ପାଟଣା, ୧୯/୫: କେନ୍ଦୁଝର ଜିଲ୍ଲା ପାଟଣା ବଜାରରେ କୋଭିଡ ନିୟମ ଉଲଙ୍ଘନ ଅଭିଯୋଗରେ ୧୦ଟି ବାଇକ ଚାଳକଙ୍କ ଠାରୁ ୫ ହଜାର ଟଙ୍କା ଜୋରିମାନା ଆଦାୟ କରାଯାଇଛି l ଏଥି ସହ ବିନା କାଗଜ ପତ୍ରରେ ବାଇକ ଚଲାଇଥିବାରୁ ଗୋଟିଏ ବାଇକ ଜବତ କରିଛି ପୋଲିସ।

ସୂଚନା ଅନୁସାରେ, ବୁଧବାର ଦିନ ପାଟଣା ଏନଫୋର୍ସମେଣ୍ଟ କମିଟି ପକ୍ଷରୁ ପାଟଣା ତହସିଲଦାର ତାପସ ରଞ୍ଜନ ଦେହୁରୀ ଓ ପାଟଣା ଥାନା ଅଧିକାରୀ ରାଜେନ୍ଦ୍ର ସ୍ୱାଇଁଙ୍କ ନେତୃତ୍ୱରେ ବଜାର ଉପରେ ଯାଞ୍ଚ ପ୍ରକ୍ରିୟା କଡାକଡି କରାଯାଉଥିଲା l ଏହି ସମୟରେ ଅମାନିଆଙ୍କ ଠାରୁ ଜୋରିମାନା ଆଦାୟ କରାଯାଇଛି। ଏଥି ସହ ଏକ ବାଇକକୁ ଜବତ କରାଯାଇଥିବା ଥାନା ଅଧିକାରୀ ରାଜେନ୍ଦ୍ର ସ୍ୱାଇଁ ଗଣମାଧ୍ୟମକୁ ଜଣାଇଛନ୍ତି।