Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୧୬ ହଜାରରୁ ଅଧିକ କରୋନା ପଜିଟିଭ୍, ୭୩୩ ମୃତ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୧୨ କୋଭିଡ୍ ପଜିଟିଭ୍
  • ||
  • କରଞ୍ଜିଆରେ ମାତିଛନ୍ତି ଝାଡଖଣ୍ଡୀ ହାତୀ, ନଷ୍ଟ କରୁଛନ୍ତି ଏକର ଏକର ଫସଲ
  • ||
  • ସିରିଜ୍‌ ଦୁର୍ଘଟଣା, ପଛକୁ ପଛ ଧକ୍କା ହେଲେ ୮ ଗାଡ଼ି ; ୩ ମୃତ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସୋନପୁର ବନ୍ଦ ପାଳନ
  • ||
  • ଓଡିଶା ଆସୁଛନ୍ତି କେନ୍ଦ୍ର କୋଇଲା ମନ୍ତ୍ରୀ, ଗସ୍ତ କରିବେ ପାରାଦୀପ ଓ ତାଲଚେର
  • ||

ବଡ ଖୁଲାସା: କରୋନାରେ ୫ ଲକ୍ଷ ଆମେରିକୀୟଙ୍କ ପ୍ରାଣହାନୀ ଘଟିପାରେ

7/03/2020 at 2:49 PM

ନୂଆଦିଲ୍ଲୀ ୦୭।୦୩- କରୋନା ଭୂତାଣୁକୁ ନେଇ ସମଗ୍ର ଦୁନିଆରେ ଆତଙ୍କର ମାହୋଲ ଛାଇ ରହିଛି।  ସମଗ୍ର ବିଶ୍ଵରେ କରୋନା ସଂକ୍ରମିତଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି। ଏହା ମଧ୍ୟରେ ଲିକ୍ ହୋଇଥିବା ଏକ ତଥ୍ୟରୁ ଖୁଲାସା ହୋଇଛି ଯେ, କରୋନା ଭୂତାଣୁ କାରଣରୁ ଆମେରିକାରେ ପ୍ରାୟ ୯ କୋଟି ଲୋକ କରୋନାରେ ସଂକ୍ରମିତ ହେବାର ସମ୍ଭାବନା ରହିଛି। କେବଳ ଏତିକି ନୁହେଁ  କରୋନା କାରଣରୁ ୪.୮ ଲକ୍ଷ ଲୋକଙ୍କ ପ୍ରାଣହାନୀ ମଧ୍ୟ ଘଟିପାରେ। ଦ ଆମେରିକନ ହସ୍ପିଟାଲ ଆସୋସିଏସନ(AHA) ଫେବୃଆରୀରେ ଏକ କାର୍ଯ୍ୟକ୍ରମ ଆୟୋଜନ କରିଥିଲା। ଏଥିରେ ଉପସ୍ଥାପିତ ଉପସ୍ଥାପନରେ ଏହି ତଥ୍ୟକୁ ଉଲ୍ଲେଖ କରାଯାଇଥିଲା।

ଡେଲି ମେଲର ରିପୋର୍ଟ ଅନୁଯାୟୀ, ଦ ଆମେରିକନ ହସ୍ପିଟାଲ ଆସୋସିଏସନର ପ୍ରେଜେନଟେସନର ତଥ୍ୟ ଏହା ଦର୍ଶାଉଛି ଯେ, କରୋନା ଭୂତାଣୁକୁ ନେଇ ଆମେରିକୀୟ ଅଧିକାରୀ ଯେଉଁ ଦୃଢୋକ୍ତି ପ୍ରକାଶ କରୁଛନ୍ତି, ତାର ବୀପରିତ ଦେଶରେ କରୋନ ବିପଦ ୧୦ ଗୁଣ ଅଧିକ ରହିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଦମ୍ଭୋକ୍ତି ପ୍ରକାଶ କରିଥିଲେ ଯେ, କରୋନ ଭୂତାଣୁରେ ଆମେରିକାବାସୀଙ୍କ ପ୍ରତି ବିପଦ କମ ରହିଛି।

ଦ ଆମେରିକନ ହସ୍ପିଟାଲ ଆସୋସିଏସନ ଫେବୃଆରୀ ୨୬ରେ ଏହି କାର୍ଯ୍ୟକ୍ରମ ଆୟୋଜନ କରିଥିଲା, ଯାହାର ନାମ ଥିଲା COVID-19(କରୋନା ଭାଇରସ) ପାଇଁ ପ୍ରସ୍ତୁତି: ହେଲଥ କେୟାର ଲିଡର୍ସଙ୍କୁ କଣ କରାଯିବା ଉଚିତ୍। କାର୍ଯ୍ୟକ୍ରମରେ ୟୁନିଭର୍ସିଟି ଅଫ ନେବ୍ରାସ୍କା ମେଡିକାଲ ସେଣ୍ଟରର ପ୍ରଫେସର ଡ. ଜେମ୍ସ ଲଲର ନିଜର ଉପସ୍ଥାପନରେ ‘ବେଷ୍ଟ ଗେସ୍’ ଆଧାରରେ ସମ୍ଭାବିତ ତଥ୍ୟର ଅନୁମାନ ଲଗାଇଥିଲେ।

ବିଜନେଟ୍ ଇନସାଇଟର ରିପୋର୍ଟ ଅନୁଯାୟୀ, ଉପସ୍ଥାପିତ ଉପସ୍ଥାପନାରେ ଡାକ୍ତର କହିଛନ୍ତି ଯେ, ଆମେରିକାରେ କରୋନା ଭୂତାଣୁ କାରଣରୁ ହେବାକୁ ଥିବା ମୃତ୍ୟ ସଂଖ୍ୟା ହ୍ରାସ ପାଇଁ ହସ୍ପିଟାଲଗୁଡିକ ପକ୍ଷରୁ ଜୋରଦାର ପ୍ରସ୍ତୁତି କରାଯିବାର ଆବଶ୍ୟକତା ରହିଛି।

ଯେବେ ଏହି କାର୍ଯ୍ୟକ୍ରମର ଆୟୋଜନ ହୋଇଥିଲା, ସେତେବେଳକୁ ସମଗ୍ର ଦୁନିଆରେ ୮୦ ହଜାର କରୋନା ଭୂତାଣୁ ସଂକ୍ରମିତ ମାମଲା ସାମ୍ନାକୁ ଆସି ସାରିଥିଲା। ସେହି ସମୟରେ ଆମେରିକାରେ ୬୦ ଜଣ କରୋନା ସଂକ୍ରମିତ ହୋଇଥିଲେ ଏବଂ ଏଥିରେ କାହାରି ପ୍ରାଣହାନୀ ଘଟିନଥିଲା।

   Related Posts