Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ମହେନ୍ଦ୍ରତନୟାରେ ଭାସିଗଲେ ଯୁବକ : ଦିନକ ପରେ ମିଳିଲା ମୃତଦେହ
  • ||

ଦେଶରେ ୨୪ ଘଣ୍ଟାରେ ରେକର୍ଡ ସଂଖ୍ୟକ ସଂକ୍ରମିତ ହେଲେ ସୁସ୍ଥ, ଘରକୁ ଫେରିଲେ ୬୩,୬୩୧, ସୁସ୍ଥହାର ୭୪.୬୯%

22/08/2020 at 5:33 PM

ନୂଆଦିଲ୍ଲୀ ୨୨।୦୮: ଦେଶରେ ଏବେ ମଧ୍ୟ ହଜାର ହଜାର ସଂଖ୍ୟାରେ ନୂତନ ଆକ୍ରାନ୍ତ ଚିହ୍ନଟ ହେଉଛନ୍ତି। ଏସବୁ ମଧ୍ୟରେ ଆଶ୍ଵସ୍ତିକର ବିଷୟ ଏହା ଯେ କରୋନା ଭୂତାଣୁ ସଂକ୍ରମିତ ଲୋକ ଶୀଘ୍ର ସୁସ୍ଥ ହେବାରେ ଲାଗିଛନ୍ତି। ଶନିବାର ଦେଶରେ ଗୋଟିଏ ଦିନରେ ରେକର୍ଡ ସଂଖ୍ୟାରେ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ସ୍ଵାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ୨୪ ଘଣ୍ଟାରେ ୬୩,୬୩୧ ସଂକ୍ରମିତ ଆରୋଗ୍ୟଲାଭ କରିଛନ୍ତି। ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ଆକ୍ଟିଭ୍ କେସ୍ ସଂଖ୍ୟାଠୁ ୧୫  ଲକ୍ଷରୁ ଅଧିକ ରହିଛି। ଏହା ପରେ ଦେଶରେ ସୁସ୍ଥହାର ୭୪.୬୯ ପ୍ରତିଶତରେ ପହଞ୍ଚିଛି।

ସମଗ୍ର ଦେଶରେ ଗତ ୨୪ ଘଣ୍ଟାରେ ରେକର୍ଡ ୬୩,୬୩୧ କରୋନା ସଂକ୍ରମିତ ସୁସ୍ଥ ହୋଇଛନ୍ତି। ଏଥିରେ ଦେଶର କରୋନା ସୁସ୍ଥହାର ବଢି ୭୪.୬୯ ପ୍ରତିଶତରେ ପହଞ୍ଚିଛି। କେନ୍ଦ୍ର ସ୍ଵାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଶନିବାର କହିଛି ମାତ୍ର ୨୧ ଦିନରେ କରୋନାରୁ ରୋଗମୁକ୍ତ  ବ୍ୟକ୍ତିଙ୍କ ସଂଖ୍ୟା ଦୁଇ ଗୁଣରୁ ଅଧିକ ବଢିଛି। ଦେଶରେ ଅଗଷ୍ଟ ୧ରେ କରୋନା ସଂକ୍ରମଣରୁ ମୁକ୍ତ ବ୍ୟକ୍ତିଙ୍କ ସଂଖ୍ୟା ୧୦,୯୪,୩୭୪ ରହିଥିଲା ଯାହା ଅଗଷ୍ଟ ୨୧କୁ ବଢି ୨୨, ୨୨, ୫୭୭ରେ ପହଞ୍ଚିଛି।

ମନ୍ତ୍ରଣାଳୟ ଅନୁଯାୟୀ ଗତ ୨୪ ଘଣ୍ଟାରେ ୬୯,୮୭୮ ନୂତନ ଆକ୍ରାନ୍ତ ଚିହ୍ନଟ  ହୋଇଛନ୍ତି। ଏହା ପରେ ସଂକ୍ରମଣକାରୀଙ୍କ ସଂଖ୍ୟା ୨୯, ୭୫, ୭୦୧କୁ ବୃଦ୍ଧି ଘଟିଛି। ମାତ୍ର ଅଗଷ୍ଟ ୨୨ରେ ୬୩,୬୩୧ ରୋଗମୁକ୍ତ ହେବା ପରେ ଦେଶରେ ଆକ୍ଟିଭ୍ କେସ୍ ସଂଖ୍ୟା ୬,୯୭, ୩୩୦ ରହିଛି।

   Related Posts