ଭୁବନେଶ୍ବର ୨୩।୯: ରାଜ୍ୟରେ କରୋନା ପ୍ରକୋପ ଜାରି ରହିଛି । କିପରି ସଂକ୍ରମଣ ଚେନ୍କୁ ଭଙ୍ଗାଯିବ ସେଥିନେଇ ରାଜ୍ୟ ସରକାର ବିଭିନ୍ନ ପଦକ୍ଷେପ ନେଉଛନ୍ତି । ତେବେ ରାଜ୍ୟରେ ଅଧିକ ସଂଖ୍ୟକ କରୋନା ସଂକ୍ରମିତ ଚିହ୍ନଟ ପାଇଁ ଏବେ ଟେଷ୍ଟିଂର ସଂଖ୍ୟା ବୃଦ୍ଧି କରାଯାଇଛି ।
ତେବେ ରାଜ୍ୟରେ ୨୪ ଘଣ୍ଟାରେ ୪୫ ହଜାର ୩୨୧ ଟେଷ୍ଟ ହୋଇଛି । ସେଥିମଧ୍ୟରୁ ୮,୫୯୯ ଆରଟିପିସିଆର ଟେଷ୍ଟ, ୩୬,୬୦୭ ଆଣ୍ଟିଜେନ୍ ଟେଷ୍ଟ, ୧୧୫ ଟ୍ରୁନଟ୍ ଟେଷ୍ଟ କରାଯାଇଛି। ଆରଏମଆରସିରେ ୧,୭୭୫ ଟେଷ୍ଟ, ଏସସିବିରେ ୩୫୪୮, ଏମକେସିଜିରେ ୬୭୭ ଓ କ୍ୟାପିଟାଲ ହସ୍ପିଟାଲରେ ୧୨୪୯ ଟେଷ୍ଟ କରାଯାଇଛି ।
ସେହିଭଳି ଗଞ୍ଜାମ ଜିଲ୍ଲାରେ ୪,୪୪୬, ମୟୁରଭଞ୍ଜରେ ୪,୩୮୯, କେନ୍ଦ୍ରାପଡାରେ ୧,୮୦୭, କେନ୍ଦୁଝରରେ ୩,୦୨୩, ବାଲେଶ୍ବରରେ ୧,୫୧୨, କଟକରେ ୧,୨୪୮, ଖୋର୍ଦ୍ଧା ରେ ୮୭୯ ଟେଷ୍ଟ କରାଯାଇଛି ।