Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ମୌତ କା କୁଆଁରେ ଅଘଟଣ ; ୬ ଦର୍ଶକ ଗୁରୁତର

24/07/2018 at 7:19 AM

ପବିତ୍ର ବାହୁଡା ରଥଯାତ୍ରା ଉପଲକ୍ଷେ ନୂଆପଡା ଜିଲ୍ଲା ସିନାପାଲି କାପସି ଠାରେ ଚାଲିଥିଲା ମିନାବଜାର | ମିନା ବଜାର ରେ ମୌତ କା କୁଆଁ ଆସିଥିବା ବେଳେ ଏହାକୁ ଦେଖିବା ପାଇଁ ଆଖପାଖ ଅଞ୍ଚଳରୁ ଲୋକଙ୍କ ଭିଡ ଜମିଥିଲା | ଠାକୁରଙ୍କ ବାହୁଡା ଯାତ୍ରା ପରେ ମିନାବଜାରରେ ଦର୍ଶକଙ୍କ ଭିଡ ଲାଗିଥିଲା | ମୌତ କା କୁଆଁ ଭିତରେ ମୋଟର ସାଇକେଲ ଓ କାରର ଗର୍ଜନ ଲୋକଙ୍କୁ ଆକର୍ଷିତ କରୁଥିଲା | ଛିଡା ହୋଇ ଦେଖିବା ପାଇଁ ପାଖାପାଖି ୪୦ ଫୁଟ ଉପରେ ତିଆରି ହୋଇଥିବା ଗ୍ରିଲ | ଉପରେ ଦର୍ଶକ ଦେଖୁଥିବା ବେଳେ ରାତି ପ୍ରାୟ ୯ ଟା ସମୟରେ ହଠାତ୍ ଭୂଷୁଡି ପଡିଥିଲା | ଯେଉଁଥିରେ ୬ ଜଣ ଗୁରୁତର ଆହତ ହୋଇଥିଲେ | ସମସ୍ତେ ସିନାପାଲି,କାପସି ଓ ସ୍ଥାନିୟ ସରଧାପୂର ଗ୍ରାମର ବୋଲି ଜଣା ପଡିଛି | ସମସ୍ତ ଗୁରୁତରଙ୍କୁ ପ୍ରଥମେ ସିନାପାଲି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିବା ବେଳେ ସେଠାରେ ଡାକ୍ତର ନଥିଲେ ଏବଂ ଆମ୍ବୁଲାନ୍ସ ମଧ୍ୟ ସମ୍ଭବ ହୋଇ ପାରି ନଥିଲା | ଯାହାପାଇଁ ଡାକ୍ତରଖାନା ପରିସରରେ ଉତ୍ତେଜନା ଲାଗି ରହିଥିଲା | ସିନାପାଲି ପୋଲିସ ଘଟଣାସ୍ଥଳ ଓ ଡାକ୍ତରଖାନାକୁ ପହଞ୍ଚିବା ପରେ ପରିସ୍ଥିତି ଶାନ୍ତ ପଡିଥିଲା | କାହାର ହାତ ଭାଙ୍ଗି ଯାଇଛି ତ ଆଉ କାହାର ଅଣ୍ଟା ଭାଙ୍ଗି ଯାଇଛି | କିଛି ଗୁରୁତରଙ୍କୁ ନୂଆପଡା ମୂଖ୍ୟ ଡାକ୍ତରଖାନାକୁ ଆଣିବା ପରେ ଅଧିକ ଚିକିତ୍ସା ପାଇଁ ବୁର୍ଲା ସ୍ଥାନାନ୍ତର କରାଯାଇଛି | ଆଉକିଛି ଆହତଙ୍କୁ ସ୍ଥାନିୟ ଧର୍ମଗଡକୁ ସ୍ଥାନାନ୍ତର କରାଯାଇଥିଲା | ବର୍ତ୍ତମାନ ସମସ୍ତଙ୍କର ସ୍ୱାସ୍ଥ୍ୟବସ୍ଥା ସ୍ଥିର ଥିବା ଜଣା ପଡିଛି | ବର୍ଷା ମାସରେ କାଦୁଅ ପିଚ ପିଚ କରୁଥିବା ସ୍ଥାନରେ ଏଭଳି ଏକ ବିପଦପୂର୍ଣ୍ଣ ଖେଳକୁ ଅନୁମତି ଦେଲା କିଏ ଏହା ବର୍ତ୍ତମାନ ବଡ ପ୍ରଶ୍ନ ? ମୌତ କା କୁଆଁ ପଡୋଶୀ ଛତିଶଗଡ ରାଜ୍ୟର ହୋଇଥିବା ସୁଚନା ରହିଥିବା ବେଳେ ଘଟଣା ସ୍ଥଳରୁ ସମସ୍ତେ ଫେରାର ଅଛନ୍ତି | ବିନା ଅନୁମତିରେ ମୌତ କା କୁଆଁ ଚାଲୁଥିଲା ବୋଲି ସିନାପାଲି ଥାନା ଅଧିକାରୀ ସ୍ବୀକାର କରିଛନ୍ତି | ତେବେ ବିନା ଅନୁମତିରେ ଏଭଳି ବିପଦପୂର୍ଣ୍ଣ ଖେଳରେ ଅଘଟଣ ପ୍ରତି ତଦନ୍ତ କରିବା ସହ ଦୋଶୀକୁ ଦଣ୍ଡ ଏବଂ ପୀଡିତାଙ୍କୁ ସହାୟତା ଦାବୀ ହେଉଛି |

   Related Posts