Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପିପିଲି ଉପନିର୍ବାଚନ : ପ୍ରକାଶ ପାଇଲା ସାନି ବିଜ୍ଞପ୍ତି, ମେ ୧୩ରେ ମତଦାନ
  • ||
  • ମାଲକାନଗିରି : ରକ୍ତ ମୁଖା ଲାଲ୍‌ବାହିନୀ , ପୋଲିସ ଇନଫର୍ମର ସନ୍ଦେହରେ ୨ଛାତ୍ରଙ୍କୁ ଗଳାକାଟି ହତ୍ୟା
  • ||
  • କରୋନା ଭୟରେ କଠୋର ହେଲା ହଂକଂ: ଭାରତକୁ ବିମାନ ଚଳାଚଳ ବନ୍ଦ, ୩ ମେ ଯାଏଁ ଲାଗିଲା କଟକଣା
  • ||
  • କଳାହାଣ୍ଡି : ନଳକୂପ ଅଛି ହେଲେ ପାଣି ବାହାରୁନି, ପାନୀୟ ଜଳ ଯୋଗାଣ ଦାବିରେ ସରପଞ୍ଚ, ପଞ୍ଚାୟତ ଓ ବ୍ଲକ୍ ଯନ୍ତ୍ରୀଙ୍କୁ ଅଟକ ରଖିଲେ ଗ୍ରାମବାସୀ
  • ||
  • କଳାହାଣ୍ଡି : ଲଡୁଗାଁରେ ବଢିଲା ସଟ୍ ଡାଉନ୍ ଅବଧି, ଆଉ ୪ଦିନ ରହିବ ବଳବତ୍ତର
  • ||
  • ରାଜ୍ୟରେ ୪ହଜାର ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୪୪୪୫ ପଜିଟିଭ୍ ଚିହ୍ନଟ
  • ||
  • କରୋନା ନେଲା ଜୀବନ: ପରଲୋକରେ ଜେଡିୟୁ ବିଧାୟକ ମେଓ୍ୱାଲାଲ ଚୌଧୁରୀ
  • ||
  • ଆଜିଠୁ ଶ୍ରୀମନ୍ଦିରରେ ନୂଆ SOP ଲାଗୁ, ରାଜ୍ୟ ବାହାରର ଦର୍ଶନାର୍ଥୀଙ୍କ ପାଇଁ କୋଭିଡ୍ ନେଗେଟିଭ ରିପୋର୍ଟ ବାଧ୍ୟତାମୂଳକ
  • ||
  • ଚଣ୍ଡିଖୋଲ : ଟ୍ରେନ୍ ଲାଇନ୍‌ରୁ ମିଳିଲା ମୃତଦେହ, ନିକଟରେ ପଡିଛି ଏକ ସାଇକେଲ
  • ||
  • ଭୁବନେଶ୍ୱର : ୫ ସହରରେ ପାରଦ ୪୦ ଡିଗ୍ରୀ ଟପିଲା, ଆଗକୁ ଆହୁରି ବଢିବ ତାତି
  • ||

ଢେଙ୍କାନାଳରେ ବିଦ୍ୟୁତ୍ ସଂସ୍ପର୍ଶରେ ଆସି ୭ଟି ହାତୀ ମୃତ

27/10/2018 at 8:54 AM

ଢେଙ୍କାନାଳ ୨୭|୧୦: ବିଦ୍ୟୁତ୍ ତାର ଲାଗି ୭ଟି ହାତୀ ମୃତ । ଢେଙ୍କାନାଳ ଓଡ଼ାପଡ଼ା ନିକଟ କମଳାଙ୍ଗ ବ୍ରାହ୍ମଣୀ ନଦୀପଠାରେ ଘଟିଛି ଏଭଳି ଅଘଟଣ । ରେଲୱେ ଟ୍ରାକ୍ ପାଇଁ ବିଛା ଯାଇଥିବା ବିଦ୍ୟୁତ୍ ତାର ସଂସ୍ପର୍ଶରେ ଆସି ହାତୀ ମରିଥିବା ଆଶଙ୍କା କରାଯାଉଛି । ହାତୀପଲରେ ୧୩ରୁ ଅଧିକ ହାତୀ ଥିଲେ । ହାତୀ ପଲ ରେଲୱେ ଟ୍ରାକ୍ ଅତିକ୍ରମ କରିବା ବେଳେ ବିଦ୍ୟୁତ୍ ତାର ଲାଗି ଯାଇଥିବା ଆଶଙ୍କା କରାଯାଉଛି । ଘଟଣାସ୍ଥଳରେ ୭ହାତୀ ମରି ପଡିଥିବା ବେଳେ ଅନ୍ୟମାନେ ସୌଭାଗ୍ୟ ବଶତଃ ବଞ୍ଚି ଯାଇଥିବା ଅନୁମାନ କରାଯାଉଛି । ହାତୀଙ୍କ ମୃତଦେହ ଦେଖି ସ୍ଥାନୀୟ ଗାଁ ଲୋକ ବନବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ବନ ବିଭାଗ ଅଧିକାରୀ ପହଞ୍ଚିଛନ୍ତି । ହାତୀ ମୃତ୍ୟୁର କାରଣ ନେଇ ତଦନ୍ତ ହେବ । ତେବେ ପ୍ରାଥମିକ ଭାବରେ ଜଣା ପଡୁଛି ବିଦ୍ୟୁତ୍ ତାର ଲାଗି ୭ ହାତୀଙ୍କ ମୃତ୍ୟୁ ହୋଇଛି । ରେଲୱେ ଟ୍ରାକ୍ ପାଇଁ ବିଛା ଯାଇଥିବା ତାର ଲାଗି ହାତୀ ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ତେବେ ରେଳ ବିଭାଗ ଏହାକୁ ଖଣ୍ଡନ କରିଛି ।

ଗତ ୧୮ବର୍ଷ ଭିତରେ ୧୮୦ରୁ ଅଧିକ ହାତୀ କେବଳ ବିଦ୍ୟୁତ୍ ତାର ଲାଗି ପ୍ରାଣ ହରାଇଛନ୍ତି । ଅନୁଗୋଳରେ ସର୍ବାଧିକ ହାତୀ ପ୍ରାଣ ହରାଉଥିବା ରିପୋର୍ଟ କହୁଛି । ଜଙ୍ଗଲ ଭିତର ଦେଇ ଯାଇଥିବା ହାଇ ଭୋଲଟେଜ୍ ତାର ହାତୀପଲ ପାଇଁ ଘାତକ ହେଉଛି । ଦାନ୍ତ ପାଇଁ ହାତୀ ଶିକାର ସହ ବିଦ୍ୟୁତ ତାର ସମସ୍ୟା, ହାତୀଙ୍କ ମୃତ୍ୟୁ ପାଇଁ ବଡ କାରଣ ହୋଇଛି । ଜଙ୍ଗଲ କମିଯିବା ଫଳରେ ଏବଂ ଜଙ୍ଗଲରେ ଖାଦ୍ୟ ଅଭାବ ଯୋଗୁ ଅନେକ ସମୟରେ ଜନବସତି ଆଡକୁ ଚାଲି ଆସୁଛନ୍ତି ହାତୀ । ହାତୀ-ମଣିଷ ମୁହାଁମୁହିଁ ହେଉଛନ୍ତି । ଏସବୁ ହାତୀ ସଂଖ୍ୟା ପ୍ରତି ବିପଦ ସୃଷ୍ଟି କରିଛି । ରିପୋର୍ଟ ଅନୁଯାୟୀ ରାଜ୍ୟରେ ମୋଟ୍ ହାତୀ ମୃତ୍ୟୁର ୧୫ପ୍ରତିଶତ କେବଳ ବିଦ୍ୟୁତ୍ ତାର ଲାଗିବା ଯୋଗୁଁ ହେଉଛି ।  ଜଙ୍ଗଲ  ଭିତରେ ଯେଉଁ ଉଚ୍ଚତାରେ ବିଦ୍ୟୁତ୍ ତାର ଯିବା କଥା, ସେହି ଗାଇଡଲାଇନ୍ ପାଳନ ହେଉନାହିଁ । ପୁଣି ଅନେକ ସମୟରେ ବିଭିନ୍ନ କାରଣରୁ ତାର ଓହଳି ପଡୁଛି । ଯାହା ହାତୀଙ୍କ ଯିବା ଆସିବା ବାଟରେ ବିପଦ ସାଜୁଛି । ଏପରି ସ୍ଥିତିରେ ଦୋଷ କାହାର ତାହା ବଡ ପ୍ରଶ୍ନ । ତାଠୁ ବଡ ପ୍ରଶ୍ନ ହାତୀଙ୍କ ସୁରକ୍ଷା ନେଇ କାହାର ଦାୟିତ୍ବ । ହାତୀ କରିଡରରେ ନିୟମିତ ଭାବରେ ପାଟ୍ରୋଲିଂ ହେଉନଥିବା ଅଭିଯୋଗ ହେଉଛି । ଯାହାର ପରିଣାମ ସ୍ବରୂପ ଅନେକ ସମୟରେ ଏପରି ଅଘଟଣମାନ ଘଟୁଛି ।

   Related Posts