ଭୁବନେଶ୍ବର୧୧/୪: ରାଜ୍ୟରେ କୋଭିଡ-୧୯ ପଜିଟିଭ ସଂଖ୍ୟା ୫୦କୁ ବୃଦ୍ଧି ପାଇଥିବା ବେଳେ ସଂକ୍ରମିତଙ୍କଠାରୁ ନିକଟ ଆତ୍ମୀୟଙ୍କୁ ଏହା ବ୍ୟାପୁଥିବା ଦେଖାଯାଇଛି। ରାଜ୍ୟର ୪୯ ନମ୍ବର ଏବଂ ୫୦ ନମ୍ବର କରୋନା ପଜିଟିଭ୍ଙ୍କ ତଥ୍ୟରୁ ଏହା ଜଣାପଡିଛି।
wp:core-embed/twitter {"url":"https://twitter.com/IPR_Odisha/status/1248960085222543362?s=20","type":"rich","providerNameSlug":"twitter","className":""} /wp:core-embed/twitterସୂଚନା ଓ ଲୋକ ସଂପର୍କ ବିଭାଗର ଖବର ଅନୁଯାୟୀ, ୪୯ ନମ୍ବର କୋଭିଡ୍-୧୯ ପଜିଟିଭ୍ ଜଣେ ମହିଳା ତାଙ୍କ ବୟସ ୩୫ ବର୍ଷ। ୫୦ ନମ୍ବର କୋଭିଡ-୧୯ ପଜିଟିଭ୍ ହେଉଛନ୍ତି ଜଣେ ଯୁବକ, ଏବଂ ତାଙ୍କ ବୟସ ୨୩ ବର୍ଷ। ଉଭୟ ଭୁବନେଶ୍ବର ମଧୂସୁଦନ ନଗରରେ ପୂର୍ବରୁ ଚିହ୍ନଟ କୋଭିଡ୍-୧୯ ସଂକ୍ରମିତଙ୍କ ସଂପର୍କରେ ଆସିଥିଲେ। ମଧୂସୁଦନ ନଗରର ସଂପୃକ୍ତ ବ୍ୟକ୍ତି ଜଣଙ୍କ ରାଜ୍ୟର ୪୧ ତମ କରୋନା ସଂକ୍ରମିତ ରୋଗୀ। ଗତ ୭ ତାରିଖ ଦିନ ତାଙ୍କୁ ଚିହ୍ନଟ କରାଯାଇଥିଲା। ଏବେ ତାଙ୍କର ୨ ଜଣ ଘନିଷ୍ଠଙ୍କ ସ୍ବାବ୍ ପରୀକ୍ଷଣରୁ କୋଭିଡ୍-୧୯ ଭୂତାଣୁ ମିଳିବା ପରେ ଆଶଙ୍କା ବଢ଼ିଛି।
wp:core-embed/twitter {"url":"https://twitter.com/IPR_Odisha/status/1248950282039349248?s=20","type":"rich","providerNameSlug":"twitter","className":""} /wp:core-embed/twitterସୂଚନାଯୋଗ୍ୟ ଯେ,ଭୁବନେଶ୍ବର ମଧୂସୂଦନ ନଗର( ୟୁନିଟ-୪)ରେ ପୂର୍ବରୁ ଚିହ୍ନଟ କୋଭିଡ୍-୧୯ ସଂକ୍ରମିତଙ୍କ ବୟସ ୪୫ବର୍ଷ । ଏବେ ତାଙ୍କର ଦୁଇଜଣ ସଂପର୍କୀୟ କରୋନା ପଜିଟିଭ୍ ହେବା ପୂର୍ବରୁ ଭୁବନେଶ୍ବର ସୂର୍ଯ୍ୟନଗର ଏବଂ ବମିଖାଲରେ ମଧ୍ୟ ଗୋଟିଏ ପରିବାର ଏକାଧିକ ସଦସ୍ୟ କରୋନା ସଂକ୍ରମିତ ହୋଇଛନ୍ତି। ତେବେ ସବୁଠାରୁ ବଡ଼ ତଥା ଆଶ୍ବସ୍ତିକର କଥା ହେଲା ୧୨ ଜଣ କୋଭିଡ୍-୧୯ ପଜିଟିଭ୍ ରୋଗୀ ଏଥି ମଧ୍ୟରେ ସୁସ୍ଥ ହୋଇଛନ୍ତି। ଅବଶିଷ୍ଟ ୩୭ ଜଣ ଚିକିତ୍ସାଧୀନ ଥିବା ବେଳେ ସେମାନଙ୍କ ମଧ୍ୟରୁ ୩୫ ଜଣଙ୍କଠାରେ କରୋନା ଜନିତ ସାଧାରଣ ଲକ୍ଷଣ ଦେଖାଯାଉ ନଥିବା ଶନିବାର ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି।