Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ମହାନଦୀ ଗର୍ଭରେ ୫୦୦ ବର୍ଷର ଗୋପୀନାଥ ମନ୍ଦିର, ପୁନରୁଦ୍ଧାର ପାଇଁ ଜୋର ଧରିଲା ଦାବି

13/06/2020 at 7:51 PM

ନୟାଗଡ, ୧୩|୦୬:    ନ୍ୟୁଜ୍‌ 7ରେ ମହାନଦୀ ଗର୍ଭରେ ମନ୍ଦିରର ଲାଇଭ୍‌ ଶୋ’ ପରେ ତେଜିଲା ପୁନୁରୁଦ୍ଧାର ଦାବି । ନୟାଗଡ଼ ଜିଲ୍ଲା ଭାପୁର ବ୍ଲକ ପଦ୍ମାବତୀ ନିକଟ ଦେଇ ବହିଯାଇଥିବା ମହାନଦୀ ପାଣିରେ ବୁଡ଼ି ରହିଥିବା ପ୍ରାୟ ୫୦୦ବର୍ଷ ତଳର ଗୋପୀନାଥ ମନ୍ଦିର ଅକ୍ଷତ ଅବସ୍ଥାରେ ଥିବା ଚିତ୍ର ନ୍ୟୁଜ୍‌ 7ରେ ପ୍ରସାରଣ ପରେ ମନ୍ଦିରର ପୁନରୁଦ୍ଧାର ପାଇଁ ବିଭିନ୍ନ ମହଲରେ ଦାବି ହୋଇଛି । ଭାରତୀୟ ପତ୍ନତତ୍ତ୍ବ ବିଭାଗ ଏନେଇ ପଦକ୍ଷେପ ନେବାକୁ ଅନେକ ପରାମର୍ଶ ଦେଇଛନ୍ତି ।

ମହାନଦୀ ଗର୍ଭରେ ଅକ୍ଷତ ଅବସ୍ଥାରେ ରହିଛି ୫୦୦ବର୍ଷ ତଳର ଗୋପୀନାଥ ମନ୍ଦିର । ନ୍ୟୁଜ୍‌ 7 ରେ ଏହାର ଲାଇଭ୍‌ ଶୋ’ ଦେଖିବା ପରେ ବିଭିନ୍ନ ମହଲରୁ ମନ୍ଦିରର ପୁନରୁଦ୍ଧାର ପାଇଁ ଦାବି ଉଠିଛି । ପୂର୍ବରୁ କେବଳ ମନ୍ଦିରର ଦଧିନଉତି ମହାନଦୀ ପାଣିରେ ପଡ଼ିଛି ବୋଲି ଚର୍ଚ୍ଚା ହେଉଥିବା ବେଳେ ଅନ୍ତର୍ଜାତୀୟ ସ୍କୁବା ଡାଇଭର ସବୀର ବକ୍ସଙ୍କ ଟିମ୍‌ ସହାୟତାରେ ଏହାର ରହସ୍ୟ ଉନ୍ମୋଚନ କରିଥିଲା ନ୍ୟୁଜ୍‌ 7ଟିମ୍‌ । ଗଲା ୨ଦିନ ଧରି ପାଣି ଭିତରେ ମନ୍ଦିରର ସ୍ଥିତି ପରଖିବାକୁ ଆମେ ପ୍ରୟାସ କରିଥିଲୁ । ଶେଷରେ ପାଣି ଭିତରେ ୨୦ଫୁଟ୍‌ ପର୍ଯ୍ୟନ୍ତ ମନ୍ଦିରଟି ଅକ୍ଷତ ଅବସ୍ଥାରେ ଥିବା ଜଣାପଡ଼ିଥିଲା । ଏହି ମନ୍ଦିରର କାରୁକାର୍ଯ୍ୟ ବାଙ୍କୀରେ ଥିବା ୧୪ଶହ ଶତାବ୍ଦୀର ତୃତୀୟଦେବ ମନ୍ଦିରର ଅବିକଳ ନକଲ । ତେବେ ମହାନଦୀ ଗର୍ଭରେ ଥିବା ଗୋପୀନାଥ ମନ୍ଦିର ତୃତୀୟ ଦେବ ମନ୍ଦିର ତିଆରି ହେବାର ୧୦୦ବର୍ଷ ପରେ ନିର୍ମାଣ କରାଯାଇଥିବା କୁହାଯାଉଛି । କାଳକ୍ରମେ ମହାନଦୀର ଗତିପଥ ପରିବର୍ତନ ଯୋଗୁଁ ପଦ୍ମାବତୀ ଗାଁ ସହ ଏହି ଗୋପିନାଥ ମନ୍ଦିର ମହାନଦୀ ଗର୍ଭରେ ଲୀନ ହୋଇଯାଇଥିଲା ।ଏବେ କିନ୍ତୁ ମନ୍ଦିର ସମ୍ପର୍କରେ ଜଣାପଡ଼ିବା ପରେ ଏହାର ପୁନରୁଦ୍ଧାର ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।

ଭାରତରେ ନୂଆ ନୂଆ ଟେକ୍ନୋଲୋଜିକୁ ବ୍ୟବହାର କରାଯାଇ ଯେତେବେଳେ ବହୁତଳ କୋଠାଗୁଡ଼ିକୁ ସ୍ଥାନାନ୍ତର କରାଯାଇପାରୁଛି ସେତେବେଳ ପାଣି ଭିତରୁ ଏହି ମନ୍ଦିରର ପୁନରୁଦ୍ଧାର କାହିଁକି କରାଯାଇପାରିବ ନାହିଁ ବୋଲି ପ୍ରଶ୍ନ କରିଛନ୍ତି ବିଶେଷଜ୍ଞ । ଏଥି ସହ ଭାରତୀୟ ପ୍ରତ୍ନତତ୍ବ ବିଭାଗ ସହାୟତାରେ ଏହି କାର୍ଯ୍ୟ ସମ୍ଭବ ହୋଇପାରିବ ବୋଲି ମତପୋଷଣ କରିଛନ୍ତି । ନ୍ୟୁଜ୍‌ 7ର ଲାଇଭ୍‌ ଶୋ ମାଧ୍ୟମରେ ବୁଡ଼ା ମନ୍ଦିରର ରହସ୍ୟ ଖୋଲିବା ପରେ ଏବେ ସମସ୍ତଙ୍କ ମନରେ ଏହାର ପୁନରୁଦ୍ଧାର ପାଇଁ ଆଶା ଉଙ୍କିମାରିଛି ।

   Related Posts