Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ସମସ୍ତ ଜିଲ୍ଲାପାଳ ଓ ଏସପିଙ୍କୁ କହିଲେ ୫ଟି ସଚିବ ପାଣ୍ଡିଆନ, ନିଜାମୁଦ୍ଦିନ ମରକଜ ଫେରନ୍ତାଙ୍କୁ ଚିହ୍ନଟ କରି ଯାଞ୍ଚ କର

4/04/2020 at 5:16 PM

ଭୁବନେଶ୍ଵର ୦୪।୦୪: ଦିଲ୍ଲୀର ନିଜାମୁଦ୍ଦିନ ସ୍ଥିତ ମରକଜରେ ତବଲିଗି ଜମାତଙ୍କ ଧାର୍ମିକ ସଭା ସମଗ୍ର ଦେଶ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି। ଏହି ତବଲିଗି ଜମାତିଙ୍କ ପାଇଁ ଦେଶରେ କରୋନା ଭାଇରସ୍ ବିରୋଧୀ ଲଢେଇକୁ ଶକ୍ତ ଧକ୍କା ଲାଗିଛି। ତବଲିଗି ଜମାତିଙ୍କ ପାଇଁ ଦେଶର ପ୍ରାୟତଃ ସବୁ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ଘଟିଛି। ଏହା ମଧ୍ୟରେ ୫-ଟି ସଚିବ ଭିକେ ପାଣ୍ଡିଆନ ଶୁକ୍ରବାର ସମସ୍ତ ଜିଲ୍ଲାପାଳ ଏବଂ ଏସପିଙ୍କୁ ତୁରନ୍ତ କାର୍ଯ୍ୟାନୁଷ୍ଠାନ ନେଇ ନିଜାମୁଦ୍ଦିନ ମରକଜରୁ ଫେରିଥିବା ଲୋକଙ୍କୁ ଟ୍ରେସ୍ କରି ପରୀକ୍ଷଣ କରିବାକୁ କହିଛନ୍ତି।  

ଜିଲ୍ଲାପାଳ ଏବଂ ଏସପିଙ୍କୁ ଏହି ଦିଗରେ ତ୍ଵରିତ ପଦକ୍ଷେପ ନେବା କହି ପାଣ୍ଡିଆନ କହିଛନ୍ତି ଯେ, ନିଜାମୁଦ୍ଦିନ ମରକଜରୁ ଫେରିଥିବା ତବଲିଗି ଜମାତ ଏବଂ ସେମାନଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ ଚିହ୍ନଟ କରିବା ଏବେ ରାଜ୍ୟ ଓ ଦେଶ ପାଇଁ ସବୁଠୁ ବଡ ଚ୍ୟାଲେଞ୍ଜ ହୋଇଛି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜାମୁଦ୍ଦିନ ମରକଜରୁ ଫେରିଥିବା ଲୋକଙ୍କୁ ୧୦୪ରେ କଲ କରି ଡାକ୍ତରୀ ପରୀକ୍ଷା କରାଇବାକୁ ଅପିଲ୍ କରିଛନ୍ତି। ଯିଏ ନିଜର ଯାଞ୍ଚ କରାଇବାକୁ ଚାହିଁବେ ରାଜ୍ୟ ସରକାର ସେମାନଙ୍କୁ ପୂର୍ଣ୍ଣ ସୁରକ୍ଷା ଦେବା ସହ ତାଙ୍କ ପରିବାରର ସଦସ୍ୟଙ୍କ ପ୍ରତି ଧ୍ୟାନ ଦିଆଯିବ ବୋଲି ପାଣ୍ଡିଆନ କହିଛନ୍ତି।

ନିଜାମୁଦ୍ଦିନ ମରକଜରୁ ଫେରିଥିବା ଲୋକଙ୍କୁ ଚିହ୍ନଟ କରିବା ସହ ସେମାନଙ୍କୁ ଡାକ୍ତରୀ ପରୀକ୍ଷା ପାଇଁ ପ୍ରବର୍ତ୍ତାଇବା ଜନ ସାଧାରଣ, ପୋଲିସ ଏବଂ ସ୍ଵାସ୍ଥ୍ୟ ପ୍ରଶାସନର ସଂପ୍ରତି ସବୁଠୁ ବଡ କାମ।

ଏହା ସହିତ ଜିଲ୍ଲାପାଳ  ଓ ଏସପି ସେମାନଙ୍କ ସ୍ଥାନୀୟ ଅଞ୍ଚଳର ଧାର୍ମିକ ଗୁରୁଙ୍କୁ ଅନୁରୋଧ କରନ୍ତୁ ଯେ ସେମାନେ ନିଜାମୁଦ୍ଦିନ ଫେରନ୍ତା ଲୋକଙ୍କୁ ସାମ୍ନାକୁ ଆସିବାକୁ ପ୍ରବର୍ତ୍ତାନ୍ତୁ ବୋଲି ପାଣ୍ଡିଆନ କହିଛନ୍ତି। ସେ ପ୍ରଶାସନ ଓ ପୋଲିସଙ୍କୁ ଅନୁରୋଧ କରିଛନ୍ତି ଯେ, ନିଜର ସମସ୍ତ ଚ୍ୟାନେଲ୍ ଉପଯୋଗ କରି ନିଜାମୁଦ୍ଦିନ ଫେରନ୍ତାଙ୍କୁ ଚିହ୍ନଟ କରନ୍ତୁ ଏବଂ ଡାକ୍ତରୀ ପରୀକ୍ଷା ପାଇଁ ସେମାନଙ୍କୁ ଆତ୍ମ ବିଶ୍ଵାସ ଦିଅନ୍ତୁ।

ସ୍ଵାସ୍ଥ୍ୟ ଓ ୧୦୪ କୁ ଅଧିକ ସଂପ୍ରସାରିତ କରାଯିବ ଏବଂ ପ୍ରତିଟି କଲ୍ ଉପରେ ପଦକ୍ଷେପ ନିଆଯିବ। ଏଥିରେ କୌଣସି ପ୍ରକାରର ଅବହେଳା କିମ୍ବା ବିଳମ୍ବ କଲେ ପରିବାର ସହିତ ରାଜ୍ୟ ମଧ୍ୟ ବିପଦରେ ପଡିପାରେ। ଆଗାମୀ ୪୮ ଘଣ୍ଟା ବହୁତ ମହତ୍ଵପୂର୍ଣ୍ଣ ଏବଂ ଆମେ ଏହାର ଦୃଢ ମୁକାବିଲା କରି ପାରିବା ବୋଲି ପାଣ୍ଡିଆନ କହିଛନ୍ତି।

   Related Posts