ମୁମ୍ବାଇ,୧୪/୦୪: ଦେଶରେ କରୋନା ସଂକ୍ରମଣ ସବୁଠାରୁ ଖରାପ ସ୍ଥିତିରେ ପହଁଚିଛି । ମହାରାଷ୍ଟ୍ର ସର୍ବାଧିକ ପ୍ରଭାବିତ ହୋଇଥିବା ରାଜ୍ୟ ମଧ୍ୟରେ ଆଗରେ ରହିଛି । ଏଠାରେ ଦୈନିକ ୫୦ ହଜାରରୁ ଅଧିକ ମାମଲା ସାମ୍ନାକୁ ଆସୁଛି । ରାଜ୍ୟରେ କରୋନା ଭାକସିନର ଅଭାବ ଥିବା କୁହାଯାଉଛି। ଏହା ମଧ୍ୟରେ ମୁମ୍ବାଇ ନିକଟବର୍ତ୍ତୀ ନାଲାସୋପାରା ଅଞ୍ଚଳରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଏଠାରେ ଏକ ହସ୍ପିଟାଲରେ ଅମ୍ଳଜାନ ଅଭାବରୁ ୭ ଆକ୍ରାନ୍ତଙ୍କ ମୃତ୍ୟୁ ହୋଇଛି ।
wp:html/wp:htmlI wish to draw @PMOIndia 's attention to a very grave matter. There is an acute shortage of oxygen in the Vasai taluka. Notably, the supply can run for only three hours. There are more than 7,000 active cases in the area and more than 3,000 people require oxygen supply daily
— Kshitij Thakur (@kshitijhthakur) April 12, 2021
ଏହି ଘଟଣା ପରେ ନାଲାସୋପାରା ବିଧାୟକ କ୍ଷୀତିଶ କୁମାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସାହାଯ୍ୟ ପାଇଁ ନିବେଦନ କରିଛନ୍ତି । ସୂଚନାନୁସାରେ, ବିନାୟକ ହସ୍ପିଟାଲରେ ଏହି ମାମଲା ସାମ୍ୱାକୁ ଆସିଛି । ଏଠାରେ ଅମ୍ଳଜାନ ଅଭାବରୁ ୭ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି । ତେବେ ବିଧାୟକ ନିଜ ଟ୍ୱିଟରେ ୩ ଜଣ ଆକ୍ରାନ୍ତ ପ୍ରାଣ ହରାଇଥିବା ଉଲ୍ଲେଖ କରିଛନ୍ତି । ମଙ୍ଗଳବାର ସକାଳୁ ହିଁ ହସ୍ପିଟାଲରେ ଅମ୍ଳଜାନର ଅଭାବ ପରିଲକ୍ଷିତ ହୋଇଥିଲା ।
ବିଧାୟକ ନିଜ ଟ୍ୱିଟରେ ଲେଖିଛନ୍ତି ଯେ, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏହି ମାମଲାରେ ଦୃଷ୍ଟି ଆକର୍ଷଣ କରନ୍ତୁ ବୋଲି ସେ ଚାହୁଁଛନ୍ତି । ବସଇ ଅଞ୍ଚଳରେ ଅମ୍ଳଜାନର ଘୋର୍ ଅଭାବ ରହିଛି । ଅକ୍ସିଜେନ୍ ଯୋଗାଣ ମାତ୍ର ୩ ଘଣ୍ଟା ଯାଏଁ ହୋଇପାରିବ । ଏହି ଅଞ୍ଚଳରେ ୭୦୦୦ରୁ ଅଧିକ ସକ୍ରିୟ କେସ୍ ରହିଛି । ୩୦୦୦ଜଣଙ୍କୁ ଅମ୍ଳଜାନର ଆବଶ୍ୟକତା ରହିଛି ।