Monday, September 16, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆସନ୍ତା ମାସରୁ ମିଳିବ ୫ଜି ସ୍ପିଡ୍ ଇଣ୍ଟରନେଟ, କେବଳ କିଛି ଗ୍ରାହକ ପାଇବେ ସୁବିଧା

ଦେଶରେ ୫ଜି ସେବା ଲାଗୁ କରିବା ପାଇଁ ସବୁ ଟେଲକମ୍‌ କମ୍ପାନୀ ଆସନ୍ତା ମାସରୁ ଟ୍ରାୟଲ ଆରମ୍ଭ କରିବେ। ଏହି ଟ୍ରାୟଲ ୩ ମାସ ଯାଏଁ ଚାଲିବ। ଦୂରସଂଚାର ବିଭାଗ ଚଳିତ ବର୍ଷ ଶେଷ ଆଡକୁ ୫ଜି ସେବାର ଆରମ୍ଭ କରିବାର ଯୋଜନା କରିଛି।୨୦୨୦ ମସିହାରେ ସମଗ୍ର ଦେଶରେ ୫ଜି ସେବାଲାଗୁ ହେବ।

ଏହି ସପ୍ତାହ ସବୁ ଟେଲକମ କମ୍ପାନୀକୁ ଟ୍ରାୟଲ ପାଇଁ ସ୍ପେକ୍‌ଟ୍ରମର ଲାଇସେନ୍ସ ଦିଆ ଯିବ। ଏହି ଲାଇସେନ୍ସ ଏବେ କେବଳ ୩ ମାସ ଯାଏଁ ଦିଆଯିବ। ଏଥିପାଇଁ ତିନି-ତିନି ମୋବାଇଲ କମ୍ପାନୀମାନଙ୍କୁ ଓ ଦୂର ସଂଚାର ସେବା ଦେଉଥିବା କମ୍ପାନୀକୁ ଚୁକ୍ତି ହିସାବରେ ଲାଇସେନ୍ସ ଦିଆଯିବ।

ସୂଚନାଯୋଗ୍ୟ ଯେ, ରିଲାଏନ୍ସ ଜିଓ ସହ ସାମସଙ୍ଗ ୫ଜି ସେବାକୁ ଟ୍ରାୟଲ କରିପାରିବ। ଅପରପକ୍ଷରେ ନୋକିଆ ସହ ମିଶି ଏୟାରଟେଲ ଓ ଭୋଡାଫୋନ-ଆଇଡିଆ ଏରିକସନ ସହ ମିଶି ଦେଶରେ ଲାଗୁ ହେବାକୁ ଯାଉଥିବା ୫ଜି ନେଟୱାର୍କକୁ ଟ୍ରାୟଲ କରିବେ।   

ଦିଲ୍ଲୀର କନଟପ୍ଲେସ ଅଞ୍ଚଳରେ ଏବେ ଏହି ଟ୍ରାୟଲ ଆରମ୍ଭ କରାଯିବ। ଏଥି ପାଇଁ କମ୍ପାନୀ ତାଙ୍କର କିଛି ଜଣା ଶୁଣା ଗ୍ରାହକଙ୍କ ସହ ମିଶି ଏହି ପରୀକ୍ଷଣ ଆରମ୍ଭ କରିବେ। ତିନି ମାସ ଭିତରେ ଯଦି ଦୂରସଂଚାର କମ୍ପାନୀମାନଙ୍କୁ ଟ୍ରାୟଲ କରିବା ପରେ କିଛି ଭଲ ଫଳାଫଳ ମିଳେ ତାହେଲେ ଏହି ଲାଇସେନ୍ସର ଅବଧି ବଢାଯିବ। ଦରକାର ପଡିଲେ ଗୋଟେ ବର୍ଷ ଯାଏଁ ଅବଧି ବଢାଯିବ।

ଟ୍ରାୟଲ ସମ୍ପୂର୍ଣ୍ଣ ଭାବେ ଶେଷ ହେଲା ପରେ ସ୍ପେକ୍‌ଟ୍ରମର ନିଲାମି ଆରମ୍ଭ ହେବ। ଏହା ପରେ କମ୍ପାନୀ ନେଟୱାର୍କକୁ ବିସ୍ତାର କରିବାର ଯୋଜନା କରିବ। ୫ଜି ଟେକ୍‌ନିକ୍‌ ଆରମ୍ଭ ହେବା ପରେ ସରକାର ଶିକ୍ଷା, ସ୍ବାସ୍ଥ୍ୟ, ସୁରକ୍ଷା ଓ ଶିଳ୍ପାୟନ ବିକାଶ ଭଳି କିଛି ସମସ୍ୟାର ଶୀଘ୍ର ସମାଧାନ ହେବାର ଆଶା ରଖିଛନ୍ତି।

ଏମିତିରେ ନୂଆ ସରକାରଙ୍କ ସାମ୍ନାରେ ଏହି ନୂଆ ନେଟୱାର୍କ ଆରମ୍ଭ କରିବା ସବୁଠୁ ବଡ ଚ୍ୟାଲେଞ୍ଜ। କାରଣ ଏହି ନେଟୱାର୍କ ଦ୍ବାରା ଅନେକ ଜିନିଷର ବିକାଶ ହେବ।

954 Views

   ସମ୍ବନ୍ଧିତ ଖବର