Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧: କୋଲକାତା ନାଇଟ ରାଇଡର୍ସ ସାମ୍ନାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଆତ୍ମ ସମର୍ପଣ
  • ||
  • ଅଖାଡା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ନିଧନ, ଫାଶିରେ ଝୁଲୁଥିବା ଅବସ୍ଥାରେ ମିଳିଲା ମୃତଶରୀର
  • ||
  • ନୀଳଗିିରି : ଶିଶୁକନ୍ୟା ଓ ବାପାଙ୍କୁ ହାଣିବା ଅଭିଯୋଗରେ ୭ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ ହେଲେ ଅଭିଯୁକ୍ତ
  • ||
  • ପୁରୀ : ଭାର୍ଗବୀ ନଦୀରେ ଗାଧୋଇବା ବେଳେ ଭାସିଯାଇ ବୃଦ୍ଧଙ୍କ ମୃତ୍ୟୁ
  • ||
  • ପୁରୀ : ୧୫ବର୍ଷ ପରେ ଚୂଡାନ୍ତ ରାୟ : ହତ୍ୟାକାଣ୍ଡ ମାମଲାରେ ଅଭିଯୁକ୍ତ ୨ ଭାଇଙ୍କୁ ଆଜୀବନ କାରାଦଣ୍ଡାଦେଶ
  • ||
  • ଭୁବନେଶ୍ବର : ବିଜେଡିର ମାରାଥନ୍ ମିଶ୍ରଣ ପର୍ବ, ଶଙ୍ଖ ଧରିଲେ ରାୟଗଡା ଜିଲ୍ଲାର ଅନେକ ବରିଷ୍ଠ କଂଗ୍ରେସ ଓ ବିଜେପି ନେତା
  • ||
  • ରାୟଗଡା : ଦେବଦୂତ ସାଜିଲେ ୧୦୮ ଆମୁଲାନ୍ସ କର୍ମଚାରୀ, ପାହାଡିଆ ରାସ୍ତାରେ ଗର୍ଭବତୀ ମହିଳାଙ୍କୁ ବୋହିଲେ ଷ୍ଟ୍ରେଚରରେ
  • ||
  • ଭୁବନେଶ୍ବର : ଗୁମର ଖୋଲିଲେ କି ବିଦ୍ୟାଭାରତୀ ? ଲାଏ ଡିଟେକ୍ସନ ଟେଷ୍ଟରେ ପ୍ରାୟ ୪ ଘଣ୍ଟାରେ ପଚରାଗଲା ୧୦୦ ପ୍ରଶ୍ନ
  • ||
  • କଣ୍ଟାବାଞ୍ଜି : ପାରିବାରିକ କଳହରୁ ସଂଘବଦ୍ଧ ଆକ୍ରମଣ, ଚାଲିଗଲା ବୃଦ୍ଧଙ୍କ ଜୀବନ
  • ||
  • ନିମାପଡା : ପିପିଲି ଉପନିର୍ବାଚନକୁ ମୁକ୍ତ ଓ ନିରପେକ୍ଷ କରିବା ନେଇ ବିଏସଏଫର ଫ୍ଲାଗ୍ ମାର୍ଚ୍ଚ
  • ||

ସ୍କୁଲ ବସରେ ପଶି ବ୍ୟବସାୟୀଙ୍କ ଜାଅଁଳା ଶିଶୁଙ୍କୁ ଅପହରଣ : ସିସିଟିଭିରେ କଏଦ ପୁରା ଘଟଣା

14/02/2019 at 4:40 PM

ଚିତ୍ରକୂଟ ୧୪/୨ : ମଧ୍ୟ ପ୍ରଦେଶ ଚିତ୍ରକୂଟରେ ଦିନ ଦ୍ବିପ୍ରହରରେ ଦୁର୍ବୁର୍ତ୍ତ ସ୍କୁଲ ବସରେ ଚଢି ୨ ଜାଅଁଳା ଶିଶୁଙ୍କୁ ଅପହରଣ କରି ନେଇଛନ୍ତି | ସ୍କୁଲ ବସରେ ସିସିଟିଭି ଲାଗିଥିଲା | ଅପହରଣର ପୁରା ଘଟଣା ସିସିଟିଭିରେ କଏଦ ହୋଇଛି | ଏହି ଲାଇଭ ଅପହରଣ ମାମଲାରେ ଫଟୋ ଏବଂ ଭିଡିଓ ମହଜୁଦ ଥିଲେ ସୁଦ୍ଧା ପୋଲିସକୁ ଦୁର୍ବୁର୍ତ୍ତଙ୍କ କୌଣସି ପତା ମିଳିନାହିଁ |


ସୂଚନାଯୋଗ୍ୟ ଯେ, ମଙ୍ଗଳବାର ଦିନ ଦୁଇ ଦୁର୍ବୁର୍ତ୍ତ ମୁହଁରେ ମୁଖା ପିନ୍ଧି ଅଚାନକ ସ୍କୁଲ ବସରେ ଚଢ଼ିଥିଲେ | ଏହାପରେ ଦୁଇ ଦୁର୍ବୁର୍ତ୍ତ ବସ କଣ୍ଡକ୍ଟରଙ୍କୁ ମାଡ ମାରିଥିଲେ | ଏହାପରେ ଜଣେ ଦୁର୍ବୃତ୍ତ ମହିଳା ଏଟେଣ୍ଡେଣ୍ଟଙ୍କ ମୁଣ୍ଡରେ ବନ୍ଧୁକ ଦେଖାଇ ରଖିଥିଲା | ଅନ୍ୟଜଣେ ଜୋର ଜବରଦସ୍ତ ଦୁଇ ଜାଅଁଳା ଶିଶୁଙ୍କୁ ଅପହରଣ କରି ନେଇଥିଲା | ଜାଅଁଳା ଶିଶୁଙ୍କ ବାପା ଜଣେ ବ୍ୟବସାୟୀ | ଘଟଣା ବେଳେ ବସରେ ବସିଥିବା ଅନ୍ୟ ଶିଶୁମାନେ ବହୁତ ଭୟଭୀତ ହୋଇଯାଇଥିଲେ |


ସ୍କୁଲ ପରିସରରେ ଲାଗିଥିବା ସିସିଟିଭିରେ ମଧ୍ୟ ଦୁର୍ବୁର୍ତ୍ତମାନେ ସ୍କୁଲ ପରିସରରେ ଭିତରେ ବୁଲାବୁଲି କରୁଥିବା ଦେଖିବାକୁ ମିଳିଥିଲା | ପୋଲିସ କହିବାନୁଯାୟୀ, ଦୁର୍ବୃତ୍ତମାନେ ବହୁତ ଦିନ ହେଲା ଚିତ୍ରକୂଟର ଏହି ବ୍ୟବସାୟୀଙ୍କ ସନ୍ତାନଙ୍କ ଉପରେ ନଜର ରଖିଥିଲେ | ସେମାନେ କେଉଁ ସମୟରେ ସ୍କୁଲ ଯାଉଛନ୍ତି, କେଉଁ ସମୟରେ ସ୍କୁଲରୁ ଫେରୁଛନ୍ତି, ଆଉ କୁଆଡେ କେତେବେଳେ ଯାଉଛନ୍ତି ସେସବୁ ଉପରେ ଏମାନଙ୍କ ନଜର ରହିଥିଲା | କିନ୍ତୁ ବ୍ୟବସାୟୀଙ୍କ ପରିବାରକୁ ଏବେ ଯାଏଁ ଟଙ୍କା ପାଇଁ କୌଣସି ଫୋନ ଆସିନଥିବା ଜଣାପଡିଛି |


ଦିନ ଦ୍ବିପ୍ରହରରେ ଘଟିଥିବା ଏହି ଅପହରଣ ଘଟଣାର କୌଣସି ସୁରାକ ଏବେ ଯାଏଁ ପୋଲିସ ପାଇନାହିଁ | ସମତା ଜାତୀୟ ରାଜ୍ୟପଥରେ ପୋଲିସ ନିୟୋଜିତ ଅଛନ୍ତି ଏବଂ ସେହି ରାସ୍ତା ଦେଇ ଯିବା ଆସିବା କରୁଥିବା ସମସ୍ତ ଗାଡି ଚେକ କରୁଛନ୍ତି | ଅପରାଧୀଙ୍କୁ ଧରିବା ପାଇଁ ପୋଲିସ ପୁରସ୍କାର ରାଶି ମଧ୍ୟ ଘୋଷଣା କରିଛି | ଅପରାଧୀଙ୍କ ବିଷୟରେ ସୂଚନା ଦେବା ଲୋକଙ୍କୁ ୫୦ ହଜାର ଟଙ୍କା ପୁରସ୍କାର ଦେବା ପାଇଁ ପୋଲିସ ଘୋଷଣା କରିଛି |

   Related Posts