ନୂଆଦିଲ୍ଲୀ ୦୭।୧୧: କରୋନା ଭାଇରସର ଦୈନିକ ସଂକ୍ରମଣରେ ଗତକାଲି ହ୍ରାସ ପାଇଥିବା ବେଳେ ଆଜି ଏହି ସଂକ୍ରମଣ ପୁଣି ବଢିଛି । ଗତ ୨୪ଘଣ୍ଟା ମଧ୍ୟରେ ୫୦,୩୫୭ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଶୁକ୍ରବାର ଦିନ ୪୭,୬୩୮ ନୂଆ ମାମଲା ଆସିଥିଲା । ସେହିପରି କରୋନା ଭାଇରସରେ ୫୭୭ଜଣଙ୍କ ମୃତ୍ୟୁ ହୋଇଛି । ଶୁକ୍ରବାର ଦିନ ୬୭୦ଜଣ କରୋନାରେ ମୃତ୍ୟୁ ହୋଇଥିଲା ।
wp:html/wp:htmlWith 50,357 new #COVID19 infections, India's total cases surge to 84,62,081. With 577 new deaths, toll mounts to 1,25,562
— ANI (@ANI) November 7, 2020
Total active cases are 5,16,632 after a decrease of 4,141 in last 24 hrs.
Total cured cases are 78,19,887 with 53,920 new discharges in the last 24 hrs pic.twitter.com/nlfKNm6MNZ
କେନ୍ଦ୍ରୀୟ ସ୍ୱାସ୍ଥ୍ୟ ବିଭାଗ ଅନୁଯାୟୀ, ଗତ ୨୪ଘଣ୍ଟା ମଧ୍ୟରେ ଦେଶରେ କରୋନାରେ ୫୦,୩୫୭ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୫୭୭ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ କରୋନା ଭାଇରସରେ ସଂକ୍ରମିତଙ୍କ ସଂଖ୍ୟା ୮୪,୬୨,୦୮୧ରେ ପହଞ୍ଚିଛି । ସେପଟେ ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ଲଗାତର ଭାବେ ବଢିଚାଲିଛି । ଦେଶରେ ସଂକ୍ରମଣମୁକ୍ତ ହୋଇଥିବା ଲୋକଙ୍କ ସଂଖ୍ୟା ମୋଟ ୭୮,୧୯,୮୮୭ରେ ପହଞ୍ଚିଛି । ସେହିପରି ଗତ ୨୪ଘଣ୍ଟା ମଧ୍ୟରେ ୫୩,୯୨୦ଜଣ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି ।
ରିପୋର୍ଟ ଅନୁସାରେ, ଦେଶରେ କରୋନାର ଆକ୍ଟିଭ୍ କେସ୍ ଲଗାତର ଭାବେ ୬ଲକ୍ଷ ତଳେ ରହିଛି । ଦେଶରେ ସକ୍ରିୟ କେସ୍ର ମୋଟ ସଂଖ୍ୟା ୫,୧୬,୬୩୨ରହିଛି । ଗତ ୨୪ଘଣ୍ଟା ମଧ୍ୟରେ ଏହି ସଂଖ୍ୟାରେ ୪,୧୪୧କମିଛି । ବର୍ତ୍ତମାନ ପର୍ଯ୍ୟନ୍ତ କରୋନାରେ ମୋଟ ୧,୨୫,୫୬୨ ଲୋକଙ୍କ ମୃତ୍ୟୁ ହୋଇସାରିଛି । ସେହିପରି ୬ ନଭେମ୍ବର ପର୍ଯ୍ୟନ୍ତ ୧୧,୬୫,୪୨,୩୦୪ଟି ସାମ୍ପୁଲ ପରୀକ୍ଷଣ ହୋଇସାରିଛି । ଆଇସିଏମ୍ଆର୍ ଅନୁଯାୟୀ, ୬ ନଭେମ୍ବରରେ ୧୧,୧୩,୨୦୯ ପରୀକ୍ଷଣ ହୋଇଛି ।
