Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||
  • ଚାନ୍ଦବାଲି : ବାବା ଆଖଣ୍ଡଳମଣିଙ୍କ ମନ୍ଦିରରେ କାଉଡିଆଙ୍କ ଭିଡକୁ ଦୃଷ୍ଟିରେ ରଖି କଟକଣା ଜାରି, ଭକ୍ତଶୂନ୍ୟ ମନ୍ଦିର ପରିସର
  • ||

୫ରାଜ୍ୟର ବିଧାନସଭା ନିର୍ବାଚନ: ଜିତିଲେ ୪ ମୁଖ୍ୟମନ୍ତ୍ରୀ, ହାରିଲେ ଜଣେ

11/12/2018 at 6:27 PM

ଭୁବନେଶ୍ବର ୧୧|୧୨: ଆସିଛି ୫ ଟି ରାଜ୍ୟର ଫଳାଫଳ । ରାଜସ୍ଥାନ,ଛତିଶଗଡ ଓ ମଧ୍ୟପ୍ରଦେଶରେ ମ୍ୟାଜିକ୍‌ ନମ୍ବର ଛୁଇଁଛି କଂଗ୍ରେସ । ପଦ୍ମ ମଉଳିଥିବା ବେଳେ କଂଗ୍ରେସରଆସିଛି ଅଛେଦିନ୍‌ । ତେବେ ତେଲେଙ୍ଗାନା ଓ ମିଜୋରାମରେ କଂଗ୍ରେସ ଭଲ ପ୍ରଦର୍ଶନ କରିପାରିନାହିଁ ।ତେବେ ଏଠାରେ ବିଜେପି ମଧ୍ୟ କିଛି ଖାସ କରିପାରିନାହିଁ । ତେବେ ଏହି ୫ ରାଜ୍ୟରେ କେଉଁ ପ୍ରମୁଖ ପ୍ରାର୍ଥୀନିର୍ବାଚନ ଜିତି ଛନ୍ତି ଆଉ କେଉଁ ପ୍ରାର୍ଥୀ ହାରିଛନ୍ତି ଆସନ୍ତୁ ନଜର ପକାଇବା ।

ଛତିଶଗଡରେ କଂଗ୍ରେସ କ୍ଷମତାକୁ ଫେରିବା ସ୍ପଷ୍ଟ ହୋଇଛି । ରମଣ ସିଂଙ୍କ ସରକାର ବିଦାୟ ନେବ। ହେଲେ ବିଦାୟ ନେଇନାହାନ୍ତି ରମଣ । ମୁଖ୍ୟମନ୍ତ୍ରୀ ରମଣ ସିଂ ରାଜନନ୍ଦଗାଁରୁ ନିଜ ଗଡ ବଞ୍ଚାଇବାରେସକ୍ଷମ ହୋଇଛନ୍ତି । ସେଠାରୁ କଂଗ୍ରେସ ପ୍ରତିପକ୍ଷଙ୍କୁ ହରାଇ ନିର୍ବାଚନ ଜିତିଛନ୍ତି ରମଣ । ସେହିଭଳିଜନତା କଂଗ୍ରେସ ଛତିଶଗଡର ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଅଜିତ୍‌ ଯୋଗୀ ମାରୱାହି ଆସନରୁ ବିପୁଳଭୋଟ୍‌ରେ ଲିଡ୍‌ କରିଛନ୍ତି । କଂଗ୍ରେସର ଟାଣୁଆ ନେତା ଟି.ଏସ୍‌ ବାବୁ ଅମ୍ବିକାପୁର ଆସନରେ ଆଗୁଆଅଛନ୍ତି । କଂଗ୍ରେସର ଚରଣ ଦାସ ମହନ୍ତ ଶକ୍ତି ଆସନରୁ ଆଗୁଆ ଥିବା ବେଳେ ଜେସିସିର ରେଣୁ ଯୋଗୀ ଆଗୁଆଅଛନ୍ତି । 

ସେପଟେ ରାଜସ୍ଥାନରେ କଂଗ୍ରେସ ମ୍ୟାଜିକ୍‌ ସଂଖ୍ୟା ପାର କରିସାରିଛି ।ଯୁବ ନେତା ସଚିନ୍ ପାଇଲଟ୍‌ଟୋଙ୍କ୍‌ ଆସନରୁ ପ୍ରଥମଥର ଲଢି ବିଜୟୀ ହୋଇଛନ୍ତି । ସେ ବିଜେପିର ଟାଣୁଆ ନେତା ତଥା ମନ୍ତ୍ରୀ ୟୁନୁସ୍‌ଖାନ୍‌କୁ ହରାଇଛନ୍ତି । ସେହିଭଳି ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ଅଶୋକ ଗେହଲଟସରଦାରପୁର ଆସନରୁ ବିଜେପି ପ୍ରାର୍ଥୀ ଶମ୍ଭୁ ସିଂଙ୍କୁ ପରାସ୍ତ କରିଛନ୍ତି । ତେବେ ଦଳ ହାରିଥିଲେବି ମୁଖ୍ୟମନ୍ତ୍ରୀ ବସୁନ୍ଧର ରାଜେ ସିନ୍ଧିଆ ଝଲରପଟନ ଆସନରୁ ପୂର୍ବତନ କେନ୍ଦ୍ରମନ୍ତ୍ରୀ ଜଶୱନ୍ତସିଂଙ୍କ ପୁଅ ତଥା କଂଗ୍ରେସ ନେତା ମାନଭଦ୍ର ସିଂଙ୍କୁ ପରାସ୍ତ କରି ନିଜ ଗଡ ବଞ୍ଚାଇ ପାରିଛନ୍ତି । 

ମଧ୍ୟପ୍ରଦେଶରେ ବି କଂଗ୍ରେସ ମ୍ୟାଜିକ୍‌ ନମ୍ବର ଛୁଇଁଛି । ବିଜେପିର ମୁଖ୍ୟମନ୍ତ୍ରୀ ଶିବରାଜସିଂ ଚୌହାନ କଂଗ୍ରେସ ପ୍ରତିପକ୍ଷଙ୍କୁ ପରାସ୍ତ କରି ବୁଦ୍ଧନି ଆସନରୁ ବିଜୟୀ ହୋଇଛନ୍ତି । ବିଜେପିପ୍ରାର୍ଥୀ ୟଶୁଧରା ରାଜେ ସିନ୍ଧିଆ ଶିବପୁରୀ ଆସନରେ କଂଗ୍ରେସ ପ୍ରାର୍ଥୀଙ୍କୁ ଠାରୁ ଆଗରେ ଅଛନ୍ତି। ସେହିଭଳି କଂଗ୍ରେସ ଟାଣୁଆ ନେତା ଆରିଫ ଅକିଲ୍‌ ଭୋପାଲ୍ ନର୍ଥରୁ ବିଜେପି ପ୍ରାର୍ଥୀଙ୍କ ଠାରୁ ଆଗରେଅଛନ୍ତି । ଦିଗବିଜୟ ସିଂଙ୍କ ପୁଅ ତଥା କଂଗ୍ରେସ ଯୁବ ନେତା ଜୟବର୍ଦ୍ଧନ ସିଂଙ୍କ ରଘୁଗଡ ଆସନରେ ବିଜୟହୋଇଛନ୍ତି । 

ସେପଟେ ତେଲେଙ୍ଗାନାରେ ଟିଆରଏସ୍‌ ନେତା ତଥା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖରରାଓ ଗଜୱେଲ୍‌ଆସନରୁ ବିଜୟୀ ହୋଇଥିବା ବେଳେ କେ. ତାରକା ରାମାରାଓ ଆଗୁଆ ଅଛନ୍ତି । କଂଗ୍ରେସ ନେତା ଉତ୍ତମ କୁମାରହୁଜୁରନଗର ଆସନରୁ ଆଗରେ ଅଛନ୍ତି । ଏଆଇଏମ୍ଆଇଏମ୍‌ ନେତା ଅକବୁରଦ୍ଦିନ ଓଏସିସ୍‌ ଚନ୍ଦ୍ରୟନ୍‌ଗୁଟାଆସନରୁ ଜିତିଛନ୍ତି । 

ଏହି ୪ ରାଜ୍ୟର ମୁଖ୍ୟମନ୍ତ୍ରୀ ନିଜ ଆସନରୁ ବିଜୟୀ ହୋଇଥିଲେ ବି ମିଜୋରାମର ମୁଖ୍ୟମନ୍ତ୍ରୀଦୁଇଟି ଆସନରେ ଛିଡା ହୋଇ ସେଠାରୁ ହାରି ଯାଇଛନ୍ତି ।୫ ଥରର କଂଗ୍ରେସ ମୁଖ୍ୟମନ୍ତ୍ରୀ ଲାଲ୍‌ ଥନ୍‌ୱାଲଚମ୍ପାଇ ସାଉଥରୁ ହାରିଥିବା ବେଳେ ସେରଚିପ୍‌ ରୁ ବି ହାରି ଯାଇଛନ୍ତି । ଏମ୍‌ଏନ୍‌ଏଫ୍‌ ଓ ଜେଡ୍‌ପିଏମ୍‌ପ୍ରାର୍ଥୀଙ୍କ ଠାରୁ ହାରି ଯାଇଛନ୍ତି । 

   Related Posts