ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ବିମାନରେ ଦିଲ୍ଲୀରୁ ବେଙ୍ଗାଲୁରୁ ଏକା ଆସିଲେ ୫ ବର୍ଷର ଶିଶୁ : ପୁଅକୁ ୨ ମାସ ପରେ ଦେଖି କାନ୍ଦି ପକାଇଲେ ମା’

25/05/2020 at 2:06 PM

ନୂଆଦିଲ୍ଲୀ ୨୫/୦୫ : କରୋନା ସଂକ୍ରମଣ ଯୋଗୁ ଗତ ଦୁଇ ମାସ ହେଲା ଦେଶରେ ଲକ ଡାଉନ ଜାରି ରହିଛି | ଫଳରେ ଦେଶରେ ବିମାନ ସେବା ମଧ୍ୟ ଦୁଇ ମାସ ହେଲା ବନ୍ଦ ରହିଛି | ଲକଡାଉନ ଯୋଗୁଁ ଲୋକଙ୍କୁ ବାହାରକୁ ଯିବାକୁ ବାରଣ କରାଯାଇଥିଲା | ଦୁଇ ମାସ ପରେ ମେ ୨୫ ତାରିଖ, ସୋମବାର ଠାରୁ ଦେଶରେ ଘରୋଇ ବିମାନ ଚଳାଚଳ ଆରମ୍ଭ ହୋଇଛି |

ସୋମବାର ଦିନ ଦିଲ୍ଲୀରୁ ପ୍ରଥମ ବିମାନ ବେଙ୍ଗାଲୁରୁ ପାଇଁ ବାହାରିଥିଲା | ଦିଲ୍ଲୀ ବିମାନବନ୍ଦରର ଦୃଶ୍ୟ ବେଶ ଅଲଗା ପ୍ରକାର ଥିଲା | ବିମାନରେ ଯାତ୍ରୀଙ୍କ ସହ ଏକ ୫ ବର୍ଷର ଶିଶୁ ଥିଲା | ତେବେ ଗୁରୁତ୍ୱପୂର୍ଣ କଥା ହେଲା ଶିଶୁଟି ବିମାନରେ ଏକା ଯାତ୍ରା କରୁଥିଲା | ସାଙ୍ଗରେ ନା ଥିଲେ ବାପା ମା ନା ଥିଲେ ପରିବାର ସଦସ୍ୟ | ଶିଶୁତୀର ନାଁ ହେଲା ବିହାନ ଶର୍ମା | ୩ ମାସ ପୂର୍ବରୁ ସେ ନିଜ ବାପା ମା ସହ ଜେଜେବାପା-ଜେଜେମାଙ୍କ ପାଖକୁ ଦିଲ୍ଲୀ ଯାଇଥିଲା | କିଛି ଦିନ ପରେ ତାଙ୍କ ବାପା-ମା ତାଙ୍କୁ ତାଙ୍କ ଜେଜେବାପା-ଜେଜେମାଙ୍କ ପାଖରେ ଛାଡି ବେଙ୍ଗାଲୁରୁ ଫେରି ଆସିଥିଲେ | ଏହାର କିଛି ଦିନ ପରେ ଲକ ଡାଉନ ହୋଇଯାଇଥିଲା |

ବିହାନଙ୍କ ମା ମଞ୍ଜରୀ ଶର୍ମା କହିଛନ୍ତି ଯେ, ଗତ ୩ ମାସ ହେଲା ତାଙ୍କ ପୁଅ ଦିଲ୍ଲୀରେ ତାଙ୍କ ଶାଶୁ-ଶ୍ୱଶୁରଙ୍କ ପାଖରେ ଥିଲା | ସୋମବାର ଦିନ ବିମାନ ଚଳାଚଳ ଆରମ୍ଭ ହେବା କଥା ଜାଣି ସେ ତୁରନ୍ତ ବିହାନଙ୍କ ଟିକେଟ ବୁକ କରିଥିଲେ | ଏହାପରେ ୫ ବର୍ଷର ଏହି ନିରୀହ ଶିଶୁ ଦିଲ୍ଲୀରୁ ବେଙ୍ଗାଲୁରୁ ଏକା ଆସିଥିଲେ | ପୁଅକୁ ନେବା ପାଇଁ ମଞ୍ଜରୀ ଏୟାରପୋର୍ଟକୁ ଯାଇଥିଲେ | ବିହାନକୁ ବିମାନବନ୍ଦର କର୍ମଚାରୀ ସୁରକ୍ଷିତ ଭାବେ ତାଙ୍କ ମା; ପାଖରେ ପହଞ୍ଚାଇ ଦେଇଥିଲେ | ପୁଅକୁ ଦେଖି ମା ନିଜ କୋହ ସମ୍ଭାଳି ପାରିନଥିଲେ | ଏତେ ଦିନ ପରେ ପୁଅକୁ ଦେଖି ମଞ୍ଜରୀ କାନ୍ଦି ପକାଇଥିଲେ | ତଥାପି ସଚେତନତା ଅବଲମ୍ବନ କରି ସେ ପୁଅକୁ ଆଲିଙ୍ଗନ କରି ପାରିନଥିଲେ |

   Related Posts