Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

୫୦ ଦିନରେ କୃଷକ ଆନ୍ଦୋଳନ : ସୁପ୍ରିମକୋର୍ଟଙ୍କ କମିଟିକୁ ନାପସନ୍ଦ, ଲୋହରୀରେ ପୋଡିବେ କୃଷି ଆଇନ୍‌ର ଦସ୍ତାବିଜ୍

13/01/2021 at 10:39 AM

ନୂଆଦିଲ୍ଲୀ ୧୩।୦୨: ନୂତନ କୃଷି ଆଇନ୍‌ ଉପରେ ରୋକ ଲଗାଇଛନ୍ତି ସୁପ୍ରିମକୋର୍ଟ । ଏହାପରେ ବି କୃଷକମାନେ ନିଜ ଜିଦ୍‌ରେ ଅଟଳ ରହିଛନ୍ତି । ସୁପ୍ରିମକୋର୍ଟଙ୍କ ପକ୍ଷରୁ ଗଠନ କରାଯାଇଥିବା କମିଟିକୁ ନେଇ ବିବାଦ ଆରମ୍ଭ ହୋଇଯଆଇଛି । କମିଟି ଗଠନ ହେବା ପରେ ବି କୃଷକମାନେ ଆନ୍ଦୋଳନ ଜାରି ରଖିବାକୁ ନିଷ୍ପତ୍ତି ନେଇଛନ୍ତି ।

ସେହିପରି ବୁଧବାର ଦିନ ଲୋହରୀ ଦିନ କୃଷକମାନେ କୃଷି ଆଇନ୍‌କୁ ନିଆଁରେ ପୋଡିବାକୁ ଘୋଷଣା କରିଛନ୍ତି । କେବଳ ଏତିକି ନୁହେଁ,କୃଷକମାନେ ଆସନ୍ତା ୨୬ତାରିଖ ଦିନ ଗଣତନ୍ତ୍ର ଦିବସରେ ଟ୍ରାକ୍ଟର ରାଲି କରିବେ ବୋଲି ନିଷ୍ପତ୍ତି ନେଇଛନ୍ତି । ତେବେ ଏହି ଟ୍ରାକ୍ଟର ରାଲିକୁ ନେଇ ସୁପ୍ରିମକୋର୍ଟ ଆନ୍ଦୋଳନରତ କୃଷକମାନଙ୍କୁ ନୋଟିସ୍‌ ଜାରି କରିଛନ୍ତି ।

ସେହିପରି କୃଷକ ସଂଗଠନମାନେ କହିଛନ୍ତି ଯେ, ସୁପ୍ରିମକୋର୍ଟଙ୍କ ଦ୍ୱାରା ଗଠନ କରାଯାଇଥିବା କମିଟି ଆଗରେ ଉପସ୍ଥିତ ହେବେ ନାହିଁ । ଗତକାଲି ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ପକ୍ଷରୁ ହୋଇଥିବା ୩ଟି ନୂତନ କୃଷି ଆଇନ୍‌ ଉପରେ ରୋକ ଲଗାଇଛନ୍ତି । ଯାହାକୁ କୃଷକମାନେ ସ୍ୱାଗତ କରିଛନ୍ତି ।

ତେବେ ତୁରନ୍ତ ଏହି ବିବାଦର ସମାଧାନ କରିବା ପାଇଁ ଏକ କମିଟି ଗଠନ କରିଯାଇଛି । ଯାହାକି କୃଷକ ଓ ସରକାରଙ୍କ ମଧ୍ୟରେ ସମାଧାନର ସୁତ୍ର ବାହାର କରିବେ । କିନ୍ତୁ ଚୟନ କରାଯାଇଥିବା କମିଟିର ସଦସ୍ୟମାନେ ସରକାରଙ୍କ ସମର୍ଥକ ବୋଲି କୃଷକମାନେ ଦାବି କରୁଛନ୍ତି । ତେଣୁ କମିଟିର ସ୍ୱଚ୍ଛତା ନେଇ ସନ୍ଦେହ ଆସୁଛି ବୋଲି କୃଷକମାନେ କହିଛନ୍ତି ।

ଅନ୍ୟପଟେ ସୁପ୍ରିମକୋର୍ଟଙ୍କ ଦ୍ୱାରା ଚୟନ କରିଯାଇଥିବା କମିଟି ସଦସ୍ୟ କହିଛନ୍ତି ଯେ, ସୁପ୍ରିମକୋର୍ଟ କମିଟି ଗଠନ କରିଛନ୍ତି । କୋର୍ଟଙ୍କ ନିର୍ଦ୍ଦେଶ ଅନୁସାରେ କମିଟି କାମ କରିବ , ଏବଂ ରିପୋର୍ଟ ମଧ୍ୟ କୋର୍ଟ ସମ୍ମୁଖରେ ରଖାଯିବ ।

ସୂଚନାଯୋଗ୍ୟ ଯେ, କେନ୍ଦ୍ର ସରକାରଙ୍କ ୩ଟି ନୂତନ କୃଷି ଆଇନକୁ ବିରୋଧ କରି ଅନେକ କୃଷକ ସଂଘଠନମାନେ ଆଲ୍ଦୋଳନ ଜାରି ରଖିଛନ୍ତି । ଗତ ୫୦ଦିନ ଧରି ଦିଲ୍ଲୀ ସୀମାନେ ଆନ୍ଦୋଳନରେ ବସିରହିଛନ୍ତି କୃଷକ । ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନରୁ ହଟିବୁ ନାହିଁ ବୋଲି କୃଷକ ସଂଗଠନ କହିସାରିଛନ୍ତି ।

ଏପରିକି କୃଷକ ଓ ସରକାରଙ୍କ ମଧ୍ୟରେ ୭ରୁ ଅଧିକ ଥର ବୈଠକ ବସିସାରିଲାଣି । କିନ୍ତୁ କୌଣସି ସୁଫଳ ମିଳିପାରୁନାହିଁ । ଶେଷରେ ସୁପ୍ରିମକୋର୍ଟ ନିଜର ସୁପ୍ରିମ ଫଇସଲା ଶୁଣାଇଛନ୍ତି । କୃଷି ଆଇନ୍‌ ଉପରେ ରୋକ ଲଗାଇଛନ୍ତି । ବିବାଦର ସମାଧାନ ପାଇଁ ଏକ କମିଟି ଗଠନ କରାଯାଇଛି ।

   Related Posts