ନୂଆଦିଲ୍ଲୀ ୨୧।୧୧: ଦେଶରେ କରୋନା ଭାଇରସର ଦୈନିକ ସଂକ୍ରମଣରେ ପୁଣି ବୃଦ୍ଧି ପାଉଥିବାର ଦେଖିବାକୁ ମିଳିଛି । ଗତ ୨୪ଘଣ୍ଟାରେ ୪୬,୨୩୨ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହାକୁ ମିଶାଇ ଦେଶରେ ୯୦ଲକ୍ଷରୁ ଅଧିକ ଲୋକ କରୋନାରେ ସଂକ୍ରମିତ ହୋଇସାରିଛନ୍ତି । ସେପଟେ ଆଶ୍ୱସ୍ତିକର ଖବର ହେଉଛି ଯେ, ଦେଶରେ ଆକ୍ଟିଭ୍ କେସ୍ ସଂଖ୍ୟା ୫ଲକ୍ଷ ତଳେ ରହିଛି । ସେହିପରି ଦେଶରେ ସଂକ୍ରମଣମୁକ୍ତ ହୋଇଥିବା ଲୋକଙ୍କ ସଂଖ୍ୟା ୮୪ଲକ୍ଷରୁ ଅଧିକ ରହିଛି ।
wp:html/wp:htmlWith 46,232 new #COVID19 infections, India's total cases rise to 90,50,598
— ANI (@ANI) November 21, 2020
With 564 new deaths, toll mounts to 1,32,726. Total active cases at 4,39,747
Total discharged cases at 84,78,124 with 49,715 new discharges in last 24 hrs. pic.twitter.com/tFnfmhP5KR
କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଗତ ୨୪ଘଣ୍ଟାରେ ଦେଶରେ କରୋନା ଭାଇରସରେ ୪୬,୨୩୨ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫୬୪ଜଣଙ୍କ ମୃତ୍ୟୁ ହୋଇଯାଇଛି । ବର୍ତ୍ତମାନ ପର୍ଯ୍ୟନ୍ତ ଦେଶରେ ୯୦,୫୦,୫୯୮ଜଣ କରୋନା ସଂକ୍ରମିତ ହୋଇସାରିଲେଣି । ଦେଶରେ କରୋନା ଭାଇରସରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୮୪,୭୮,୧୨୪ରେ ପହଞ୍ଚିଛି । ଗତ ୨୪ଘଣ୍ଟା ମଧ୍ୟରେ ୪୯,୭୧୪ଜଣ କରୋନାରୁ ସୁସ୍ଥ ହୋଇଛନ୍ତି ।
ତେବେ ଦେଶରେ ବର୍ତ୍ତମାନ ଆକ୍ଟିଭ୍ କେସ୍ ୪,୩୯,୭୪୭ ରହିଛି । ବର୍ତ୍ତମାନ ପର୍ଯ୍ୟନ୍ତ ୧,୩୨,୭୨୬ଜଣ ଲୋକଙ୍କ ମୃତ୍ୟୁ ହୋଇଯାଇଛି । ସେହିପରି ଦେଶରେ ୨୦ ନଭେମ୍ବର ପର୍ଯ୍ୟନ୍ତ ୧୩,୦୬,୫୭,୮୦୮ଟି ସାମ୍ପୁଲ ଯାଞ୍ଚ କରାଯାଇଛି । ଦେଖିବାକୁ ଗଲେ କିଛି ଦିନ ସଂକ୍ରମଣ କମିବା ପରେ ଏବେ ପୁଣି କରୋନା ଆକ୍ରାନ୍ତଙ୍କ ସଂଖ୍ୟା ବଢିଚାଲିଛି । ଯାହାକି ଏକ ଚିନ୍ତାର ବିଷୟ ପାଲଟିଛି ।