ରାୟଗଡା ୨୬|୬: ସ୍ବାଭାବିକ ହେଲା କୋରାପୁଟ ରାୟଗଡା ରୁଟ୍ ରେ ଟ୍ରେନ୍ ଚଳାଚଳ । ସମଲେସ୍ବରୀ ଏକ୍ସପ୍ରେସରେ ନିଆଁ ଲାଗିବା ପରେ ସେହି ରୁଟରେ ଟ୍ରେନ ଚଳାଚଳ ଠପ୍ ହୋଇଯାଇଥିଲା । ମରାମତି ପରେ ରେଳ ଚଳାଚଳ ସ୍ବାଭାବିକ ହୋଇଛି । ବିଳମ୍ବିତ ରାତିରେ ବିଶାଖାପାଟନମ୍ ଡିଆର୍ଏମ୍ ଚେତନ ଶ୍ରୀବାସ୍ତବ ଘଟଣାସ୍ଥଳକୁ ଯାଇ ସ୍ଥିତି ପରଖିଥିଲେ ।
ଗତକାଲି ହାୱଡା ଜଗଦଲପୁର ସମଲେଶ୍ବରୀ ଏକ୍ସପ୍ରେସରେ ନିଆଁ ଲାଗିଯାଇଥିଲା । ରାୟଗଡାର ସିଙ୍ଗାପୁର-କେଉଟପଡା ନିକଟରେ ଏହି ଦୁର୍ଘଟଣା ଘଟିଥିଲା । ସମଲେଶ୍ବର ଏକ୍ସପ୍ରେସ ସହ ବିଦ୍ୟୁତ ଲାଇନ୍ ମରାମତି ଟ୍ରେନ୍ ଧକ୍କା ହେବାରୁ ନିଆଁ ଲାଗିଯାଇଥିଲା । ଏଥିରେ ୩ ଜଣ ରେଳ କର୍ମଚାରୀଙ୍କ ମୃତ୍ୟୁ ହୋଇଥିବା ବେଳେ ୨ ଷ୍ଟେସନ ମାଷ୍ଟରଙ୍କ ସହ ୫ ଜଣଙ୍କୁ ଘଟଣାରେ ନିଲମ୍ବନ କରାଯାଇଛି ।
