Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ନିଶା ପାଇଁ ଗଲା ଜୀବନ: ପାର୍ଟି ଚାଲିଥିବା ବେଳେ ମଦ ସରିଯିବାରୁ ସାନିଟାଇଜର ପିଇଗଲେ ଲୋକେ, ୭ଜଣଙ୍କ ମୃତ୍ୟୁ, ୨ କୋମାରେ

22/11/2020 at 1:07 PM

ମସ୍କୋ ୨୨/୧୧ : ନିଶା ଅଭ୍ୟାସ ଅତ୍ୟନ୍ତ କ୍ଷତିକାରକ। ନିଶା ଅଭ୍ୟାସ କେତେ ଯେ ହାନିକାରକ ହୋଇପାରେ ତାହାର ଏକ ଉଦାହରଣ ଦେଖିବାକୁ ମିଳିଛି ଋଷରେ। ଋଷ ତାତିନ୍ସିକ ଜିଲ୍ଲା ତୋମତୋର ଗାଁରେ ଏକ ପାର୍ଟିର ଏହିଭଳି ଏକ ଘଟଣା ସାମ୍ନାକୁ ଆସିଛି ଯାହା ଆପଣଙ୍କୁ ଚକିତ କରିଦେବା। ପାର୍ଟିରେ ମଦ ସରିଯିବାରୁ ସେଠାରେ ଉପସ୍ଥିତ ଲୋକେ ସାନିଟାଇଜର ପିଇ ଦେଇଥିଲେ। ସାନିଟାଇଜର ପିଇବା ପରେ ଲୋକଙ୍କ ଅବସ୍ଥା ବିଗିଡି ଯାଇଥିଲା। କିଛି ଲୋକ ବେହୋସ ମଧ୍ୟ ହୋଇଯାଇଥିଲେ। ବେହୋସ ହୋଇଯାଇଥିବା ଲୋକଙ୍କୁ କୌଣସି ପ୍ରକାରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ୭ଜଣଙ୍କ ମୃତ୍ୟୁ ହୋଇଥିବାବେଳେ ୨ଜଣ କୋମାରେ ଅଛନ୍ତି। ପାର୍ଟିରେ ସାମିଲ ହୋଇଥିବା ଲୋଇ ଯେଉଁ ସାନିଟାଇଜର ପିଇଥିଲେ ସେଥିରେ ୬୯% ମିଥାନଲ ଥିଲା। ମହାମାରୀ ସମୟରେ ଏହାକୁ ହ୍ୟାଣ୍ଡ କ୍ଲିନର ହିସାବରେ ବିକ୍ରି କରାଯାଉଛି।

ଡେଲିମେଲ ରିପୋର୍ଟ ଅନୁଯାୟୀ, ଋଷ ତୋମତୋର ଗାଁରେ ଏକ ପାର୍ଟି ଚାଲିଥିବା ସମୟରେ ହଠାତ କିଛି ଲୋକେ ବେହୋସ ହୋଇଯିବାରୁ ସେଠାରେ ଉପସ୍ଥିତ ଲୋକଙ୍କ ମଧ୍ୟରେ ହଇଚଇ ସୃଷ୍ଟି ହୋଇଥିଲା। ରିପୋର୍ଟ ଅନୁଯାୟୀ, ପାର୍ଟିରେ ଲୋକେ ମଦ ଦାବି କରିଥିଲେ କିନ୍ତୁ ମଦ ଶେଷ ହୋଇଯାଇଥିଲା। ଜଣେ ବ୍ୟକ୍ତି ସାନିଟାଇଜର ବୋତଲ ନେଇ ସେଠାକୁ ଆସିଥିଲେ। ଲୋକେ ନିଶାରେ ଏମିତି ପାଗଳ ଥିଲେ ସାନିଟାଇଜର ପିଇ ଯାଇଥିଲେ। ଏହାପରେ ଘଟଣାସ୍ଥଳରେ ହିଁ ୩ ଜଣଙ୍କ ମୃତ୍ୟୁ ହୋଇଥିଲା। ଆଉ ୬ ଜଣଙ୍କୁ ଏୟାର କ୍ରାଫ୍ଟ ସାହାଯ୍ୟରେ ରାଜଧାନୀ ୟାକୁତ୍ସ୍କ ନିଆଯାଇଥିଲା। ଚିକିତ୍ସାଧୀନ ଅବସ୍ଥାରେ ଆଉ ୪ ଜଣଙ୍କ ମୃତ୍ୟୁ ହୋଇଥିଲା। ଘଟଣା ସମ୍ପର୍କରେ ସୂଚନା ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଅପରାଧିକ ମାମଲା ରୁଜ୍ଜୁ କରିଛି।

ଘଟଣା ପରେ ଋଷ ସରକାର ଲୋକଙ୍କୁ ଅପିଲ ନିଶା ପାଇଁ ସାନିଟାଇଜର ବ୍ୟବହାର ନ କରିବାକୁ ଅପିଲ କରିଛନ୍ତି। ସୂଚନାଯୋଗ୍ୟ ଯେ, ଋଷରେ କରୋନା ମାମଲା ପୁଣି ବଢ଼ିବାରେ ଲାଗିଛି। ଋଷରେ ଏବେ ସୁଦ୍ଧା ୨୦ ଲକ୍ଷ ୬୪ ହଜାର ୭୪୮ ମାମଲା ସାମ୍ନାକୁ ଆସିଛି। କରୋନା ମହାମାରୀ ଯୋଗୁଁ ୩୫ ହଜାର ୭୭୮ ଜଣଙ୍କ ମୃତ୍ୟୁ ହୋଇସାରିଛି।

   Related Posts