Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

କେମିତି ଏତେ ତଳକୁ ଖସିପରେ ମଣିଷ ! ପିତାକୁ ବନ୍ଧକ ରଖି ୫ ବର୍ଷର ଶିଶୁକୁ ଦୁଷ୍କର୍ମ ପରେ ହତ୍ୟା

23/12/2020 at 4:28 PM

ଝଜ୍ଜର ୨୩/୧୨ : ହରିୟାଣା ଝଜ୍ଜର ଜିଲ୍ଲାରୁ ଏକ ନିହାତି ନିନ୍ଦନୀୟ ମାମଲା ସାମ୍ନାକୁ ଆସିଛି। ଏକ ୫ବର୍ଷର ଶିଶୁକୁ ରବିବାର ରାତିରେ ଅପହରଣ ପରେ ହତ୍ୟା ମାମଲା ସାମ୍ନାକୁ ଆସିଛି। ସିଟି ଥାନା ପୋଲିସ ଅପହରଣ ଓ ହତ୍ୟା ମାମଲା ରୁଜ୍ଜୁ କରିଛି। ଅଭିଯୁକ୍ତ ପଡୋଶୀରେ ରହୁଥିବା ଜଣେ ଅପରାଧୀକ ପ୍ରବୃତ୍ତିର ଯୁବକ। ଅଭିଯୁକ୍ତ ଉପରେ ଅଲବରରେ ଦୁଇ ପୋଲିସକର୍ମୀଙ୍କ ହତ୍ୟା ଓ ଅନ୍ୟ ଅପରାଧିକ ମାମଲାରେ ସାମିଲ ଥିବା ଯାଞ୍ଚ ବେଳେ ଜଣାପଡିଛି।

ସୂଚନା ଅନୁଯାୟୀ, ଝଜ୍ଜର ଜିଲ୍ଲା ଛାୱନିରେ ରାଜମିସ୍ତ୍ରୀ କାମ କରୁଥିବା ଜଣେ ପ୍ରବାସୀ ଏକ ପରିବାର ସହ ରୁହନ୍ତି। ସେହି ପାଖରେ ୨୬ ବର୍ଷୀୟ ବିନୋଦ କୁମାର ମଧ୍ୟ ରୁହେ। ରବିବାର ରାତି ପ୍ରାୟ ଗୋଟାଏ ବେଳେ ପଡୋଶୀ ଯୁବକ ବିନୋଦର କବାଟ ଖଟଖଟ କରିଥିଲା। ବିନୋଦ କବାଟ ଖୋଲି ଦେଖିଲାବେଳକୁ ଯୁବକଙ୍କ ମୁଣ୍ଡରୁ ରକ୍ତସ୍ରାବ ହେଉଥିଲା। ବିନୋଦ ଆହତ ଯୁବକକୁ ନିଜ ଘରକୁ ନେଇ ଆସିଲା ଓ ସେଠାରେ ବନ୍ଦ କରିଦେଲା। ତାପରେ ତାଙ୍କ ଘରକୁ ଗଲା। ସେଠାରେ ଯୁବକଙ୍କ ସ୍ତ୍ରୀ ଓ ୫ ବର୍ଷର ଝିଅ ଥିଲେ।

ବିନୋଦ ପ୍ରଥମେ ପଡିଶାଙ୍କ ସ୍ତ୍ରୀ ସହ ଅସଦାଚରଣ କରିଥିଲା ଓ ଶିଶୁକୁ ଉଠାଇ ନେଇଥିଲା। ଶିଶୁକୁ ନିଜ ଘରକୁ ନେଇଯାଇ ପିତାକୁ ଘରୁ ବାହାର କରିଦେଲା। ପିତାକୁ ଘରୁ ବାହାର କରି ଶୁଶୁ ସହ ଦୁଷ୍କର୍ମ ଓ ହତ୍ୟା କରିଥିବା ଅଭିଯୋଗ ହୋଇଛି। ଶିଶୁର ପିତା ବାହାରକୁ ବାହାରିବା କ୍ଷଣି ପୋଲିସକୁ ସୂଚନା ଦେଇଥିଲେ। ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଘରର କବାଟ ଭାଙ୍ଗି ଦେଖିଲାବେଳକୁ ଘରେ ଶିଶୁର ମୃତଦେହ ପଡିଥିଲା। ପୋଲିସ ତୁରନ୍ତ ଅଭିଯୁକ୍ତକୁ ଗିରଫ କରି ଶିଶୁର ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି।

ବିନୋଦ ଏହିଭଳି ଅପରାଧିକ ପ୍ରବୃତ୍ତିର ବୋଲି ଜଣାପଡିଛି। ତା ବିରୋଧରେ ପୂର୍ବରୁ ମଧ୍ୟ ହରିୟାଣା ଓ ରାଜସ୍ଥାନରେ ଲୁଟପାଟ ଓ ହତ୍ୟା ଭଳି ୮ଟି ମାମଲା ରହିଛି।

   Related Posts