Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||
  • ଡିସେମ୍ବର ୮ରେ ଭାରତ ବନ୍ଦ ଡାକରା ଦେଲା କୃଷକ ସଂଗଠନ
  • ||
  • ପ୍ରଥମ ଟି-୨୦ରେ କଙ୍ଗାରୁ ଚିତ୍, ଚମକିଲେ ଭାରତୀୟ ବୋଲର, ଅଷ୍ଟ୍ରେଲିଆକୁ ୧୧ ରନରେ ହରାଇଲା ବିରାଟ ବାହିନୀ
  • ||
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||

ଓଡ଼ିଶାର ୬ଟି ଜିଲ୍ଲା ଗଞ୍ଜାମ, ପୁରୀ, କେନ୍ଦ୍ରାପଡ଼ା, ଖୋର୍ଦ୍ଧା, କଟକ ଓ ଜଗତସିଂହପୁରରେ ଫନିର ପ୍ରଭାବ ଅଧିକ ରହିବ: ଆଉ ୭ଟି ଜିଲ୍ଲା ମଧ୍ୟ ହେବ ପ୍ରଭାବିତ

30/04/2019 at 7:18 PM

ଭୁବନେଶ୍ବର ୩୦|୪: ଗଭୀର ସମୁଦ୍ର ଭିତରେ ଭେରି ସିଭିୟର ସାଇକ୍ଲୋନର ରୂପ ନେଇ ସାରିଛି ‘ଫନି’ । ଆସନ୍ତା ୨୪ଘଣ୍ଟା ଭିତରେ ଏହା ଭେରି ଭେରି ସିଭିୟର ସାଇକ୍ଲୋନରେ ପରଣତ ହେବ । ତେବେ ଆଗାମୀ ୩ ତାରିଖ ଅପରାହ୍ଣରେ ଏହା ପୁରୀ ନିକଟରେ ଲ୍ୟାଣ୍ଡଫଲ୍‌ କରିବ ବୋଲି ଅନୁମାନ କରାଯାଉଛି । ତଥାପି ଏହାର ମୁଭ୍‌ମେଣ୍ଟ ଉପରେ ନଜର ରଖିଛନ୍ତି ପାଣିପାଗ ବିଜ୍ଞାନୀମାନେ ।….

‘ଫନି’କୁ ନେଇ ବଢ଼ୁଛି ସନସନି । ଏମିତି ତ ବାତ୍ୟା ନାଁ ଶୁଣିଲେ ଛାତିରେ ଛନକା ପଶେ । କାହିଁକି ନା’ ପ୍ରକୃତିର ଏଭଳି ତାଣ୍ଡବକୁ ଆଗରୁ ଅନେକ ଥର ଦେଖିଛି ଓଡ଼ିଶା । ସେ ୧୯୯୯ ମହାବାତ୍ୟା ହେଉ କି ଫାଇଲିନ୍‌, ହୁଦ୍‌ହୁଦ୍‌ କିମ୍ବା ତିତ୍‌ଲି । ଖାସ୍‌ ସେଇଥି ପାଇଁ ଏବେ ପୁଣି ମନରେ ଭୟ ସୃଷ୍ଟି କରିଛି ‘ଫନି’ ।

ସମୁଦ୍ର ଭିତରେ ଭେରି ସିଭିୟର ସାଇକ୍ଲୋନର ରୂପ ନେଇସାରିଥିବା ‘ଫନି’ ଆସନ୍ତା ୨୪ ଘଣ୍ଟା ଭିତରେ ଭେରି ଭେରି ସିଭିୟର ସାଇକ୍ଲୋନରେ ପରିଣତ ହେବ ।

ଆସନ୍ତା ୩ ତାରିଖ ଅପରାହ୍ଣରେ ଏହା ପୁରୀ ନିକଟରେ ଲ୍ୟାଣ୍ଡଫଲ କରିବ ବୋଲି ଅନୁମାନ କରାଯାଉଛି । ଫନି ଏବେ ପୁରୀଠାରୁ ୮୩୦ କିଲୋମିଟର ଦୂରରେ ରହିଛି । ଏହାର ପ୍ରଭାବରେ ଆସନ୍ତା ୨ ତାରିଖରୁ ଉପକୂଳ ଓଡ଼ିଶାରେ ଘଣ୍ଟାକୁ ୪୦ରୁ ୫୦ କିଲୋମିଟର ପବନ ସହ ବର୍ଷା ଆରମ୍ଭ ହୋଇଯିବ । ତେବେ ୩ ତାରିଖ ସିକାଳେ ପବନର ବେଗ ୬୦ରୁ ୭୦ କିଲୋମିଟରକୁ ବଢ଼ିବ । ସେହିଦିନ ଅପରାହ୍ଣରେ ଯେଉଁଠି ଲ୍ୟାଣ୍ଡଫଲ କରିବ ସେଠାରେ ପବନର ବେଗ ଘଣ୍ଟା ପ୍ରତି ୧୭୦ରୁ ୧୮୦ କିଲୋମିଟର ରହିବ ।

ଓଡ଼ିଶାର ୬ଟି ଜିଲ୍ଲା ଗଞ୍ଜାମ, ପୁରୀ, କେନ୍ଦ୍ରାପଡ଼ା, ଖୋର୍ଦ୍ଧା, କଟକ ଓ ଜଗତସିଂହପୁରରେ ଫନିର ପ୍ରଭାବ ଅଧିକ ରହିବ ବୋଲି ଅନୁମାନ କରାଯାଉଛି । ଯଦି ପୁରୀ ନିକଟରେ ଫନି ଲ୍ୟାଣ୍ଡଫଲ କରୁଛି ତାହେଲେ ଏହି ସବୁ ଜିଲ୍ଲା ଗୁଡ଼ିକରେ ଅଧିକ କ୍ଷୟକ୍ଷତି ହେବ ବୋଲି ଆକଳନ କରାଯାଉଛି ।  ସେହିଭଳି ଭଦ୍ରକ, ବାଲେଶ୍ବର, ଯାଜପୁର, ଢ଼େଙ୍କାନାଳ, ମୟୁରଭଞ୍ଜ, ଅନୁଗୋଳ, କେନ୍ଦୁଝର ଆଦି ଜିଲ୍ଲା ମଧ୍ୟ ବାତ୍ୟା ଯୋଗୁଁ ପ୍ରଭାବିତ ହୋଇପାରେ ।

ଆସନ୍ତା କାଲି ଅର୍ଥାତ୍‌ ୧ ତାରିଖ ସଂଧ୍ୟାରୁ ଫନି ଉତ୍ତର-ଉତ୍ତର ପୂର୍ବ ହୋଇ ଓଡ଼ିଶା ଉପକୂଳ ଦିଗରେ ଗତି କରିବ ବୋଲି ଅନୁମାନ କରୁଛି ଆଇଏମଡି । ତେବେ ୪ ତାରିଖ ସକାଳେ ସାଢ଼େ୫ଟାରୁ ଏହା ଧୀରେ ଧୀରେ ଦୁର୍ବଳ ହେବ । 

   Related Posts