Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଚିନ୍ ପାଇଲଟ୍‌ଙ୍କ ଫୁସଫୁସରେ ସଂକ୍ରମଣ, ଆଜି ଆସିବ ଟେଷ୍ଟ ରିପୋର୍ଟ
  • ||
  • ବରିଷ୍ଠ ବିଜେପି ନେତାଙ୍କ ବିବାଦୀୟ ବୟାନ୍-‘ମୁସଲମାନ୍ ପ୍ରାର୍ଥୀଙ୍କୁ କେବେ ବି ଦେବୁନି ଟିକେଟ୍’
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ରାଜ୍ୟର ୫୪ ପ୍ରତିଶତ ଲୋକ ପଞ୍ଚମ ଥର ଲାଗି ନବୀନଙ୍କୁ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଛନ୍ତି !

17/11/2018 at 6:17 PM

ଭୁବନେଶ୍ୱର ୧୭/୧୧ : କମିନି ନବୀନଙ୍କ ଲୋକପ୍ରିୟତା । ଚାରି ୪ଥର ମୁଖ୍ୟମନ୍ତ୍ରୀ ହେବା ପରେ ବି ରାଜ୍ୟବାସୀ ନବୀନଙ୍କୁ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଁଛନ୍ତି । ଇଣ୍ଡିଆ ଟୁଡେ ପଲିଟିକାଲ ଷ୍ଟକ ଏକ୍ସେଚେଞ୍ଜ ସର୍ଭେ ରିପୋର୍ଟ ଅନୁସାରେ ଓଡ଼ିଶାରେ ୫୪ ପ୍ରତିଶତ ଲୋକ ମୁଖ୍ୟମନ୍ତ୍ରୀ ଭାବେ ନବୀନଙ୍କୁ ଚାହୁଥିବାବେଳେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଚାହୁଁଛନ୍ତି ୨୪ ପ୍ରତିଶତ ଲୋକ । ସାଧାରଣ ନିର୍ବାଚନ ପୂର୍ବରୁ ଜାତୀୟ ଗଣମାଧ୍ୟମରେ ଏଭଳି ରିପୋର୍ଟ ରାଜ୍ୟ ରାଜନୀତିକୁ ସରଗରମ କରିଛି । ଏଭଳି ସର୍ଭେ ରିପୋର୍ଟକୁ କଂଗ୍ରେସ କେବଳ ଆକଳନ ବୋଲି  କହୁଥିବା ବେଳେ ଏହାକୁ ପ୍ରାୟୋଜିତ ବୋଲି କହିଛି ବିଜେପି ।  ସେପଟେ ବିଜେଡିର ଜବାବ୍‌ ଲୋକେ ବିଜେଡି ସହ ଅଛନ୍ତି ଆଉ ସର୍ଭେ ରିପୋର୍ଟ ବିଜେଡିର ଲୋକ ପ୍ରିୟତାର ପ୍ରମାଣ ।

ରାଜ୍ୟର ୫୪ ପ୍ରତିଶତ ଲୋକ ପଞ୍ଚମ ଥର ଲାଗି ନବୀନଙ୍କୁ ମୁଖ୍ୟମନ୍ତ୍ରୀ ଭାବେ ଦେଖିବାକୁ ଚାହୁଛନ୍ତି । ୨୩ ପ୍ରତିଶତ ଲୋକ ନବୀନ ଓ ବିଜେଡି ସରକାର ଉପର ସନ୍ତୁଷ୍ଟ ଅଛନ୍ତି । ଇଣ୍ଡିଆ ଟୁଡେ ନଭେମ୍ବର ମାସର ପଲିଟିକାଲ ଷ୍ଟକ ଏକ୍ସେଚେଞ୍ଜ ସର୍ଭେରେ ଏମିତି ରିପୋର୍ଟ ପ୍ରକାଶ ପାଇଛି । ୨୯ ପ୍ରତିଶତ ଲୋକ ସରକାରଙ୍କ ଉପରେ କେତେକାଂଶରେ ଖୁସିଥିବା ବେଳେ ୨୨ପ୍ରତିଶତ ଲୋକ ସରକାରଙ୍କ ଉପରେ ନାଖୁସ ଥିବା ଦର୍ଶାଇଛି ଇଣ୍ଡିଆ ଟୁଡେ । ବିଜେଡି ଲୋକଙ୍କ ସହ ଅଛି ଓ ଏହା ହିଁ ସର୍ଭେରେ ପ୍ରତିଫଳିତ ହୋଇଛି ବୋଲି କହିଛନ୍ତି ଦଳୀୟ ନେତା ।

ରାଜ୍ୟରେ ସାଧାରଣ ନିର୍ବାଚନ ମାହୋଲ ତିଆରି ହେଉଥିବାବେଳେ ଜାତୀୟ ଗଣମାଧ୍ୟର ଏହି  ସର୍ଭେ ରାଜ୍ୟ ରାଜନୀତିକୁ ଗରମ କରୁଛି । ବିଜେପି କହିଛି ଟଙ୍କା ଖର୍ଚ୍ଚ କରି ନିଜକୁ ନମ୍ବର ଓ୍ବାନ କରାଇବାରେ କିଛି ବାହାଦୁରୀ ନାହିଁ,  ଏହା କେବଳ ପ୍ରାୟୋଜିତ । ଲୋକେ ଏବେ ମୁଡ ବନେଇଛନ୍ତି ସରକାର ଏଥର ବଦଳିବା ନିଶ୍ଚିତ ବୋଲି ବିଜେପି ଦାବି କରୁଥିବା ବେଳେ କଂଗ୍ରେସ ଏଭଳି ସର୍ଭେକୁ କେବଳ ଆକଳନ ବୋଲି କହି ଆଡ଼େଇ ଦେଇଛି । ହେଲେ ବିଜେଡିର ଜବାବ ଯାହା ବିରୋଧୀଙ୍କୁ ନ ସୁହାଇବ ତାହାକୁ ପ୍ରାୟୋଜିତ କରିବା ବିରୋଧୀଙ୍କ ଅଭ୍ୟାସ ହୋଇଗଲାଣି ।

ସାଧାରଣ ନିର୍ବାଚନ ପୂର୍ବରୁ ଲୋକପ୍ରିୟତା ଓ ହାରଜିତକୁ ନେଇ ସାମ୍ନାକୁ ଆସୁଛି ଏକାଧିକ ସର୍ଭେ ରିପୋର୍ଟ । ଯାହା ରାଜ୍ୟ ରାଜନୀତିକୁ  ସରଗରମ କରୁଛି ସତ ହେଲେ ପ୍ରକୃତରେ କାହାର କେତେ ଲୋକପ୍ରିୟତା  ସେକଥା ଓଡ଼ିଶାର ଭୋଟର ଭଲଭାବେ ଜାଣିଛନ୍ତି  ।

   Related Posts