Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

୩ ଦିନ ହେଲା ଶବ ଗୃହରେ ପଡ଼ିଛି ୫ଜଣଙ୍କ ଶବ, ଏପର୍ଯ୍ୟନ୍ତ ମିଳି ନାହିଁ କ୍ଷତିପୂରଣ

24/01/2020 at 9:29 PM

ସୁନ୍ଦରଗଡ଼୨୪/୧: ତିନି ଦିନ ହେଲା ଶବ ଗୃହରେ ପଡ଼ି ରହିଛି ପାଞ୍ଚଟି ମୃତଦେହ । ହେଲେ କ୍ଷତିପୂରଣ ନମିଳିବା ପର୍ଯ୍ୟନ୍ତ ଶବ ନେବେ ନାହିଁ ବୋଲି ସଂପର୍କୀୟମାନେ ଅଡ଼ି ରହିଛନ୍ତି । ସୁନ୍ଦରଗଡ଼ ଜିଲ୍ଲା ରମାବାହାଲରେ ବିଜୁ ଏକ୍ସପ୍ରେସ୍‌ ହାଇୱେରେ କାର୍ ଧକ୍କାରେ ପ୍ରାଣ ହରାଇଥିବା ୫ ଜଣ ମହିଳାଙ୍କ ପରିବାରକୁ ଏ ପର୍ଯ୍ୟନ୍ତ କୌଣସି କ୍ଷତିପୂରଣ ମିଳିନାହିଁ ।

ରାସ୍ତା କାମ କରୁଥିଲେ । ପୋକମାଛି ଭଳି ମାଡ଼ିଦେଲା କାର୍‌। ୫ ଜଣଙ୍କ ମୃତ୍ୟୁ ହେଲା। କିନ୍ତୁ କାହିଁକି ଦିଆଯାଇନି କ୍ଷତିପୂରଣ । ସୁନ୍ଦରଗଡ଼ ରମାବାହାଲ ଦୁର୍ଘଟଣାରେ ପ୍ରାଣ ହରାଇଥିବା ୫ ମହିଳା ଶ୍ରମିକଙ୍କ ପରିବାରକୁ କାହିଁକି ମିଳିନି କ୍ଷତପୂରଣ। କଣ ଏମାନେ ଶ୍ରମିକ ବୋଲି ଏମାନଙ୍କୁ ଅଣଦେଖା।

ଏଭଳି କିଛି ଅଭିଯୋଗ କରି ସେହି ରାସ୍ତା ଉପରେ ବସିଛନ୍ତି ଗାଁ ଲୋକେ। ଅଟକି ରହିଛି ଶହ ଶହ ଗାଡ଼ି । ମୃତକଙ୍କ ପରିବାରକୁ ୧୫ ଲକ୍ଷ ଟଙ୍କା କ୍ଷତିପୁରଣ ସହିତ ଠିକା ସଂସ୍ଥା ଏଲ୍‌ ଏଣ୍ଡ୍‌ ଟିରେ ଚାକିରୀ ଦାବି କରିଛନ୍ତି ଆନ୍ଦୋଳନକାରୀ ।ଏନେଇ କୁତ୍ରା ଥାନାରେ ଆଲୋଚନା ହେବାର ଥିଲେ ମଧ୍ୟ ଆଲୋଚନା ପାଇଁ ଆସିନଥିଲେ ଏଲ୍‌ ଏଣ୍ଡ୍‌ ଟି କର୍ତ୍ତୃପକ୍ଷ ।

ଗତ ୨୨ ତାରିଖରେ ଏଲ୍‌ ଏଣ୍ଡ୍‌ ଟି ଅଧିନରେ ମହିଳା ଶ୍ରମିକ ମାନେ କାମ କରୁଥିବା ବେଳେ ଏକ ଦ୍ରୁତଗାମୀ କାର୍‌  ରାସ୍ତା ସେପଟୁ ଆସି ସେମାନଙ୍କ ଉପରେ ଚଢ଼ିଯାଇଥିଲା। ଏଥିରେ କାର୍‌ଟି ମଧ୍ୟ ସଂପୂର୍ଣ୍ଣ ଭାଙ୍ଗିରୁଜି ଯାଇଛି ।

ମୃତ ୫ ମହିଳା ଶ୍ରମିକଙ୍କ ମଧ୍ୟରୁ ୨ ଜଣଙ୍କ ଶବ ରାଜଗାଙ୍ଗପୁର ଡାକ୍ତରଖାନା ଏବଂ ଅନ୍ୟ ୩ ଜଣଙ୍କର ରାଉରକେଲା ସରକାରୀ ଡାକ୍ତରଖାନାର ଶବଗୃହରେ ପଡ଼ି ରହିଛି ।ରାସ୍ତା ଅବରୋଧ ଚାଲିଥିବା ବେଳେ ସୁନ୍ଦରଗଡ଼ ଅତିରିକ୍ତ ଜିଲ୍ଲାପାଳ ଓ ଉପ ଜିଲ୍ଲାପାଳ ପରିସ୍ଥିତି ଅନୁଧ୍ୟାନ କରିଛନ୍ତି । ଦୁର୍ଘଟଣାକୁ ନେଇ ସାରା ରାଜ୍ୟରେ ଉଦ୍‌ବେଗ ପ୍ରକାଶ ପାଇଥିଲା । ସେମାନଙ୍କୁ କ୍ଷତିପୂରଣ ନମିଳିବାକୁ ନେଇ ମଧ୍ୟ ଲୋକଙ୍କ ମନରେ କ୍ରୋଧ ଜାଗିଛି।    

   Related Posts