Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୧ କୋଭିଡ୍ ପଜିଟିଭ୍
  • ||
  • ସିରିଆ ଡ୍ରୋନ୍ ଆଟାକ୍‌: ଅଲକାଏଦାର ବରିଷ୍ଠ ନେତା ଅବଦୁଲ ହମିଦ ଅଲ-ମାତାର ମୃତ
  • ||
  • ନିଶ୍ଚିନ୍ତକୋଇଲିରେ ହାତୀ ଆତଙ୍କ, ନଷ୍ଟ କରୁଛନ୍ତି ଫସଲ
  • ||
  • ମନୀଷ ଅନୁରାଗ ହତ୍ୟା ମାମଲା : ସାଉଥ୍‌ ସିଟି ବାର୍‌ ମାଲିକ ଓ ପରିଚାଳନା କରୁଥିବା ପ୍ରସନ୍ନ ବେହେରା ଗିରଫ
  • ||
  • ଅନ୍ୟ ରାଜ୍ୟର ଜେଲକୁ ସ୍ଥାନାନ୍ତର ହେଉଛନ୍ତି ଆତଙ୍କବାଦୀ : ଜମ୍ମୁ-କାଶ୍ମୀରରୁ ୨୬ ଆତଙ୍କୀଙ୍କୁ ପଠାଗଲା ଆଗ୍ରା
  • ||
  • କମୁଛି ପାରଦ, ଆଗକୁ ବଢିବ ଶୀତ
  • ||
  • ଟି୨୦ ବିଶ୍ୱକପ : ଅସଲ ଲଢେଇ ଆରମ୍ଭ, ସୁପର ୧୨ର ପ୍ରଥମ ମୁକାବିଲାରେ ଅଷ୍ଟ୍ରେଲିଆ ବନାମ ଦକ୍ଷିଣ ଆଫ୍ରିକା
  • ||

ନବୀନ ନିବାସରେ ଘମାଘୋଟ କସରତ: ଲୋକସଭା ପାଇଁ ଏମାନେ ବିଜେଡିର ୭ଜଣ ମହିଳା ପ୍ରାର୍ଥୀ !

11/03/2019 at 6:20 PM

ଲୋକସଭା ସିଟକୁ ନେଇ ସିରିୟସ ବିଜେଡି । ୨୦୧୪ରେ ୨୧ ସିଟ୍ ରୁ ୨୦ ସିଟ୍ ଜିତି ସମସ୍ତଙ୍କୁ ସ୍ତବ୍ଧ କରିଦେଇଥିଲା ଦଳ । ଏଥର ତାକୁ କିଭଳି ଦୋହରାଯିବ ସେନେଇ ରଣନୀତି ପ୍ରସ୍ତୁତ କରୁଛି ବିଜେଡି । ଯେହେତୁ ଲୋକସଭାରେ ଦଳ ୩୩ ପ୍ରତିଶତ ମହିଳାଙ୍କୁ ଟିକେଟ ଦେବ ବୋଲି ନବୀନ ଘୋଷଣା କରିଛନ୍ତି ତାପାଇଁ ବଡ କସରତ ଚାଲିଛି ଦଳ ଭିତରେ । ଆଜି କିଛି ସାଂସଦ ଓ ମହିଳା ନେତ୍ରୀଙ୍କୁ ଡାକି ନବୀନ ନିବାସରେ ବସିଛି ଘନଘନ ବୈଠକ । କାହାର ଟିକେଟ କଟିବ ଏବଂ କିଏ ନୂଆ ମୁହଁ ଭାବେ ଉଭାହେବ, ତାକୁନେଇ ଆରମ୍ଭ ହୋଇଛି ରଣନୀତି । ….

ବିଜେଡିରେ ଲୋକସଭା ଟିକେଟ କସରତ । ୩୩ ପ୍ରତିଶତ ମହିଳାଙ୍କୁ ବିଜେଡି ନିର୍ବାଚନ ଲଢାଇବ ବୋଲି ନବୀନ ଘୋଷଣା କରିବା ପରେ ଦଳ ଭିତରେ ନୂଆ ସମୀକରଣ ଏବଂ ନୂଆ ଚେହେରାଙ୍କୁ ନେଇ ଚର୍ଚ୍ଚା । ଆଜି ସକାଳୁ ନବୀନ ନିବାସର ଚିତ୍ର ବି ଠିକ୍ ଏମିତି କିଛି ବୟାନ କରିଥିଲା । ବିଜେଡିର କିଛି ସାଂସଦ ସକାଳୁ ନବୀନ ନିବାସରେ ପହଁଚିଥିଲେ । ସେମାନଙ୍କ ଭିତରେ ଥିଲେ ସାଂସଦ ପ୍ରତ୍ୟୁଷା ରାଜେଶ୍ବରୀ, ସାଂସଦ ରୀତା ତରେଇ, ସାଂସଦ ଅର୍କ କେଶରୀ ଦେଓ, ସାଂସଦ ପ୍ରଭାସ ସିଂ ପ୍ରମୁଖ ।

ଏମାନଙ୍କ ଭିତରୁ ଦଳ କାହାକୁ ବି ସାଂସଦ ଭାବେ ରିପିଟ କରିନପାରେ ବୋଲି ଚର୍ଚା ହେଉଛି। କିନ୍ତୁ ଲୋକସଭା ନହେଲେ ବି ବିଧାନସଭା ମୈଦାନରେ ଏମାନଙ୍କ ଭିତରୁ କିଛି ନେତା ଲଢିବାକୁ ଆଗ୍ରହୀ । ସେଥିପାଇଁ ନବୀନଙ୍କୁ ଭେଟି ମନକଥା କହିଛନ୍ତି । ସାଂସଦ ରୀତା ତରେଇ, ଅର୍କ କେଶରୀ ଦେଓ, ପ୍ରଭାସ ସିଂଙ୍କ ବଡିଲାଙ୍ଗୁଏଜ୍ କହୁଛି ଯେ ସେମାନେ ଟିକେଟ ପାଇବା ନେଇ କନଫିଡେଣ୍ଟ ନୁହଁନ୍ତି ।ପ୍ରତ୍ୟୁଷାଙ୍କୁ ଦଳ ସାଂସଦ ନକଲେ ବି ବିଧାନସଭାରେ ଥଇଥାନ କଥା ଚିନ୍ତା କରୁଛି

 ଯେହେତୁ ୩୩ ପ୍ରତିଶତ ମହିଳାଙ୍କୁ ସାଂସଦ ଟିକେଟ ଦେବ ବିଜେଡି ସେଥିପାଇଁ ୨୧ ସିଟ୍ ରୁ କିଏ ସେହି ୭ ଚେହେରା ତାକୁନେଇ ଦଳ ଭିତରେ ଛକାପଞ୍ଛା । ଯାଜପୁରରୁ ପ୍ରମିଳା ମଲ୍ଲିକଙ୍କୁ ଦଳ ଲୋକସଭା ଟିକେଟ ଦେବ ବୋଲି ଚର୍ଚ୍ଚା ଜୋର । ସେ ବି ଆଜି ନବୀନ ନିବାସଯାଇ ନବୀନଙ୍କୁ ଭେଟିଛନ୍ତି । ପ୍ରମିଳାଙ୍କ ଇଛା ସେ ତାଙ୍କ ବିଧାନସଭା କ୍ଷେତ୍ର ବିଞ୍ଝାରପୁରରୁ ନିର୍ବାଚନ ଲଢିବେ । ଯଦି ଦଳ ଲୋକସଭା କଥା ଚିନ୍ତା କରେ ତାହାଲେ ସେ ଦଳ କଥା ମାନିବେ ବୋଲି କହିଛନ୍ତି । ସେପଟେ ବଲାଙ୍ଗିରରୁ କଳିକେଶଙ୍କ ସ୍ଥାନରେ ଶ୍ରୀମୟୀ ମିଶ୍ରଙ୍କୁ ସାଂସଦ ଟିକେଟ ଦେବାନେଇ ବି ଚର୍ଚ୍ଚା । ସେଥିପାଇଁ ତାଙ୍କୁ ବି ଆଜି ନବୀନ ନିବାସରୁ ଆସିଥିଲା ଡାକରା ।  ଯାହା ଲାଗୁଛି ବିଜେଡି ଲୋକସଭା ସିଟ୍ ଆଗୁଆ ଫାଇନାଲ କରିବା ଯୋଜନାରେ ଅଛି । ତାପରେ ବିଧାନସଭା ।

ଏବେ ବିଜେଡିର ୩ ମହିଳା ସାଂସଦ ଅଛନ୍ତି । ପ୍ରତ୍ୟୁଷା କନ୍ଧମାଳ ସାଂସଦ, ରୀତା ତରେଇ ଯାଜପୁର ସାଂସଦ ଏବଂ କେନ୍ଦୁଝରରୁ ସକୁନ୍ତଳା ଲାଗୁରୀ । ସେମାନଙ୍କୁ ଦଳ ରିପିଟ କରିବ କି ନାହିଁ ତାହା ଜଣାପଡୁନି । ସେପଟେ ସୁନ୍ଦରଗଡରୁ ହେମାନନ୍ଦ ବିଶ୍ବାଳଙ୍କ ଝିଅ ସୁନିତା ବିଶ୍ବାଳ ଯିଏ ବିଜେଡିରେ ମିଶିଛନ୍ତି ତାଙ୍କୁ ଲୋକସଭା ଲଢାଇବାକୁ ବିଜେଡି ଯୋଜନା କରାଯାଇଥିବା ବି ଚର୍ଚ୍ଚା  ହେଉଛି ।

ମୟୂରଭଞ୍ଜରୁ ସରସ୍ବତୀ ହେମ୍ବ୍ରମଙ୍କ କଥା ମଧ୍ୟ ଉଠିଛି । ଏପରିକି କୋରାପୁଟ ଆସନ ପାଇଁ ମଧ୍ୟ ମହିଳା ପ୍ରାର୍ଥୀଙ୍କ ସମ୍ପର୍କରେ ବିଚାର କରାଯାଉଛି । ବିଜେପିରୁ ଯେହେତୁ ଅପରାଜିତା ଷଡଙ୍ଗୀ ଭୁବନେଶ୍ବରରୁ ପ୍ରର୍ଥୀ ହେବେ ତାଙ୍କୁ କାଉଣ୍ଟର କରିବା ପାଇଁ ବିଜେଡି ପ୍ରସନ୍ନ ପାଟ୍ଟଶାଣୀଙ୍କ ସ୍ଥାନରେ ଜଣେ ମହିଳା ପ୍ରାର୍ଥୀଙ୍କ ବାବଦରେ ଚିନ୍ତା କରୁଛି ।

   Related Posts