Prameya News7

Prameya News7, News7 Odia, Odisha Latest News, Odisha Current Headlines, Odisha News Online

୫ ବର୍ଷର ବାଳିକାକୁ ଦୁଷ୍କର୍ମ ପରେ ହତ୍ୟା ଅଭିଯୋଗ ! ଲୋକଙ୍କ ମାଡରେ ଅଭିଯୁକ୍ତ ଗୁରୁତର, ଥାନା ଘେରାଉ କଲେ ଉତ୍ତ୍ୟକ୍ତଲୋକ

12/04/2019 at 8:57 AM

ଜଟଣୀ ୧୨|୪: ଜଟଣୀ ମୁଣ୍ଡିଆ ସାହିରେ ଅଭାବନୀୟ ଘଟଣା ଘଟିଛି । ୫ବର୍ଷର ବାଳିକାକୁ ଦୁଷ୍କର୍ମ ପରେ ହତ୍ୟା ଅଭିଯୋଗ ଆଣିଛନ୍ତି ପରିବାରଲୋକ । ଜଣେ ମଦ୍ୟପ ଯୁବକ ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଫଳରେ ନାବାଳିକାର ମୃତ୍ୟୁ ହୋଇଛି ।

ଗଂଜାମ ଜିଲ୍ଲା ବୁଗୁଡା ଅଞ୍ଚଳର ଜଣେ ଯୁବକ ଗତ ୫ଦିନ ହେବ ଜଟଣୀ ମୁଣ୍ଡିଆ ସାହିରେ ଭଡାରେ ରହିଆସୁଥିଲେ । ଗତକାଲି ରାତି ପ୍ରାୟ ୧୦ଟା ସମୟରେ ନାବାଳିକା ଜଣକ ଖେଳୁଥିବା ସମୟରେ ମଦ୍ୟପ ଯୁବକ ତାକୁ ଉଠାଇ ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ସ୍ଥାନୀୟ ଲୋକେ ନାବାଳିକାକୁ ଉଦ୍ଧାର କରି ଜଟଣୀ ରେଳବାଇ ହସ୍ପିଟାଲକୁ ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ସ୍ଥାନୀୟ ଲୋକେ ଅଭିଯୁକ୍ତକୁ ଧରି ନିସ୍ତୁକ ପିଟିଛନ୍ତି । ପୋଲିସ ଅଭିଯୁକ୍ତକୁ ଗିରଫ କରିଥିବା ବେଳେ କଟକ ମେଡିକାଲରେ ତା’ର ଚିକିତ୍ସା ଚାଲିଛି । ସେପଟେ ରାତିରୁ ସ୍ଥାନୀୟ ଲୋକେ ଜଟଣୀ ଥାନା ସମ୍ମୁଖରେ ଧାରଣା ଦେବା ସହ ଟାୟାର ଜାଳି ରାସ୍ତା ଅବରୋଧ କରିଛନ୍ତି ।

   Related Posts