ଅହମ୍ମଦାବାଦ, ୨୦/୫: ଦେଖୁ ଦେଖୁ ଆଖି ପିଛୁଳାକେ ଭୁଶୁଡି ପଡ଼ିଲା ପାଞ୍ଚ ମହଲା କୋଠା l ଅଳ୍ପକେ ବର୍ତ୍ତିଗଲେ ଅଠେଇଶିଟି ପରିବାର l ଏପରି ଅଭାବନୀୟ ଘଟଣା ଗୁଜୁରାଟର ଅହମ୍ମଦାବାଦରେ ଦେଖିବାକୁ ମିଳିଛି l
wp:html/wp:htmlIndia: Five-storey building collapses in Jamalpur, Ahmedabad. #BuildingCollapse #JamalpurBuildingCollapse #Gujaratpic.twitter.com/Jstv9e6ZOb
— Annu Kaushik (@AnnuKaushik253) May 19, 2021
ସୂଚନା ଅନୁସାରେ, ଏକ କୋଠା ଭୁଶୁଡିବାର ଭିଡ଼ିଓ ଏବେ ସୋସିଆଲ ମିଡ଼ିଆ ଟ୍ୱିଟରରେ ଭାଇରଲ ହେବାରେ ଲାଗିଛି l ଏହି ଭିଡ଼ିଓଟି ଗୁଜୁରାଟର ଅହମ୍ମଦାବାଦର ବୋଲି ଜଣାପଡ଼ିଛି l ରିପୋର୍ଟ ମୁତାବକ ଅହମ୍ମଦାବାଦର ପୁରୁଣା ନଗରର ଜମ୍ୱଲପୁରରେ ଏହି କୋଠା ଥିଲା l ବାତ୍ୟାର ପୂର୍ବଦିନ ଜୋରରେ ପବନ ଏବଂ ବର୍ଷା କାରଣରୁ ଏହି କୋଠାଟି ଭୁଶୁଡି ପଡିଥିଲା l
wp:html/wp:html#Ahmedabad Five - floor building in #Jamalpur collapses... ?#CycloneTauktae Ka Effect Ho Raha Hai... ? pic.twitter.com/GP3wKIKzdD
— P A R T H V I (@ParthviMakwana) May 19, 2021
କୋଠାଟି 1997 ମସିହାରେ ନିର୍ମିତ ହୋଇଥିଲା l ତେଣୁ ଏହା ଜିରାଜୀର୍ଣ୍ଣ ଅବସ୍ଥାରେ ରହିଥିଲା l ଚଳିତ ବର୍ଷର ପ୍ରଥମ ବାତ୍ୟା ତାଉତେର ପ୍ରକୋପ କାରଣରୁ ଏହି କୋଠାଟି ଗତ ବୁଧବାର ସନ୍ଧ୍ୟାରେ ଭୁଶୁଡି ଥିଲା l ଆଶ୍ଚର୍ଯ୍ୟର କଥା ହେଉଛି କି, ଏହି କୋଠାରେ ରହୁଥିବା ଅଠେଇସିଟି ପରିବାର ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି l ପୂର୍ବରୁ ପ୍ରଶାସନ ସତର୍କ କରାଇଥିବାରୁ ବାତ୍ୟା ଆସିବାର ପୂର୍ବ ଦିନ ସମସ୍ତେ କୋଠାକୁ ଖାଲି କରିଦେଇଥିଲେ l ଏହି ଘଟଣାରେ କେହି ଆହତ ହୋଇନାହାନ୍ତି l
ତେବେ ଏହି ବାତ୍ୟା ତାଉତେ ଗୁଜୁରାଟର ଗିର ସୋମନାଥ ଜିଲ୍ଲା ଡିଉ ଏବଂ ଉନା ସହର ମଝିରେ ଲ୍ୟାଣ୍ଡଫଲ କରିଥିଲା l ଭୀଷଣ କ୍ଷୟକ୍ଷତି ସହ ବହୁ ଧନ ସମ୍ପତ୍ତି ନଷ୍ଟ ହୋଇଥିବା ଜଣାପଡିଛି l ଏହା ଗୁରୁବାର 1.30 ମିନିଟରେ ଲ୍ୟାଣ୍ଡଫଲ କରିଥିଲା l
