Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

୬ବର୍ଷ ବୟସରେ ସବୁଠୁ କନିଷ୍ଠ କମ୍ପ୍ୟୁଟର ପ୍ରୋଗ୍ରାମର ହେଲେ ଅରହମ୍ : ମିଳିଲା ଗିନିଜ ବୁକ୍ ଅଫ୍ ରେକର୍ଡ଼ରେ ସ୍ଥାନ

10/11/2020 at 9:34 AM

ଅହମଦାବାଦ ୧୦/୧୧: ୬ବର୍ଷ ବୟସରେ ପିଲାମାନେ ବହୁତ କଷ୍ଟରେ ଏବିସିଡି ଏବଂ ୧ରୁ ୧୦୦ଯାଏଁ ଗଣିବା ଶିଖିପାରୁଥିବାବେଳେ ଅହମଦାବାଦର ୬ବର୍ଷର ଅରହମ୍ ଓମ୍ ତଲସାନିଆ ଏପରି କାରନାମା କରିଛନ୍ତି ଯେ ବଡ଼ ବଡ଼ ସଫ୍ଟଓ୍ବେୟାର ଇଞ୍ଜିନିୟରମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।

୬ବର୍ଷର ଏହି ଛୋଟ ପିଲାଟି କମ୍ପ୍ୟୁଟର ଦୁନିଆରେ ଏପରି କାରନାମା କରି ଦେଖାଇଛି ଯେ ଯାହା ଗିନିଜ ବୁକ୍ ଅଫ୍ ଓ୍ବାର୍ଲଡ ରେକର୍ଡ଼ରେ ସ୍ଥାନ ପାଇଛି। ଅରହମଙ୍କ ନାଁ ଗିନିଜ ବୁକ୍ ଅଫ୍ ଓ୍ବାଲର୍ଡ ରେକର୍ଡ଼ରେ ସବୁଠୁ ଯୁବ କମ୍ପ୍ୟୁଟର ପ୍ରୋଗ୍ରାମର ଭାବେ ସ୍ଥାନ ପାଇଛି। ଅରହମ୍ ତଲସାନିଆ ୬ବର୍ଷ ବୟସରେ ଶକ୍ତିଶାଳୀ ପାଇଥନ୍ ପ୍ରୋଗ୍ରାମିଂ ଭାଷା ପରୀକ୍ଷାକୁ କ୍ଲିୟର କରି ଗିନିଜ ଓ୍ବାଲର୍ଡ ରେକର୍ଡ଼ କରିଛନ୍ତି। ଏହି ପରୀକ୍ଷା ୨୦୨୦ ଜାନୁୟାରୀ ୨୩ତାରିଖରେ ମାଇକ୍ରୋସଫ୍ଟ ଦ୍ବାରା ଅଧିକୃତ ପିୟର୍ସନ ଭ୍ୟୁ ଟେଷ୍ଟ୍ ସେଣ୍ଟରରେ ଆୟୋଜିତ କରାଯାଇଥିଲା। ଏହି ପରୀକ୍ଷାକୁ ଅନେକ ଇଞ୍ଜିନୟର କ୍ରାକ୍ କରିପାରନ୍ତି ନାହିଁ କିନ୍ତୁ ଅରହମ୍ ଏହାକୁ କରି ଦେଖାଇଛନ୍ତି।

ଅରହମ୍ ପାକିସ୍ତାନୀ ମୂଳର ବ୍ରିଟିଶ୍ ବାଳକ ୭ବର୍ଷର ମହମ୍ମଦ ହମଜା ଶହଜାଦଙ୍କ ପ୍ରଥମ ଗିନିଜ ବୁକ୍ ଅଫ୍ ଓ୍ବାଲର୍ଡ଼ ରେକର୍ଡ଼କୁ ଭାଙ୍ଗି ଦେଇଛନ୍ତି। ଏକ ପରୀକ୍ଷାରେ ଜଣେ ପରୀକ୍ଷାର୍ଥୀଙ୍କୁ ପ୍ରତିଷ୍ଠିତ ପ୍ରମାଣ ପ୍ରାପ୍ତ କରିବା ପାଇଁ ୧୦୦୦ରୁ ୭୦୦ ଅଙ୍କ ଦରକାର ଥିବାବେଳେ ଅରହମ୍ ୯୦୦ଅଙ୍କ ହାସଲ କରିଥିଲେ ଏବଂ ତାଙ୍କୁ ମାଇକ୍ରୋସଫ୍ଟ ଟେକ୍ନୋଲୋଜି ଆସୋସିଏଟ ଭାବେ ମାନ୍ୟତା ମିଳିଛି। ଅହମଦାବାଦରେ ରହୁଥିବା ଅରହମଙ୍କ ବାପା ଓମ୍ ତଲସାନିଆ ପେଶାରେ ସଫ୍ଟଓ୍ବେୟାର ଇଞ୍ଜିନିୟର ଏବଂ ତାଙ୍କ ପତ୍ନୀ ତୃପ୍ତି ତଲସାନିଆ ଲେକ୍ଚରର ଏବଂ ଇଞ୍ଜିନିୟର। ସେ ସବୁଠୁ କନିଷ୍ଠ କମ୍ପ୍ୟୁଟର ପ୍ରୋଗ୍ରାମର ହେବାର ଗୌରବ ହାସଲ କରିଛନ୍ତି।

ମାତ୍ର ୨ବର୍ଷ ବୟସରୁ ଅରହମଙ୍କୁ କମ୍ଫ୍ୟୁଟର ପ୍ରତି ଖୁବ୍ ଆସକ୍ତି ଥିଲା ଯାହା ଆଗକୁ ଯାଇ ଆହୁରି ବଢ଼ିଯାଇଥିଲା। ଯେତେବେଳେ ତାଙ୍କ ବାପା ଘରୁ କାମ କରୁଥିଲେ ସେତେବେଳେ ଅରହମ୍ ନିଜ ବାପାଙ୍କଠୁ ମଧ୍ୟ ବହୁତ କିଛି ଶିଖିଥିଲେ। ଏହା ପରେ ଅରହମ୍ ବାପାଙ୍କଠୁ ନିଜେ ଭିଡିଓ ଗେମ୍ ବନାଇବାର ଇଚ୍ଛା ପ୍ରକାଶ କରିଥିଲେ। ପୁଅର ଆଗ୍ରହକୁ ତାଙ୍କ ବାପା ବୁଝି ପାରିଥିଲେ। କାରଣ ଅରହମ ସବୁ ଜିନିଷ ବହୁତ ଶୀଘ୍ର ଶିଖି ଯାଉଥିଲେ ଏବଂ ଏପରି କ୍ଷେତ୍ରରେ ତାଙ୍କ ବାପା ଅରହମଙ୍କୁ ମାଇକ୍ରୋସଫ୍ଟ ଅଧିକୃତ ପରୀକ୍ଷା ଦେବାକୁ ନିଷ୍ପତ୍ତି ନେଇଥିଲେ।

ଏହି ପରୀକ୍ଷାର ବିଶ୍ବରେ ଯଥେଷ୍ଟ ଉଚ୍ଚତରୀୟ ବିଶ୍ବସନୀୟତା ରହିଛି। ଅରହମ ମାତ୍ର ୬ବର୍ଷ ବୟସରେ ଏହି ପରୀକ୍ଷା ପାସ୍ କରିଥିଲେ।

   Related Posts