Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଚାଷୀ ଆନ୍ଦୋଳନକୁ ନେଇ ରାଷ୍ଟ୍ରପତିଙ୍କୁ ଭେଟିଲେ ୫ ବିରୋଧୀ ଦଳ ନେତା, କହିଲେ ଏକତରଫା ଆଇନ ପ୍ରତ୍ୟାହାର ହେଉ

9/12/2020 at 6:03 PM

ନୂଆଦିଲ୍ଲୀ ୯।୧୨:  କୃଷି ସଂଶୋଧନ ଆଇନ-୨୦୨୦କୁ ନେଇ ଉପୁଜିଥିବା ଚାଷୀ ଅସନ୍ତୋଷରେ ବୁଧବାର ୫ ବିରୋଧୀ ଦଳ ନେତା ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଭେଟିଛନ୍ତି। ସରକାର ଆଇନରେ ପରିଣତ କରିଥିବା କୃଷି ସଂଶୋଧନ ଆଇନ ଏକତରଫା ଓ ତରବରିଆ ବୋଲି କହିଛନ୍ତି। ସଂସଦରେ ଆଇନ ନେଇ ସରକାର ଆଲୋଚନା ମଧ୍ୟ କରିନଥିବା ରାଷ୍ଟ୍ରପତିଙ୍କୁ କହିଛନ୍ତି। ଏଣୁ ଆଇନ ପ୍ରତ୍ୟାହାର ହେବା ଦରକାର ବୋଲି ସେମାନେ ଦାବି କରିଛନ୍ତି।

କଂଗ୍ରେସ ସାଂସଦ ରହୁଲ ଗାନ୍ଧି ଚାଷୀମାନେ ପ୍ରତ୍ୟାହାର ଦାବି କରୁଥିବା ସମସ୍ତ ୩ଟି ଜାକ ଆଇନକୁ ଜନବିରୋଧୀ ଓ ସଂସଦ ଦ୍ୱାରା ଅନୁମୋଦିତ ନୁହେଁ ବୋଲି କହିଛନ୍ତି। ଏଣୁ ଏଭଳି ଆଇନ ସରକାର ପ୍ରତ୍ୟାହାର  କରିବା ଦରକାର ବୋଲି ଦାବି କରିଛନ୍ତି।  ସରକାର ଚାଷୀଙ୍କ ମନକଥା ବୁଝିବାକୁ ଚେଷ୍ଟା କରନ୍ତୁ ଓ ଜନବିରୋଧୀ ଆଇନ ତୁରନ୍ତ ପ୍ରତ୍ୟାହାର ଲାଗି ପଦକ୍ଷେପ ନିଅନ୍ତୁ ବୋଲି କହିଛନ୍ତି। ସେହିପରି ସିପିଏମ ନେତା ଆମେ ରାଷ୍ଟ୍ରପତିଙ୍କୁ ଭେଟି ସ୍ମାରକପତ୍ର ଦେଇଥିବା କହିଛନ୍ତି।

ୟେଚୁରି କହିଛନ୍ତି ଯେ ଆମେ ସରକାରଙ୍କ କୃଷି ଆଇନ ଓ ବିଦ୍ୟୁତ ସଂଶୋଧନ ଆଇନ ରଦ୍ଦ କରିବା ଲାଗି ଦାବି କରିଛୁ। ଏଗୁଡିକୁ ସରକାର ଗଣତାନ୍ତ୍ରିକ ଉପାୟରେ ଆଇନରେ ପରିଣତ କରିନାହାନ୍ତି। ଏଣୁ ଏଭଳି ଆଇନ ରଦ୍ଦ ହେବା ଦରକାର। ସେହିପରି ଏନସିପି ନେତା ଶରଦ ପାୱାର ଭୀଷଣ ଥଣ୍ଡାରେ ଦେଶର ଚାଷୀ ସଡ଼କରେ ବସିଥିବା କହିଛନ୍ତି। ସରକାରଙ୍କ ଜନବିରୋଧୀ ଆଇନକୁ ନେଇ ଚାଷୀ ଅସନ୍ତୁଷ୍ଟ ଅଛନ୍ତି। ଏଣୁ ଚାଷୀଙ୍କୁ ବୁଝାସୁଝା କରି ସେମାନଙ୍କ ଦାବି ପୂରଣ କରିବା ସରକାରଙ୍କ ନୈତିକ ଦାୟିତ୍ୱ ବୋଲି କହିଛନ୍ତି।

ରାହୁଲ ଗାନ୍ଧିଙ୍କ ସମେତ ସୀତାରାମ ୟେଚୁରୀ, ଏନସିପି ନେତା ଶରଦ ପାୱାର, ସପିଆଇ ନେତା ଡି. ରାଜା, ଡିଏମକେ ନେତା ଟି.କେ.ଏସ୍.ଏଲେନଗୋବନ ପ୍ରମୁଖ ରାଷ୍ଟ୍ରପତିଙ୍କୁ ଭେଟି ସ୍ମାରକପତ୍ର ଦେଇଛନ୍ତି।

   Related Posts