ଖଲ୍ଲିକୋଟ୧୧|୧୦:  ବ୍ରହ୍ମପୁରରୁ ଭୁବନେଶ୍ବର ଅଭିମୁଖେ ଯାଉଥିବା ଏକ କାର ଖଲ୍ଲିକୋଟ ନିକଟସ୍ଥ ଭେଜିପୁଟ ଛକ ଠାରେ ଦୁର୍ଘଟଣାଗ୍ରସ୍ତ ହୋଇଛି । ଘଟଣାରେ ୬ଜଣ ଗୁରୁତର ଆହତ ହୋଇଛନ୍ତି । ହଠାତ କାରର ଚକ ଫାଟି ଯିବା ଫଳରେ ଦୁର୍ଘଟଣା ଘଟିଛି ।  

ଭାରସାମ୍ୟ ହରାଇ କାରଟି ଛିଟିକ୍ ପଡ଼ିବାରୁ  ବିପରୀତ ଦିଗରୁ ଆସୁଥିବା ଏକ ପିକପ୍ ଭ୍ୟାନ କୁ ଧକ୍କା ଦେଇଥିଲା l ଫଳରେ ପିକପ୍ ଭ୍ୟାନ ମଧ୍ୟ ଦୁର୍ଘଟଣାର ଶିକାର ହୋଇଥିଲା । ଘଟଣା ସ୍ଥଳରେ କାରରେ ଥିବା ୪ ଜଣ ଯାତ୍ରୀ ଏବଂ ପିକଅପଭ୍ୟାନ ରେ ଥିବା ୨ ଜଣ ଗୁରୁତର ଆହାତ ହୋଇଥିଲେ l

ଖବର ପାଇ ଭେଜିପୁଟ ଫାଣ୍ଡି ପୋଲିସ ଏବଂ ସ୍ଥାନୀୟ ଲୋକେ ପହଞ୍ଚି କାର ଭିତରେ ଚାପି ହୋଇ ରହିଥିବା ଡ୍ରାଇଭରଙ୍କୁ ଉଦ୍ଧାର କରିଥିଲେ l  ଏଥିସହ ଆହାତଙ୍କୁ ଖଲ୍ଲିକୋଟ ଗୋଷ୍ଠି ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ l