Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ରାୟଗଡା ଜିଲ୍ଲାରୁ ୧୬ କରୋନା ଯୋଦ୍ଧାଙ୍କ ସମେତ ୪୫ ଆକ୍ରାନ୍ତ ଚିହ୍ନଟ, ଜଣେ ସଂକ୍ରମିତଙ୍କ ମୃତ୍ୟୁ

30/07/2020 at 4:42 PM

ରାୟଗଡା ୩୦।୭: ରାୟଗଡା ଜିଲ୍ଲାରୁ ଆଉ ୪୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୬୯୩ରେ ପହଞ୍ଚିଛି। ଜଣଙ୍କର ମୃତ୍ୟୁ ହୋଇଛି । ଜିଲ୍ଲାରେ ମୋଟ୍ ୭ ଜଣଙ୍କ ମୃତ୍ୟୁ ହୋଇଥିବା ଜିଲ୍ଲାପାଳ ସୂଚନା ଦେଇଛନ୍ତି । ସଂକ୍ରମିତ ୪୫ ଜଣଙ୍କ ମଧ୍ୟରୁ ୩୫ ଜଣ ପୁରୁଷ ଓ ୧୦ ଜଣ ମହିଳା ରହିଛନ୍ତି । ଭୁବନେଶ୍ବର ସ୍ଥିତ ଆରଏମଆରସି ପରୀକ୍ଷାଗାର ଓ ଜିଲ୍ଲା ମୁଖ୍ୟ ଚିକିତ୍ସାଳୟ ପରୀକ୍ଷାଗାରରେ ପରୀକ୍ଷଣ ପରେ ରାଜ୍ୟ ସରକାର ଟ୍ବିଟ୍ ଜରିଆରେ ଆକ୍ରାନ୍ତଙ୍କ ସମ୍ପର୍କରେ ସୂଚନା ଦେଇଛନ୍ତି । ଏହାପରେ ଜିଲ୍ଲାପାଳ ସମସ୍ତ ଆକ୍ରାନ୍ତଙ୍କ ସମ୍ପର୍କରେ ସୂଚନା ପ୍ରଦାନ କରିଛନ୍ତି ।

ଆକ୍ରାନ୍ତଙ୍କ ମଧ୍ୟରୁ ୨୨ ଜଣ ରାୟଗଡା ସହରରୁ ଓ ୪ ଜଣ ବ୍ଲକରୁ ରହିଛନ୍ତି । ଗୁଣପୁର ସହରରୁ ୧୭ ଓ ବ୍ଲକରୁ ୨ ଜଣ ରହିଛନ୍ତି । ସମସ୍ତ ୪୫ ଜଣ କଣ୍ଟେନମେଣ୍ଟ ଜୋନରୁ ଚିହ୍ନଟ ହୋଇଥିବା ଜଣାପଡିଛି। ଏଥିରେ ୧୬ ଜଣ କରୋନା ଯୋଦ୍ଧା ରହିଛନ୍ତି । ଯୋଦ୍ଧାଙ୍କ ମଧ୍ୟରେ ୪ ଜଣ ପୋଲିସ କନେଷ୍ଟବଳ, ୩ ଜଣ ଲେଖାଏଁ ସିଆରପିଏଫ ଓ ଆରପିଏଫ ଯବାନ ରହିଛନ୍ତି । ସେହିଭଳି ଜଣେ ଡାକ୍ତର ଓ ୫ ଜଣ ସ୍ବାସ୍ଥ୍ୟ କର୍ମଚାରୀ ରହିଛନ୍ତି । ଆକ୍ରାନ୍ତ ଚିହ୍ନଟ ପରେ ସମ୍ପୃକ୍ତ ଅଞ୍ଚଳକୁ ଆଜି କଣ୍ଟେନମେଣ୍ଟ ଘୋଷଣା କରାଯାଇଛି ।

ଦ୍ରୁତ ସର୍ଭେ ଓ ପରୀକ୍ଷା ଯୋଗୁଁ ରିପୋର୍ଟ ଶୀଘ୍ର ହସ୍ତଗତ ହେଉଛି । ଏଥିସହ ଆକ୍ରାନ୍ତଙ୍କୁ ଜେକେପୁର ସ୍ଥିତ କୋଭିଡ୍ ମେଡିକାଲ, ବିଷମକଟକ, ତାଡମା ଓ ଗୁଣପୁର ସ୍ଥିତ କୋଭିଡ୍ କେୟାର ସେଣ୍ଟରକୁ ପଠାଯାଇଛି। ୪୫ ସଂକ୍ରମିତଙ୍କୁ  ମିଶାଇ ଜିଲ୍ଲାରେ ମୋଟ୍ ୬୯୩ ଜଣ ଚିହ୍ନଟ ହୋଇଥିବା ଓ ୭ ଜଣଙ୍କ ମୃତ୍ୟୁ ଘଟିଥିବା ଜିଲ୍ଲାପାଳ କହିଛନ୍ତି । ସମସ୍ତେ ସତର୍କ ରହିବା ସହ ବର୍ତ୍ତମାନ ଚାଲିଥିବା ସଟ୍ ଡାଉନକୁ ପାଳନ କରିବା ପାଇଁ ଜିଲ୍ଲାପାଳଙ୍କୁ ନିବେଦନ କରିଛନ୍ତି ।

   Related Posts