Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅକ୍ଟୋବର-ନଭେମ୍ବର ମାସର ପାର୍ବଣ ଗାଇଡ୍‌ଲାଇନ୍‌, ମୂର୍ତ୍ତି ବିସର୍ଜନରେ ରହିବେ ଏତିକି ଲୋକ, ହବିଷ୍ୟାଳୀଙ୍କୁ ମନ୍ଦିର ମନା
  • ||
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ଓଲଟିଲା ଡଙ୍ଗା: ୫୦ରୁ ଉର୍ଦ୍ଧ୍ୱ ମୃତ, ଅନେକ ନିଖୋଜ, ଉଦ୍ଧାର କାର୍ଯ୍ୟ ଜାରି

9/10/2021 at 4:28 PM

କିନ୍‌ହାସା, ୦ ୯/୧୦: କଙ୍ଗୋରେ ଏକ ଡଙ୍ଗାବୁଡ଼ି ଯିବାରୁ ୧୦୦ରୁ ଉର୍ଦ୍ଧ୍ୱ ଲୋକ ପାଣିରେ ବୁଡ଼ି ଯାଇଥିବା ଜଣାପଡ଼ିଛି । ସେମାନଙ୍କ ମଧ୍ୟରୁ ୫୦ରୁ ଅଧିକ ଲୋକଙ୍କ ମୃତଦେହ ଉଦ୍ଧାର ହୋଇଥିବା ବେଳେ ପାଖାପାଖି ୭୦ ଲୋକ ଏବେବି ନିଖୋଜ ରହିଛନ୍ତି । ଏହି ଦୁର୍ଘଟଣା ନେଇ ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋର ପ୍ରାଦେଶିକ କର୍ତ୍ତୃପକ୍ଷ ଶନିବାର ସୂଚନା ଦେଇ କହିଛନ୍ତି ।

କଙ୍ଗୋ ନଦୀରେ ଏହି ଦୁର୍ଘଟଣା ଘଟିଥିଲା । ସୋମବାର କି ମଙ୍ଗଳବାର ରାତିରେ ଏହି ଦୁର୍ଘଟଣା ଘଟିଥିବା ବେଳେ ଶୁକ୍ରବାର ରାତି ପର୍ଯ୍ୟନ୍ତ ୫୧ଟି ମୃତଦେହ ଉଦ୍ଧାର ହୋଇଛି । ପାଖାପାଖି ୭୦ ଜଣ ନିଖୋଜ ରହିଥିବା ଅନୁମାନ କରାଯାଉଛି ବୋଲି ଉତ୍ତର-ପଶ୍ଚିମ ପ୍ରଦେଶ ମୋଙ୍ଗାଲା ପ୍ରଶାସନର ମୁଖପାତ୍ର ନେଷ୍ଟର ମାଗବାଡୋ କହିଛନ୍ତି । ୩୯ ଜଣଙ୍କୁ ଜୀବିତ ଭାବେ ଉଦ୍ଧାର କରାଯାଇଛି ।

ବୁଡ଼ିଯାଇଥିବା ବୋଟ୍‌ର ଯାତ୍ରୀ ଧାରଣ କ୍ଷମତାକୁ ଅନୁମାନ କରି ନିଖୋଜ ବ୍ୟକ୍ତିଙ୍କ ସନ୍ଧାନ ଜାରି ରହିଛି ।   ଏହି ବୋଟ୍‌ଟି ପ୍ରକୃତରେ ନଅଟି ପାରମ୍ପାରିକ କାଠରେ ନିର୍ମିତ ହୋଇଥିଲା । ଯାହା ପିରୋଗସ୍ ଭାବରେ ଜଣାଶୁଣା ବୋଲି ମାଗବାଡୋ କହିଛନ୍ତି । ଘଟଣା ଦିନ ରାତିରେ ପାଗ ଭଲ ନଥିଲା ଏବଂ ଏଥିରେ କ୍ଷମତା ଠାରୁ ଅଧିକ ଯାତ୍ରୀ ଯାତ୍ରା କରୁଥିଲେ । ତେଣୁ ଏପରି ଏକ ଅଘଟଣା ଘଟିଥିବା ସ୍ଥାନୀୟ ପ୍ରଶାସନ ଅନୁମାନ କରୁଛି ।

ଗଣମାଧ୍ୟମର ରିପୋର୍ଟ ଅନୁସାରେ ଦୁର୍ଘଟଣାର ପ୍ରକୃତ କାରଣ ଜଣାପଡ଼ିନଥିବା ବେଳେ ଏଥିରେ ସମୁଦାୟ କେତେଜଣ ଯାତ୍ରା କରୁଥିଲେ ଏବଂ କେତେ ଜଣଙ୍କର ମୃତ୍ୟୁ ହୋଇଛି ତାହା ପ୍ରଶାସନ ସ୍ପଷ୍ଟ କରିନାହିଁ । ତେବେ ଆନୁମାନିକ ଭାବେ ଉଦ୍ଧାର କାର୍ଯ୍ୟ ଜାରି ରହିଥିବା ଜଣାପଡ଼ିଛି ।

   Related Posts