Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ସରକାରୀ ସେଲଟର ହୋମ୍‌ରେ ୫୭ ବାଳିକା କରୋନା ପଜିଟିଭ୍, ସେମାନଙ୍କ ମଧ୍ୟରୁ ୭ ଗର୍ଭବତୀ

22/06/2020 at 11:59 AM

କାନପୁର ୨୨।୬: କାନପୁରର ସରକାରୀ ସେଲଟର ହୋମ୍ ରେ ରହୁଥିବା ୫୭ ବାଳିକା କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସଂକ୍ରମିତ ବାଳିକାମାନଙ୍କୁ ଚିକିତ୍ସା ପାଇଁ ରାମା ମେଡିକାଲ କଲେଜର କୋଭିଡ-୧୯ ୱାର୍ଡରେ ରଖାଯାଇଛି । ଜିଲ୍ଲା ମାଜିଷ୍ଟ୍ରେଟ ବ୍ରହ୍ମା ଦେବ ରାମ ତିୱାରୀ କହିଛନ୍ତି ଯେ, ଯାଞ୍ଚ ସମୟରେ ୭ ଜଣ ଝିଅ ଗର୍ଭବତୀ ହୋଇଥିବା ଜଣାପଡିଛି । ସେମାନଙ୍କ ମଧ୍ୟରୁ ୫ ଜଣ କରୋନା ସଂକ୍ରମିତ । ଦୁଇ ଜଣଙ୍କ କରୋନା ନେଗେଟିଭ୍ ଆସିଛି ।

ଏହି ସମସ୍ତ ଗର୍ଭବତୀ ଝିଅମାନଙ୍କୁ ଜଜା-ବଚ୍ଚା ଡାକ୍ତରଖାନାରେ ଭର୍ତ୍ତି କରାଯାଇଛି । କରୋନା ସହିତ ଝିଅମାନଙ୍କର ଗର୍ଭଧାରଣ ଯୋଗୁଁ ପ୍ରଶାସନ ଚିନ୍ତାରେ ପଡିଯାଇଛି । ରାଜ୍ୟ ସେଲଟର ହୋମ୍ ପ୍ରଶାସନ ଉପରେ ପ୍ରଶ୍ନ ଉଠାଇଛି । ସ୍ବରୂପ ନଗରରେ ଅବସ୍ଥିତ ସରକାରୀ ସେଲଟର ହୋମ୍ କୁ ସିଲ୍ କରାଯାଇଛି । ତେବେ ଜିଲ୍ଲା ମାଜିଷ୍ଟ୍ରେଟ୍ ବ୍ରହ୍ମା ଦେବ ରାମ ତିୱାରୀ କହିଛନ୍ତି ଯେ, ଏହି ୭ଜଣ ଝିଅ ସେଲଟର ହୋମକୁ ଆସିବା ପୂର୍ବରୁ ମଧ୍ୟ ଗର୍ଭବତୀ ଥିଲେ ।

ଗର୍ଭବତୀ ବାଳିକାମାନଙ୍କ ହିଷ୍ଟ୍ରି ଜାଣିବା ପାଇଁ ଡାକ୍ତରମାନେ ଅଧିକାରୀଙ୍କ ନିକଟକୁ ଯାଇଛନ୍ତି । କାନପୁର ଏସଏସପି ଦୀନେଶ କୁମାର ପି ଏହି ମାମଲାର ସୂଚନା ଦେଇଛନ୍ତି । ସମସ୍ତ ଝିଅଙ୍କୁ ସରକାରୀ ଚିକିତ୍ସା ଯୋଗାଇ ଦିଆଯାଉଛି । ସେଲଟର ହୋମ୍ କୁ ସିଲ୍ ହୋଇଥିବାରୁ ସମସ୍ତ ଡକ୍ୟୁମେଣ୍ଟ ଉପଲବ୍ଧ ନାହିଁ ବୋଲି ଏସଏସପି କହିଛି । ଅଧିକାରୀଙ୍କ କହିବା ଅନୁସାରେ ସେଲଟର ହୋମ୍ ରେ ରହୁଥିବା ଅଧିକାଂଶ ଝିଅ ଏଠାରେ ପାକ୍ସୋ ଆକ୍ଟ ଅଧୀନରେ ଅଛନ୍ତି ।

   Related Posts