Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ଜିଲ୍ଲାପାଳଙ୍କ ଅଧୀନକୁ ଗଲା ୪୫ ରୁପା ଇଟା, ବ୍ୟାଙ୍କରେ ନରଖି ମଠ ଭିତରେ କାହିଁକି ପୋତିଥିଲେ ? ଉତ୍ତର ଦେଇ ପାରିଲେନି ମଠ ମହନ୍ତ

11/04/2021 at 6:39 PM

ପୁରୀ ୧୧।୦୪: ଏମାର ମଠରୁ ମିଳିଥିବା ୪୫ ରୁପା ଇଟା ପୁରୀ ଜିଲ୍ଲାପାଳଙ୍କ ଅଧୀନକୁ ଗଲା। ଏଣିକି ମଠର ଦାୟିତ୍ଵ ବୁଝିବ ନୂଆ ଟ୍ରଷ୍ଟ ବୋର୍ଡ। ଜିଲ୍ଲାପାଳ ଓ ଦେବୋତ୍ତର କମିସନରଙ୍କ ସହ ସମନ୍ବୟ ରକ୍ଷାକରି ମଠ ପରିଚାଳନା କରିବ ଟ୍ରଷ୍ଟ ବୋର୍ଡ । ଏମାର ମଠ ମହନ୍ତ ରାଜଗୋପାଲ ରାମାନୁଜ ଦାସଙ୍କ ପାଖରେ ଆର୍ଥିକ ପରିଚାଳନା କ୍ଷମତା ରହିବନି । ବାର୍ଷିକ ଆୟ ବ୍ୟୟ ହିସାବରେ ସେ ହସ୍ତକ୍ଷେପ କରିବେନି।  

ଟ୍ରଷ୍ଟ ବୋର୍ଡକୁ ଦାୟିତ୍ବ ହସ୍ତାନ୍ତର ନେଇ ଅମଙ୍ଗ ଥିଲେ ଏମାର ମଠ ମହନ୍ତ । ଏମାର ପରିଚାଳନାରେ ଟ୍ରଷ୍ଟ ବୋର୍ଡର ପ୍ରବେଶକୁ ସେ ସହଜରେ ଗ୍ରହଣ କରି ପାରିନାହାଁନ୍ତି । ତେବେ ଏତେ ପରିମାଣର ରୂପା ଇଟା ବ୍ୟାଙ୍କରେ ନରଖି ମଠ ଭିତରେ କାହିଁକି ପୋତିଥିଲେ ସେନେଇ ସନ୍ତୋଷଜନକ ଉତ୍ତର ଦେଇ ପାରିନାହାଁନ୍ତି ରାଜଗୋପାଲ ରାମାନୁଜ ଦାସ ।

ଏମାର ମଠର ଗୁମର ଖୋଲି ଖୋଲି ଚାଲିଛି । ପୁଣି ୪୫ ଇଟା ବାହାରିବା ପରେ ମଠରୁ ଆହୁରି ଯେ କିଛି ରହସ୍ୟ ଉଦଘାଟନ ନହେବ ତାହା କହିହେବନି ।  ଏଯାଏଁ ମିଳିଥିବା ୫୬୭ଟି ରୂପା ଇଟା ଯାହା ଜିଲ୍ଲା ପ୍ରଶାସନ ହେପାଜତରେ ରହିଛି, ତାକୁ ଶ୍ରୀମନ୍ଦିର ନିର୍ମାଣ କାମରେ ଲଗାଇବାକୁ ଦାବି କରିଛନ୍ତି ବରିଷ୍ଠ ସେବାୟତ । ଏମାର ମଠ ଭିତରେ ବହୁ ରହସ୍ୟ ଛପିଥିବା ଅନୁମାନ କରାଯାଉଛି । ଏବେ ଟ୍ରଷ୍ଟ ବୋର୍ଡ ଦାୟିତ୍ଵ ନେବା ପରେ କିଭଳି ମଠ ପରିଚାଳନା ହେବ ତାହା ଉପରେ ରହିଛି ନଜର ।

   Related Posts