ଧିତ ଖବର