ବରଗଡ, ୧୭ ।୦୯: ଗତ କିଛି ଦିନ ହେବ ବରଗଡ଼ ଓ ଏହାର ଆଖ ପାଖ ଅଞ୍ଚଳରେ ଏକ କାର୍ ଚୋରି ରାକେଟର ପର୍ଦ୍ଦାଫାସ କରିଛି ବରଗଡ଼ ପୋଲିସ । ଅପରପକ୍ଷେ ଜଣେ ମହିଳାଙ୍କ ବେକରୁ ସୁନା ଚେନ୍ ଛିଣ୍ଡାଇ ଫେରାର ହୋଇଥିବା ଘଟଣାରେ ମଧ୍ୟ ଏହି ଗ୍ୟାଙ୍ଗର ସମ୍ପୃକ୍ତି ଥିବା ନେଇ ସ୍ପଷ୍ଟ କରିଛି ପୋଲିସ । ଗ୍ୟାଙ୍ଗର ୫ଜଣଙ୍କୁ ଗିରଫ କରାଯାଇଛି ।
ଗିରଫ ଅଭିଯୁକ୍ତଙ୍କଠାରୁ ପୋଲିସ ୧୮ଟି ମୋବାଇଲ, ଲୁଟ୍ ହୋଇଥିବା ସୁନା ଚେନ୍ , ତିନୋଟି କାର ,ଡକାୟତିରେ ବ୍ୟବହାର ହେଇଥିବା ଦୁଇଟି ବାଇକ ଓ ଦୁଇଟି ଛୁରୀ ଜବତ କରିଛି । ଏହାସହ ସେମାନଙ୍କ ଠାରୁ ନଗଦ ୪ହଜାର୮ସହ ଟଙ୍କା ମଧ୍ୟ ଜବତ ହୋଇଛି ।
୫ଜଣ ଅଭିଯୁକ୍ତଙ୍କୁ ଡକାୟତି, ଚୋରି ପରି ବିଭିନ୍ନ ସଙ୍ଗୀନ ମାମଲା ରୁଜୁ କରି କୋର୍ଟ ଚାଲାଣ କରିଛି ବରଗଡ଼ ପୋଲିସ । ଅଭିଯୁକ୍ତ ମାନେ ହେଲେ ବରଗଡ଼ ଟାଉନ ଥାନା ଅନ୍ତର୍ଗତ ମଗସିର ମେହେର,କିଶୋର ମେହେର,ରାଜା ହାତୀ ,ରୋହିତ ମେହେର ଓ ବିଜେ ବାଗ । ଏବଂ ସେମାନଙ୍କ ନାଁ ରେ ବିଭିନ୍ନ ଥାନାରେ ପୂର୍ବରୁ ଅନେକ ଚୋରି ଓ ଡକାୟତି ପରି ସଙ୍ଗୀନ ମାମଲା ରହିଛି ।
