କରଞ୍ଜିଆ ୨୧|୧: ମୟୁରଭଞ୍ଜ ଜିଲ୍ଲା ଯଶୀପୁର ଥାନା ବାଲିସୁନ୍ଦୁରା ନିକଟରେ ଏକ ଅଭାବନୀୟ ଘଟଣା ଘଟିଛି । ୬ବର୍ଷର ଶିଶୁକୁ କୁକୁର ପଲ ଝୁଣି ମାରିଦେଇଛନ୍ତି । ମୃତ ଶିଶୁ ହେଉଛନ୍ତି ରିଙ୍କୁ ମହାରଣା ।
ସୂଚନା ଅନୁସାରେ ମୟୁରଭଞ୍ଜ ଜିଲ୍ଲା ଯଶୀପୁର ଥାନା ବାଲିସୁଦୁରା ଗାଁର ଶର୍ମା ମହାରଣାଙ୍କ ପୁଅ ରିଙ୍କୁ ମହାରଣା ଆଜି ସ୍କୁଲକୁ ଯାଉଥିବା ବେଳେ ବାଟରେ ତାଙ୍କୁ କୁକୁର ପଲ ଆକ୍ରମଣ କରିଥିଲେ । ସେ ଦୌଡିବାରୁ କୁକୁର ପଲ ତାଙ୍କୁ ଗୋଡାଇ ଆକ୍ରମଣ କରିଥିଲେ । ଏକାସଙ୍ଗେ ଏତେ ସଂଖ୍ୟାରେ କୁକୁର ଆକ୍ରମଣ କରିଥିବାରୁ ନିଜକୁ ବଞ୍ଚାଇ ପାରିନଥିଲେ ରିଙ୍କୁ । ରିଙ୍କୁକୁ ଏକ ବିଲ ମଝିକୁ ଟାଣି ନେଇ ଝୁଣିପକାଇଥିଲେ କୁକୁର । ଫଳରେ ଘଟଣାସ୍ଥଳରେ ହିଁ ରିଙ୍କୁଙ୍କର ମୃତ୍ୟୁ ହୋଇଛି । ରିଙ୍କୁ ରାହାନ୍ଦ ୟୁପି ସ୍କୁଲରେ ପ୍ରଥମ ଶ୍ରେଣୀରେ ପଢୁଥିଲେ ।